Shakubelenga 13:22 - Baibo Busansulushi Bwa Libuku Ili

²² Bakataanguna kuya kumalenge a cishi akushika kuEbuloni, uko kwakalinga kwikala shipani sha bene Ayimani, Sheshayi alimwi aTalimayi, bamulunyungu lwa bantu bapolomene beetwa ayi Anakimu. Ndabala ya Ebuloni ndiyakayakwa, pakeenda myaaka yosanwe ayobilo ayi iyakwe ndabala ya Soani mucishi ca Ijipiti.

Shakubelenga 13:22 ပူးပေါင်းရင်းမြစ်များ

Matalikilo 13:18

Mpeeke Abulamu wakalonga akuyaka misumba yakwe pafwaafwi amibanga ya kuMamule muEbuloni. Uko nkwaakayakila Mwaami Lesa cipaililo.

Matalikilo 23:2

Wakafwita muEbuloni mucishi ca Kenani, lyalo Abulaamu wakaya mukumulila abuumbi.

2 Samwelo 2:1

Kuswawaawo Defedi wakeepusha Mwaami Lesa ayi, “Sa nje ono kundabala yomwi ya muJuda?” Mwaami Lesa wakakumbula ayi, “Ee, koya.” Mpomunyaawo wakeepusha alimwi ayi, “Nje kundabalanshi?” Mwaami Lesa wakakumbula ayi, “Koya kuEbuloni.”

2 Samwelo 2:11

Defedi wakalela bene Juda kwa myaaka yosanwe ayobilo alimwi amusa kaali mundabala ya Ebuloni.

2 Samwelo 21:16

Mpeeke musankwa upolomene wiitwa ayi Ishibibenobu, uyo wakalinga kuyumwite lisumo lya bulonse lyakalinga kulema makilogilamu ali 3.5 alimwi wakalinga kucite amupeeni upya, wakayeeya kucaya Defedi.

Kulumbaisha 78:12

Wacita shaankamiko mumeenso a bamashali babo bakulukulu, mucishi ca Ijipiti mucituunta ca Sowani.

Kulumbaisha 78:43

Bakaluba shaankamiko isho Lesa nshaakababonesha mucishi ca Ijipiti, ee, shitondesho sha nkusu sha kwiculu shakacitwa mucituunta ca Sowani.

Isaya 19:11

Bacinenenene ba mundabala inene ya Sowani mbaluya! Beshikupanda maano Falawo basongo balapa miyeeyo ifwite! Inga baambila buyani Falawo ayi, “Nebo ndi kulubasu lwa baabo basongo bakeeya kubamaami bakulukulu?”

Isaya 19:13

Bacinenenene ba mundabala inene ya Sowani bababo shiluya. Bamatanjilili ba mundabala inene ya Memfisi bacenjeekwa. Bantu balemekwa mucishi ca Ijipiti balubya bamucishi cabo.

Isaya 30:4

Ono nabi balicite kale bacinenenene mundabala ya Sowani, alimwi beshikwiimikanina bakashika kale mundabala ya Anesi,

Shakubelenga 13:17

Ono Mose ndyaakabatuma, wakabaambila ayi, “Kuswa kokuno mwinjilile kumalenge akuya mukushika kumatwa lya cishi ca Kenani, tibili akucishi ca tulundu.

Shakubelenga 13:28

Sombi bantu bekalaamo balicite nkusu, amandabalaabo anene nganene abuumbi alimwi alicite malinga abotu. Teshi ceeco ceenka, sombi twakacana abamulunyungu lwa bantu bapolomene nkomunya uko.

Shakubelenga 13:33

alimwi twakabona abantu bapolomene, bamulunyungu lwakwe Anaki. Swebo twakalinga kulibona kuceya anga mbateete, alimwi ncakwiila mbotwakalinga kuboneka mbweeke ubo kuli mbabo.”

Dutolonomi 9:2

Bantu baliimo mbalaamfu alimwi mbeshinkusu. Bantu abo mbamulunyungu lwakwe Anaki. Mwakanyumfwaawo kacaambwa ayi, ‘Anu ngani weenga walwana abamulunyungu lwakwe Anaki?’

Joshuwa 10:36

Kuswawaawo Joshuwa alimwi abashilumamba bakwe boonse bakaswa kuEgiloni akuya kundabala inene ya Ebuloni akwiilwana.

Joshuwa 21:13

Ono bamulunyungu lwakwe Aloni mupailishi bakabapa Ebuloni, ndabala yomwi ya aayo akulobokelaako kuwooyo wacaya muntu mumapuso, Libuna,

Boomboloshi 1:10

Kuswawaawo bene Juda bakaya mukulwana bene Kenani bakalinga kwikala mundabala ya Ebuloni, iyo kalekale yakalinga kwiitwa ayi Kilyati Aba. Uko bakaya mukukoma bamumukowa wakwe Sheshayi, Ayimani alimwi aTalumayi.

1 Samwelo 30:31

ba muEbuloni, akumisena yoonse iyo Defedi abashilumamba bakwe njibakalinga kweendaanaamo.