Shakubelenga 14:18 - Baibo Busansulushi Bwa Libuku Ili

¹⁸ ‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’

Shakubelenga 14:18 ပူးပေါင်းရင်းမြစ်များ

Neyemiya 9:17

Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

Jobo 21:19

“Ono mulaamba ayi, ‘Lesa ulapa mulandu mwaana ceebo ca shibiibi sha mushali wakwe.’ Sobwe, aape mulandu bamucita shibi beene kwaamba ayi beshibe ayi nceebo ca shibiibi shabo.

Kulumbaisha 103:8

Mwaami Lesa ngushinkumbu alimwi ngushiluse. Lakwe taakalali bwaangu alimwi lusuno lwakwe talumaani.

Kulumbaisha 108:4

Mukwiinga lusuno lwanu lutamaani ndunene cakushika akwiculu, akwalo kushomeka kwanu cakushika akumakumbi.

Kulumbaisha 109:14

Mwaami Lesa akeebaluke shibiibi sha bamashali babo bakulukulu alimwi atakalekeleliiwo shibiibi sha banyina.

Kulumbaisha 145:8

Mwaami Lesa ngushiluse alimwi ngushinkumbu. Taafwambaani kukalala alimwi ulicite lusuno lutamaani.

Kulumbaisha 78:38

Nakubi boobo lakwe wakalinga kubanyumfwila nkumbu, wakabalekelela shibiibi shabo alimwi taakwe kubanyonyoola. Liinji liinji wakalinga kukomenya moyo kwaamba ayi atabi abukali bwakubacaya.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Kulonga 20:6

Sombi ndabonesha lusuno lwangu kushuulu ashuulu sha baabo bansuni akukonkela milawo yangu.

Jelemiya 23:2

Paceebo ceeco Mwaami Lesa, Lesa wa bene Isilaeli utookwaambila beembeshi abo beembela bantu bakwe ayi, “Ceebo mwakapalanganya litanga lyangu akulitanda, tamukwe kulilama, ndaakumupa mulandu ceebo ca bubi ubo mbomwakacita.

Jelemiya 32:18

Mulatondesha lusuno lwanu kushuulu sha bantu, sombi mulapa milandu baana ceebo cakubisha kwa bamashali babo. Mwebo ndimwe baLesa bacite nkusu shinene abuumbi. Liina lyanu ndimwe Baami baLesa Beshinkusu shoonse.

Malilo 5:7

Bamashali besu bakulukulu bakabisha akuloba. Ono bulya swebo twafwita calya nkanga.

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Shakubelenga 14:17

Aboobo bulya noBaami baLesa ndaseenga ayi nkusu shanu shiboneke kweelana ambomwakaamba ayi,

Shakubelenga 23:21

Taaku mapensho kubamulunyungu lwakwe Jakobo, taaku makatasho kubene Isilaeli. Mwaami Lesa, Lesa wabo uli ambabo, abalo beene baloolobesha ayi nguMwaami wabo.

Bene Loma 5:21

Ono bweenka mbuli bubi mbobwakaba ankusu akuleta lufu, alwalo luse lwakwe Lesa lwakaba ankusu mukwiinga Lesa ulalulamika bantu pameenso akwe akubaletela buumi butamaani, kwiinda muli Jesu Klistu Mwaami wesu.

Dutolonomi 5:10

Sombi ndabonesha lusuno lwangu kushuulu ashuulu sha baabo bansuni akukonkela milawo yangu.

Dutolonomi 5:9

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo, kushikila akulishalane lyatatu alimwi alyane.

Dutolonomi 7:10

Sombi boonse balwani bakwe ulaakubapa mulandu kwiinda mukubanyonyoola. Teshi akabalekebo napaceyi.

Dutolonomi 7:9

Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.