Shakubelenga 12:6 - Baibo Busansulushi Bwa Libuku Ili

⁶ Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.

Shakubelenga 12:6 ပူးပေါင်းရင်းမြစ်များ

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Matalikilo 20:7

Ono mubooshe mwanakashi uyu kuli ibaye, mukwiinga ngumulaluki alimwi utookupaililaako kwaamba ayi utafwi. Ono na ubule kumuboosha ntookucenjesha kwaamba ayi webo abantu bako boonse mutoofwa.”

Matalikilo 28:12

Mpeeke wakalota nshila ya matantilo yakalinga kuswa panshi kushika akwiculu, alimwi abaanjelo bakalinga kutanta bamwi kabaseluka pali njiyo.

Matalikilo 28:16

Jakobo wakapapuka alimwi akwaamba ayi, “Mwaami Lesa mpwaali pano! Uli mumusena uno ono nshindalinga kwishi ayi mpwaali!”

Matalikilo 37:5

Bushiku bumwi Josefu wakalota. Ono ingayi alwiite bamakwabo, bakeendaawo kumupata.

Matalikilo 37:9

Lyalo Josefu wakalota alimwi. Mpeeke wakaambila bamakwabo ayi, “Ndaloota alimwi akubona lisuba, mweenshi anyenyeenshi likumi ayomwi shankotamina.”

Matalikilo 46:2

Lesa wakaamba anguwe mashiku akumwiita ayi, “Jakobo! Jakobo!” Wakakumbula ayi, “Nkambo.”

2 Samwelo 7:4

Sombi mashiku eenkaayo Mwaami Lesa wakaambila Natani ayi,

1 Baami 3:15

Solomoni wakapapuka akwishiba ayi Lesa walinga kwaamba anguwe muciloto. Mpeeke wakaya kuJelusalemu waya weemikana kunembo lya Libokoshi lya Cipangano lya Mwaami Lesa akubenga milambu yakutenta aya bwanabwankashi kuMwaami Lesa. Kuswawaawo bacinenenene bakwe boonse bakaba akusekelela uko mwaami nkwaakabapangila.

1 Baami 3:5

Bushiku ubo Mwaami Lesa wakaboneka kuli nguwe muciloto akumwiipusha ayi, “Nciinshi ncoosuni ayi nkupe?”

Jobo 33:15

Na bantu kabalete mutulo mashiku, Lesa ulabandikaabo mushiloto amushili anga nshiloto.

Jobo 4:13

Ishi shakacitika ciindi ndindalinga kulota mashiku, ciindi bantu ndiboona twakufwa akutalika kulota.

Kulumbaisha 105:15

Wakalinga kubaambila ayi, “Mutaciisi bantu bangu mbondakasala, Muteeleshi kucata balaluki bangu.”

Kulumbaisha 89:19

Kalekale mwakaamba mucili anga nciloto kubantu banu bashomeka ayi, “Ndapa nkusu kuli shilumamba ushinkusu. Ndakamusala kuswa kubantu bangu akumusumpula.

Kulonga 7:1

Mpomunyaawo Mwaami Lesa wakaamba ayi, “Ntoolengesha ayi ube anga nguLesa kumwaami Falawo, alakwe Aloni mukwanu ananokwaamba kuli nguwe anga ngumulaluki wako.

Jelemiya 23:25

“Ndanyumfwa balaluki nshebaamba abo balaluka shabubeshi muliina lyangu. Balaamba ayi, ‘Ndaloota! Ndaloota!’

Jelemiya 23:28

Mulaluki uyo ucite ciloto, aacipandulule, sombi uyo ucite maswi angu, aambe maswi ayo cakushomeka. Sa shibuba inga sheelana amancebele?

Esekelo 1:1

Mumwaaka wamakumi otatwe, mumweenshi wane pabushiku bwasanu ndindakalinga kwikala abasha kulubasu lwa Mulonga wa Keba mucishi ca Babiloni, liculu lyakacaluka. Mpeeke ndakabona shili anga nshiloto shakaswa kuli Lesa.

Danyelo 10:8

Aboobo ndakacaala neenka kaanjebela cili anga nciloto ico cikankamika. Nkusu shangu shoonse shakamana alimwi ciwa cangu cakasanduka abuumbi kuboowa cakwaamba ayi taaku muntu weenga wakonsha kwinshiba.

Danyelo 2:19

Ono mashiku ayo eenka cintu ico cishisitwe cakayubululwa kuli Danyelo mucili anga nciloto. Lyalo Danyelo wakalumbaisha Lesa wa kwiculu

Danyelo 7:1

Mumwaaka wakutaanguna wa bwaami bwakwe Beloshasa, mwaami wa bene Babiloni, nebo neDanyelo ndakalota akubona shili anga nshiloto mashiku kaandete pabulo bwangu. Ciloto ico ndakacilemba.

Danyelo 8:2

Mucili anga nciloto ico ndakalicana muSusa ndabala inene icite lilinga mucishi ca Elamu. Ndakalinga kwiimfwi muloombe lwa Mulonga wa Ulayi.

Osiya 12:11

Nakubi boobo shibumbwabumbwa shilalambilwa muGilyadi. Abo bashilambila balaakunyonyoolwa. Ndushinisho bacende balabengwa muGilugala. Shipaililo uko shilaakuba milwi ya mabwe mweela lya myuunda.

Jowelo 3:1

Mwaami Lesa waamba ayi, “Paciindi ico ndaakulengesha bene Juda abene Jelusalemu kuswitilila alimwi.

Sekaliya 1:8

Mashiku mucili anga nciloto ndakabona musankwa kaatantite liaki lisalala. Wakesa weemikana mushisamu sha masompe mucinyika ca mulonga. Kwisule kwakalinga aamwi maaki asalala, acite shibala shisalala aatubabo tu.

Shakubelenga 24:4

makani awooyo unyumfwa maswi akwe Lesa, uyo ubona shintu anga muciloto kuswa kuli Lesa Shinkusu shoonse, uyo uwa panshi ameenso kaalasha.

Mateyo 1:20

Ndyaakalinga kuciyeeya cikani ici, munjelo wakwe Lesa wakaboneka kuli nguwe muciloto kaamba ayi, “Josefu, omwanaakwe Defedi, utaloondi kweeba Maliya, mukwiinga ulimitite lyankusu sha Mushimu Usalashi.

Mateyo 2:19

Ono Elodi ndyaakafwa, munjelo wa Mwaami Lesa wakaboneka kuli Josefu kaacili kuIjipiti muciloto,

Mateyo 23:31

Nkokwaamba ayi mulalyaanga nobeene ceebo mulasumina ayi muli baana ba baabo bakacaya balaluki bakulukulu.

Mateyo 23:34

Paceebo ceeco, ntoomulwiita ayi ndaakumutumina balaluki, bantu basongo alimwi abafundishi. Bamwi mulaakubacaya akubapopa pamicilingano, abalo bamwi mulaakubakwiipa mushoonde shanu akubapensha kuswa mundabala andabala.

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Mateyo 27:19

Pilato ndyaakalinga kushiite pacuuna cakoombolosheshaawo, mukaakwe wakatumya maswi akwaamba ayi, “Mutaciti cintu nabi comwi pamuntu uyo utacite mulandu ceebo sunu mashiku ndapenshekwa abuumbi muciloto ceebo ca nguwe.”

Luka 1:11

Mpeeke munjelo wakwe Lesa wakaboneka kaaimfwi kulubasu lwalulyo lwa cipaililo pakalinga kutentelwa tununkila kabotu.

Luka 1:22

Ndyaakaswaamo, taakalinga kucikonsha kwaamba akuli mbabo. Aboobo bantu bakeshiba kwaamba ayi Lesa kuli ncaamubonesha, lyalo wakatalika kwaambisha maansa kaalibo ngucibuulu.

Luka 20:6

Ono na twaambe ayi, ‘Mbantu,’ bantu boonse aba batootuuma mabwe mukwiinga balishi ayi Joni wakalinga mulaluki.”

Milimo ya Batumwi 10:11

Wakabona liculu lyacaluka, acintu cimwi kacisa panshi ico cakalinga kuboneka anga ncisani cinene caangitwe mumakonko oonse one.

Milimo ya Batumwi 10:17

Pita ndyaakalinga kuyeeya mbocakalinga kusansulula ico cakamubonekela, basankwa mbwaakatuma Konelyasi bakalinga kwisa ciipusha pakalinga ŋanda yakwe Simoni. Mpeeke bakashika, beemikana pamulyango.

Bene Efeso 4:11

Ngowooyo “wakapa bantu shipo” akusala kwaamba ayi bamwi babe batumwi, bamwi babe balaluki, bamwi babe beshikushimikila, bamwi babe beembeshi abafundishi.

Dutolonomi 18:15

Mwaami Lesa, Lesa wanu ulaakumutumina mulaluki wa mbuli ndime kuswa mulikoto lyanu. Aboobo mulyeelete kunoomunyumfwila.

Dutolonomi 18:18

Ndaakubatumina mulaluki uli mbuli ndiwe kuswa mulikoto lyabo. Ndaakunoomulwiita shakwaamba, mpeeke ulaakunoobalwiita shoonse nsheshi nkanoomulwiita.

Bene Ebulu 1:1

Kale kale, Lesa wakalinga kwaamba kubamashali besu bakulukulu mankanda aanji alimwi amunshila shipusenepusene, kwiinda mubalaluki bakulukulu.

Ciyubululo 11:10

Bantu ba mucishi ca panshi balaakusangalala ceebo ca lufu lwa bakamboni bobilo aba. Balaakusekelela akupaana shipo mukwiinga balaluki bobilo aba bakaleta mapensho anene abuumbi kubantu.

Ciyubululo 11:3

Ndaakutuma bakamboni bangu bobilo abo beshi bakanoofwete masaka kwisa mukumushimikila makani akwe Lesa kwanshiku shili cuulu amyaanda yobilo alimwi amakumi osanwe alyomwi.”

1 Samwelo 28:6

Saulo ndyaakeepusha kuMwaami Lesa cakucita, Mwaami Lesa taakwe kumukumbulaawo muciloto, mucisolo cakwe Ulimu aTumimu nabi mubalaluki.

1 Samwelo 3:15

Mpeeke Samwelo wakoona kushikila bwaca. Lyalo wakabuka wacalula shisasa sha Ŋanda ya Mwaami Lesa. Ono wakalinga kuloondete kulwiita Eli shacili anga ciloto ico ncaakabaaco.

1 Samwelo 3:21

Mwaami Lesa wakatolelela kuliyubulula kuShilo uko nkwaakaboneka kuli Samwelo akwaambaakwe. Lyalo coonse cakalinga kwaamba Samwelo, bene Isilaeli bakalinga kunyumfwila.