Shakubelenga 10:10 - Baibo Busansulushi Bwa Libuku Ili

¹⁰ Amwalo muciindi cakusangalala mbuli pakusekelela sha Mweenshi Upya alimwi apakusekelela shakupaila kwanu kumwi koonse, mulyeelete kulisha mapeenga pakunoobenga milambu yanu yakutenta alimwi amilambu ya bwanabwankashi. Lyalo ndaakumucafwa. Nebo ndime Mwaami Lesa, Lesa wanu.”

Shakubelenga 10:10 ပူးပေါင်းရင်းမြစ်များ

2 Baami 4:23

Beebaabo bakeepusha ayi, “Ino utookweendelanshi Sunu? Sunu tabushi bushiku bwa Cibelu nabi bwa Mweenshi Upya.” Mwanakashi uyo wakakumbula ayi, “Tacicite mulandu.”

1 Makani 15:24

Shebaniya, Joshafati, Netanelo, Amasayi, Sekaliya, Benaya alimwi aEliyesa bapailishi bakasalwa ayi banoolisha mapeenga kunembo lya Libokoshi lya Cipangano. Obedi Edomu alimwi aJeiya abalo bakasalwa ayi babe beshikulindilila Libokoshi lya Cipangano.

1 Makani 15:28

Lyalo bene Isilaeli boonse bakaleta Libokoshi lya Cipangano ca Mwaami Lesa kuJelusalemu cakusangalala. Bakalinga kulisha meeca a mbelele shisankwa, mapeenga, tusenke alimwi atulumbu tunene atuniini.

1 Makani 16:42

Emani alimwi aJedutuni bakalinga bamatanjilili ba beshikulisha mapeenga, tusenke alimwi ashimwi shakalinga kulishikwa pakwiimba nyimbo shakulumbaisha. Bamucipani cakwe Jedutuni bakalinga kulindilila minjililo.

2 Makani 29:26

Aboobo bene Lefi bakeemikana ashakulisha isho mwaami Defedi nshaakalinga kusebensesha. Bapailishi abalo bakeemikana kweenka uko kabacite mapeenga.

2 Makani 29:28

Lyalo bantu boonse bakakotamina panshi akulambila, beshikwiimba kabeemba abalo beshikulisha mapeenga kabalisha. Kwiimba uko kwakatolelela kushikila kubenga mulambu wakutenta ndikwakamana.

2 Makani 7:6

Bapailishi boonse bakeemikana mumisena yabo njibakapekwa kabalangene abene Lefi. Bene Lefi bakalinga kulumbaisha Mwaami Lesa ashakulisha isho mwaami Defedi nshaakabamba, kabeemba lwiimbo lwakwaamba ayi, “Lusuno lwakwe ndyamuyayaya!” Bakacita boobo kweelana abwakabalwiita Defedi. Bapailishi abalo bakalinga kulisha mapeenga bene Isilaeli boonse kabeemfwi.

Esila 3:10

Ono ndibakatalika kuyaka lwiimbi lwa Ŋanda ya Mwaami Lesa, bapailishi mumingaanjo yabo bakeemikana amapeenga, bene Lefi, nkokwaamba ayi bana bakwe Asafu, bakeemikana atusenke tupampamene twakulisha akulumbaisha Mwaami Lesa mbuli bwakaamba Defedi mwaami wa bene Isilaeli mukulukulu.

Neyemiya 12:35

alimwi abapailishi bamwi bakalinga kucite mapeenga. Alakwe Sekaliya mwanaakwe Jonasani mwishikulu wakwe Shemaya, Shemaya wakalinga mwanaakwe Mataniya, Mataniya wakalinga mwanaakwe Mikaya, Mikaya wakalinga mwanaakwe Sakuwa, Sakuwa wakalinga mwanaakwe Asafu.

Kulumbaisha 150:3

Amumulumbaishe kamulisha mapeenga. Amumulumbaishe atulumbu twa mishobo yoonse.

Kulumbaisha 81:3

Amulishe lupeenga lwa lwiica lwa mbelele isankwa, paciindi mweenshi ndyeubala, alimwi andyeukoma pabushiku bwakusekelela kwesu.

Kulumbaisha 81:4

Uyu ngomulawo wa bene Isilaeli, ngomulasho wakapa Lesa wakwe Jakobo.

Kulumbaisha 89:15

Balicite coolwe abo bamulambila munyimbo. Balicite coolwe abo beenda mumumuni wa bulemu bwanu.

Kulonga 28:29

“Ono na Aloni weenjila muMusena Usalalite, ulaakunoofwala cakufwala ca pacaamba ico cilembetwewo meena a mikowa ya bene Isilaeli, ayi nebo neMwaami Lesa nkanokwiibaluka bantu bangu lyoonsebo.

Kulonga 30:16

Mwaakubwesa maali aya kuswa kubene Isilaeli, mukaasebenseshe pamilimo ya muTente ya Cipangano. Musonko uyo ulaakuba wakulubula buumi bwabo, aboobo anebo ndaakunoobalama.”

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Bene Lefi 23:24

“Lwiita bene Isilaeli ayi pabushiku butaanshi mumweenshi wasanu ayobilo, balyeelete kookesha kumilimo yoonse akubungana ayi banambile na mapeenga alila.

Shakubelenga 10:9

Na mucishi mwesa nkondo, kwaamba ayi mulifuune kubalwani abo besa mukumulwana, mulyeelete kulisha cishibisho ca nkondo mumapeenga aya. Nebo neMwaami Lesa, Lesa wanu ndaakumucafwa alimwi akumupulusha kubalwani banu.

Shakubelenga 28:11

“Pabushiku butaanshi bwa mweenshi uli woonse balyeelete kubenga mulambu wakutenta kuli ndime neMwaami Lesa, nkokwaamba ayi bacende baana bobilo, mbelele isankwa, bana ba mbelele basankwa bosanwe abobilo bacite mwaaka womwi, shoonse kashitacite kampenda.

Shakubelenga 29:1

“Ono pabushiku butaanshi mumweenshi wasanu ayobilo, balyeelete kubungana ayi balambile alimwi tabeelete kucita mulimo umwi uli woonse. Bushiku ubu mbwakulisha mapeenga.

Mateyo 11:28

“Amwise kuli ndime mwebo noonse nomushiite, nomwalemenwa, nebo ntoomupa kookesha.

Milimo ya Batumwi 10:4

Konelyasi wakalangilishisha munjelo uyo akwiipusha ayi, “Mbuyani nkambo?” Munjelo wakamukumbula ayi, “Lesa wakondwa amipailo yako alimwi alucafwo lwako kubantu bapenshi, aboobo ulilibambite kukukumbula.

1 Bene Kolinto 15:52

muciindi ciniinibo ceelenebo akukapula kwa liinso pakulila lupeenga lwakweelaako. Ceebo lupeenga lulaakulila, bafu balaakubushikwa amibili itafwi, aswebo tulaakusandulwa.

1 Bene Tesalonika 4:16

Bantu balaakunyumfwa koolobesha kunene, liswi lya munjelo munene alupeenga lwakwe Lesa. Lyalo Mwaami Jesu ulaakuswa kwiculu kwisa panshi. Mpeeke abo bakafwa kabashoma muli Jesu Klistu balaakutaanguna kubuka kuswa kubafu.

1 Bene Tesalonika 4:18

Ono aboobo amuyuminishanye mumaswi aya.

Joshuwa 4:7

mukanoobalwiita ayi maanshi muMulonga wa Joodani akacileka kukunka Libokoshi lya Mwaami Lesa ndilyakalinga kusubushikwa. Mabwe aya lyoonse alaakunokwiibalusha bene Isilaeli isho shakacitika.”

Joshuwa 6:4

Bapailishi bali bosanwe abobilo, balyeelete kuba kunembo lya Libokoshi lya Cipangano womwi awomwi kaacite lupeenga lwa lwiica lwa mbelele isankwa. Pabushiku bwasanu ashobilo, webo abashilumamba bako mukashinguluke ndabala inene iyi mankanda osanwe aobilo, bapailishi bakanoolisha mapeenga.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.

1 Samwelo 20:5

Aboobo Defedi wakaamba ayi, “Bona ciilo nkusekelela kwa Mweenshi Upya alimwi ndyeelete kulya amwaami. Ono leka nje nkayube muluundu kushikila isona macolesha.