Shakubelenga 11:31 - Baibo Busansulushi Bwa Libuku Ili

³¹ Paciindi ceenka ico Mwaami Lesa wakatuma muuwo uyo wakaleta bakancele kuswa kulweenge. Mpobakalinga kweendela kuswa panshi apeculu pakalinga kulaampabo mita yomwi. Bakekala pamisumba alimwi akuyabo kwamakilomita aanji kumbasu shoonse.

Shakubelenga 11:31 ပူးပေါင်းရင်းမြစ်များ

Kulumbaisha 105:40

Bakasenga cakulya, lyalo Mwaami Lesa wakabapa bakancele, wakabapa cakulya cakaswa kwiculu kwaamba ayi bakute.

Kulumbaisha 106:15

Aboobo wakabapa shoonse nshebakasenga, sombi wakabatumina bulwashi buyoosha.

Kulumbaisha 135:7

Ngoonyamuna makumbi kuswa kweela cishi, ngoolengesha kubeka kwa mfula pakuloka, alimwi ngooleta muuwo kuswa kumatala akwe.

Kulonga 10:13

Aboobo Mose wakatandabika nkoli yakwe pacishi ca Ijipiti. Mpeeke Mwaami Lesa wakalengesha kwaamba ayi muuwo wakwicwe utalike kupuupila cishi ico malumwi alimwi amashiku oonse. Ndibwakaca, muuwo uyo wakaleta nsoshi.

Kulonga 10:19

Alakwe Lesa wakaalula muuwo wakwicwe kuba muuwo wakumbo uyo wakapupa cankusu akutola nsoshi shoonse muLweenge Lusalala. Anu taaku nsoshi nabi yomwi yakacaala mucishi ca Ijipiti.

Kulonga 15:10

Sombi ndimwakayoyabo linkanda lyomwi, maanshi akafwekelesha bene Ijipiti boonse. Ncakwiila bakepilabo anga nceela panshi lya maanshi ayo aloondesha.

Kulonga 16:13

Ingayi macolesha, bakancele baanji bakesa mukwikala poonse poonse pakati ka misumba. Ono macuunsa, kwakaba mume uunji abuumbi kushinguluka misumba yoonse.

Shakubelenga 11:30

Kuswawaawo Mose alimwi abamaloba ba bene Isilaeli abo bakaboolela kumisumba.