Shakubelenga 15:28 - Baibo Busansulushi Bwa Libuku Ili

²⁸ Lyalo mupailishi ulaakucita kweelana amulawo wakusalasha pameenso angu nebo neMwaami Lesa, kwaamba ayi asalashe muntu kucibiibi cakwe, mpeeke ulaakulekelelwa.

Shakubelenga 15:28 ပူးပေါင်းရင်းမြစ်များ

Bene Lefi 14:18

Lyalo mafuta oonse acaalaawo mulupaka lwakwe ulaakwaabika pamutwi wa muntu uyo. Munshila iyi ulaakucita kweelana amulawo wakusalasha.

Bene Lefi 4:2

“Lwiita bene Isilaeli ayi uyo woonse weenga wabisha akusotoka mulawo wangu neMwaami Lesa uli woonse cakuteshiba, ulyeelete kukonkela milawo iyi.

Bene Lefi 4:20

Kumucende mwaana uyo, ulaakucita mbomunya mbwaacita kumucende wa mulambu wakulekelelwa shibiibi. Aboobo munshila iyi, ulaakubenga mulambu wa shibiibi sha bantu, lyalo balaakulekelelwa.

Bene Lefi 4:35

Kuswawaawo, ulaakukushamo mafuta oonse, bweenka mbwaakusha mafuta a mumbelele icaikwa ayi ngumulambu wa bwanabwankashi, akwaatentela pacipaililo pantu pomwi acipo ca shakulya cipekwa kuli ndime neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Shakubelenga 15:29

Anu mulawo weenka uyu ulaakunookumite kumuntu uli woonse wabisha cakuteshiba, mwine Isilaeli nabi muswamashi ushiite pakati kabo.