Shakubelenga 14:33 - Baibo Busansulushi Bwa Libuku Ili

³³ Bana banu balaakwiingaila muluyanga kwamyaaka ili makumi one, kabapenga ceebo ca kutashomeka kwanu kushikila wakweelaako pali ndimwe akafwe.

Shakubelenga 14:33 ပူးပေါင်းရင်းမြစ်များ

Kulumbaisha 107:4

Bamwi bakalinga kwingeelabo muluyanga lutacite nshila. Aboobo bakaalilwa kucana nshila yeenga yabatola kundabala yakwikalaamo.

Kulumbaisha 107:40

wakacimwa baabo bakalinga kubalyatilila akubalengesha kutalika kwiingaila muluyanga mutaamu nshila.

Kulumbaisha 78:33

Lyalo wakabatimbwita nshiku sha buumi bwabo cakubula mpindu. Wakabatimbwita myaaka yabo mukunyonyoolwa cakutengashila.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Esekelo 23:35

Mwaami Lesa Shinkusu shoonse waamba ayi, “Ono ceebo ca kundubaako akumfutatila ulaakupenga ceebo ca lunkumbwa abufuule bwako.”

Osiya 9:1

Nobene Isilaeli, amucileeke kusangalala, ee, amucileeke kusamwa pakusekelela kwanu anga njimishobo imwi. Mwebo tamukwe kushomeka kuli Lesa wanu. Mwalyaaba kuli lesa Baali mumisena yoonse ya mucishi anga mbafuule akukondwa shili anga ngamaila amafuta a olifi isho nshemuyeeya ayi nguBaali umupa.

Shakubelenga 32:13

Lyalo Mwaami Lesa wakakalalila bene Isilaeli akubalengesha ayi banokwiingookabo muluyanga kwamyaaka ili makumi one kushikila lishalane lya baabo boonse bakabishisha Mwaami Lesa bamana kufwa.

Shakubelenga 33:38

Mpomunyaawo Mwaami Lesa wakaambila Aloni mupailishi ayi atante paKalundu ka Oli, apo mpwaakafwita pabushiku butaanshi mumweenshi wasanu, mumwaaka wa makumi one kuswa pabushiku bene Isilaeli ndibakaswa mucishi ca Ijipiti.

Shakubelenga 5:31

Ono musankwa teshi akanoocitewo mulandu, sombi mwanakashi uyo ulyeelete kupenshekwa pacibiibi ncaakacita kweelana amulawo.”

Milimo ya Batumwi 7:36

Mose wakatanjilila bantu aba pakuswa muIjipiti. Wakacita shaankamiko alimwi ashitondesho sha nkusu sha kwiculu muIjipiti, paLweenge Lusalala alimwi amuluyanga myaaka ili makumi one.

Dutolonomi 1:3

Pabushiku butaanshi bwa mweenshi wa likumi awomwi mumwaaka wa makumi one kuswa ndibakaswa mucishi ca Ijipiti, Mose wakabalwiita shoonse Mwaami Lesa nshaakamulasha ayi abalwiite.

Dutolonomi 2:14

Apo kwakalinga kwiindite myaaka makumi otatwe, amyaaka yosanwe ayotatwe nditwakaswa kuKadeshi Baniya nditwakasubuka Mulonga wa Seledi. Basankwa boonse bakalinga kucikonsha kulwana baciindi ico bakamana kufwa bweenka Mwaami Lesa mbwaakaamba.

Dutolonomi 2:7

“Amwiibaluke Mwaami Lesa mbwaamupa coolwe mushintu shoonse nshemwakacita. Wakamulama ndimwakalinga kwiingooka muluyanga ulu lutabwenekete ankolweela. Wakalingaanu myaaka yoonse makumi one alimwi shoonse shakalinga kuyandika, mwakabaasho.

Dutolonomi 29:5

Kwamyaaka ili makumi one iyo Mwaami Lesa njaakamutanjilila muluyanga, shakufwala nabi nkwabilo shanu tashikwe kukwamookaawo.

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

Dutolonomi 8:4

Mumyaaka iyi ili makumi one shakufwala shanu tashikwe kukwamookaawo alimwi myeendo yanu taikwe kushimbaawo.

Joshuwa 14:10

Ono amubone, kweelana abwakanshomesha Mwaami Lesa, wandama kwa myaaka ili makumi one alimwi ayosanwe kuswa ndyaakaambila Mose makani aya. Ico cakalinga ciindi bene Isilaeli ndibakalinga kwiindaana muluyanga. Amunangilishe, bulya ndakumanya myaaka makumi osanwe aotatwe alimwi ayosanwe!

Joshuwa 5:6

Bene Isilaeli bakeendaana muluyanga kwamyaaka ili makumi one, kushikila basankwa boonse bakalinga kucite myaaka isuminishikwa kuba shilumamba ndibakamana kufwa, ceebo tabakwe kunyumfwila Mwaami Lesa. Mukwiinga Mwaami Lesa wakabashomesha cakulumbila ayi cishi muli bubile abulongo bubotu ico ncaakashomesha bamashali babo bakulukulu ayi ulaakutupa, teshi bakaciboneewo.