Shakubelenga 11:17 - Baibo Busansulushi Bwa Libuku Ili

¹⁷ Ndaakuseluka kwisa mukwaamba awebo peenka apo, alimwi ndaakubwesa Mushimu eenka ngondakakupaawo akubapa abalo. Lyalo balaakunookucafwa mulimo wa kweendelesha bene Isilaeli aba, anu teshi ukanoocita mulimo uyo weenka.

Shakubelenga 11:17 ပူးပေါင်းရင်းမြစ်များ

Matalikilo 11:5

Mpeeke Mwaami Lesa wakesa panshi mukubona ndabala inene acaanda cilaamfu ico cakayaka bantu abo,

Matalikilo 17:22

Lesa ndyaakamanisha kwaamba aAbulaamu, wakamushiya.

Matalikilo 17:3

Abulamu wakafukama akushisha ciwa panshi, lyalo Lesa wakaamba ayi,

Matalikilo 18:33

Mwaami Lesa ndyaakamanisha kwaamba aAbulaamu wakaya, alakwe Abulaamu wakaboolela kumishaabo.

2 Baami 2:15

Balaluki abo bakalinga makumi osanwe bakaswa kuJeliko bakamubona akwaamba ayi, “Nkusu shakwe Elija shesa kuli Elisha!” Bakaya bamukumanya, bamufukamina

2 Baami 2:9

Ndibakasubuka, Elija wakaambila Elisha ayi, “Ndwiite ncoosuni ayi nkucitile kaantana kutolwa.” Elisha wakakumbula ayi, “Ndisuni ntambule nkusu nshemwalinga kusebensesha kwaamba ayi mpyane musena wanu.”

Neyemiya 9:20

Mwakabapa Mushimu wanu ubotu ayi unoobeeisha shakucita. Mwakabapa mana ayi balye akubapa maanshi ayi banwe.

Kulonga 18:18

Utoolilemyabo omwiine alimwi akulemyabo baabo bantu. Iyi ncito njinene abuumbi alimwi tooelete kwiisebensa weenka.

Kulonga 18:22

Alimwi balyeelete kuba boomboloshi ba bantu lyoonsebo. Lyalo inga kabaleta milandu iyumu kuli ndiwe, sombi balyeelete kunokoombolosha yeeyo yoonse iniini beene. Ici cilaakukuubilaako ceebo milimo njewalinga kucita weenka, balaakuyaabana.

Kulonga 19:11

akulibambila isona. Ceebo ubo bushiku ndaakwisa pakalundu ka Sinayi kwaamba ayi bantu boonse bakamboone.

Kulonga 19:20

Mpomunyaawo Mwaami Lesa wakaselukila paKalundu ka Sinayi akwiita Mose ayi atante. Lyalo Mose wakatanta pakalundu.

Kulonga 34:5

Mpomunyaawo Mwaami Lesa wakaseluka mulikumbi akwiimikana aMose, akulibanda liina lisalalite ayi Mwaami Lesa.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Isaya 63:11

Pesule bantu bakwe bakeebaluka nshiku shikulukulu, ee, nshiku shakwe Mose abantu bakwe akwiipusha ayi, “Anu uli kuli ulya wakabaleta akubeensha mulweenge kwiinda muli Mose mutanjilili wa likoto lyakwe? Uli kuli ulya wakabika Mushimu Usalashi pakati kabo?

Jowelo 2:28

“Ciindi caakushika, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bamacembele banu basankwa balaakulota shiloto. Bacikula bwangu banu basankwa balaakubona shili anga nshiloto.

Shakubelenga 11:25

Lyalo Mwaami Lesa wakaseluka mulikumbi akwaamba anguwe. Wakabwesa Mushimu ngomunya uyo ngwaakapawo Mose akupa bamaloba abo. Ono Mushimu ndiwakesa pali mbabo, bakatalika kulaluka, sombi tabakwe kutolelela kucita boobo.

Shakubelenga 12:5

Mpeeke Mwaami Lesa wakesa mulicincilo lya likumbi, weemikana pamulyango wa Tente, akwiita Aloni aMilyamu. Mpomunyaawo bobilo abo bakasena kunembo.

Shakubelenga 12:8

Aboobo ndaamba anguwe bweenka mbuli muntu mbwaamba amubye, kaanyumfwite kuteshi mumapinda. Lakwe wakabonaawo ambomboneka! Nceebonshi ncemwabulila boowa kutongooka musebenshi wangu Mose?”

Shakubelenga 27:18

Mpeeke Mwaami Lesa wakaambila Mose ayi, “Bwesa Joshuwa mwanaakwe Nani, umo muli Mushimu wangu, akubika maansaako pamutwi wakwe.

Shakubelenga 7:89

Ono Mose ndyaakenjila muTente ya Cipangano mukwaamba aMwaami Lesa, wakanyumfwa lakwe kaamwaambila kuswa pakati ka shintu shobilo shicite mapapaminwa shiitwa ayi bakelebu peculu lya cifwekesho ca nkumbu paLibokoshi lya Cipangano.

Joni 3:13

Taaku muntu wakayaako kale kwiculu, sombibo MwanaaMuntu eenka uyo wakaswa kwiculu.

Joni 7:39

Ndyaakaamba boobo, wakalinga kwaamba Mushimu Usalashi uyo ngweshi bakatambule abo boonse bashoma muli nguwe. Paciindi ico kabatana kutambula Mushimu Usalashi mukwiinga Jesu kaatana kwinjila mubulemu bwakwe.

Bene Loma 8:9

Ono na ncakwiila Mushimu wakwe Lesa uli muli ndimwe, tamukaali kweelana abuyanda mibili yanu, sombi buyanda Mushimu. Ceebo na Mushimu wakwe Klistu tookali muli ndimwe nkokwaamba ayi tamwishi bakwe Klistu.

1 Bene Kolinto 2:12

Swebo tatukwe kutambula mushimu wa buntu, sombi twakatambula Mushimu uswa kuli Lesa kwaamba ayi twishibe shipo isho Lesa nshaakatupa.

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

Judi 1:19

Bantu aba mbobapansaanya babyaabo. Balakonkelabo shintu sha mucishi ca panshi nshebeshi alimwi tabacite Mushimu Usalashi.

1 Samwelo 10:6

Mpomunyaawo cakuteengashila Mushimu wa Mwaami Lesa utookuselukila cankusu, lyalo utoolaluka pantu pomwi ambabo alimwi utooba muntu umbi.