Shakubelenga 10:33 - Baibo Busansulushi Bwa Libuku Ili

³³ Ono bantu ndibakaswa kuSinayi, kalundu kasalalite, bakeenda nshiku shotatwe. Libokoshi lya Cipangano lya Mwaami Lesa lyoonse lyakalinga kunembo lyabo kuya cibayandweeta musena wakuyakilaawo.

Shakubelenga 10:33 ပူးပေါင်းရင်းမြစ်များ

Kulumbaisha 95:11

Ndakakalala akushomesha cakulumbila ayi, “Teshi mukenjileewo mucishi umo mondalinga kweelete kumupa kookesha.”

Kulonga 19:3

Mpeeke Mose wakatanta pakalundu ayi akakumane aLesa. Pakalundu peenka apo Mwaami Lesa wakeeta Mose akumwaambila ayi akalwiite bene Isilaeli abo bamulunyungu lwakwe Jakobo ayi,

Kulonga 3:1

Bumwi bushiku, Mose wakalinga kweembela mbelele ampongo sha mupongoshi wakwe musankwa wiitwa ayi Jetulo, uyo wakalinga mupailishi wa kuMidyani. Mpeeke wakalansha litanga lya mbelele alimwi ampongo muluyanga tibili washika kuKalundu kasalalite kakwe Lesa ka Olebu.

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Isaya 28:12

Ceebo ngondimwe ngwaakaambila ayi, “Anooyu musena wakookesheshaamo, abo balemete abese bookeshe mumusena uyu.” Sombi mwebo mwakakaka kumunyumfwila.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Jelemiya 3:16

Mwaakufuula mucishi cilya, bantu teshi bakanokwaambawo paLibokoshi lya Cipangano, sobwe. Teshi bakaliyeeyewo nabi kulyaanukaawo. Teshi bakalisunewo nabi kuyeeya kupanga limwi, sobwe.

Jelemiya 31:2

Ndaakufwita nkumbu bantu beshi bakapuluke munkondo muluyanga. Ndaakwisa mukupa kookesha kubene Isilaeli.”

Jelemiya 6:16

Ono Mwaami Lesa waamba ayi, “Amwiimikane pamampambaanwa amikwakwa mulangelange akwiipusha tushila tukulukulu akubete nshila ibotu. Mweende muli njiyo, lyalo mulaakucana luumuno. Sombi mwakakumbula ayi, ‘Sobwe, teshi tukeendeemo.’

Esekelo 20:6

Pabushiku ubo ndakashomesha cakulumbila kuli mbabo ayi ndaakubakusha mucishi ca Ijipiti akubatola kucishi ico ncendakabasalila, cishi umo muli bubile abulongo bubotu ico ciinda cishi cimwi cili coonse kubota.

Shakubelenga 10:12

Mpeeke bene Isilaeli bakatalika lweendo lwabo lwakuswa muluyanga lwa Sinayi. Kuswawaawo likumbi lyakesa mukwiimikana muluyanga lwa Palani.

Dutolonomi 1:33

Wakamutanjilila mulweendo lwanu mulicincilo lya mulilo mashiku alimwi mulicincilo malumwi. Wakalinga kumuyandweeta misena yakuyakawo misumba akumutondesha nshila njemweelete kwiinda.

Dutolonomi 31:26

“Amubwese Libuku lya Milawo ili akulibika lubamba aLibokoshi lya Cipangano ca Mwaami Lesa, Lesa wanu. Uko, lilaakunooli bukamboni bwakushinina bantu bakwe boonse.

Dutolonomi 9:9

Ndindakatanta peculu lya kalundu kwaamba ayi ntambule mabwe obilo apampamene, apo pakalinga kulembetwe cipangano ico Mwaami Lesa ncaakapanga amwebo, ndakekala apo nshiku makumi one cakutalya nabi kunwaawo cimwi cintu.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Joshuwa 4:7

mukanoobalwiita ayi maanshi muMulonga wa Joodani akacileka kukunka Libokoshi lya Mwaami Lesa ndilyakalinga kusubushikwa. Mabwe aya lyoonse alaakunokwiibalusha bene Isilaeli isho shakacitika.”

Boomboloshi 20:27

Ono libokoshi lya cipangano ca Mwaami Lesa lyakalinga kuBetelo munshiku isho. Fineyasi mwanaakwe Eliyasa, mwishikulu wakwe Aloni ngowakalinga kulilama. Lyalo bene Isilaeli bakeepusha Mwaami Lesa ayi, “Sa tuboolele mukulwana bene Benjameni nakubi kwaamba ayi mbamakwabesu na tucilekebo?” Mwaami Lesa wakabakumbula ayi, “Amuyebo ceebo ciilo ndaakumulengesha kubakoma.”

1 Samwelo 4:3

Bene Isilaeli bakapuluka ndibakaboola pamisumba yabo bamaloba bakaamba ayi, “Ceebonshi Mwaami Lesa wasuminisha bene Filisiti kutukoma? Tiya tukalete Libokoshi lya Cipangano ca Mwaami Lesa kuswa kuShilo kwaamba ayi tuye akwe akatupulushe kubalwani besu.”