Shakubelenga 1:53 - Baibo Busansulushi Bwa Libuku Ili

⁵³ Sombi bene Lefi balaakuyaka misumba yabo kushingulusha Tente ayi banooilama kukasha muntu uli woonse kusena pafwaafwi akulengesha ayi bukali bwangu bube pabene Isilaeli.”

Shakubelenga 1:53 ပူးပေါင်းရင်းမြစ်များ

1 Makani 23:32

Anu mboboobo bene Lefi mbobakalinga kusebensa muTente ya Cipangano alimwi amuŊanda yakwe Lesa. Bakalinga kucafwa bamakwababo abo bakalinga bamulunyungu lwakwe Aloni mumulimo wakulambila muŊanda yakwe Lesa.

2 Makani 13:10

“Sombi swebo Mwaami Lesa, ngoLesa wesu alimwi tatumushiiyi. Tulicite bapailishi ba mulunyungu lwakwe Aloni mbobasebensela Mwaami Lesa akucafwikwa abene Lefi.

2 Makani 13:11

Lyoonse macuunsa amacolesha balabenga milambu yakutenta aya tununkila kabotu kuMwaami Lesa. Balabika shimaande patebulu iyo Isalalite kweelana aMilawo alimwi macolesha oonse balanyansha malampi ali pashakwaabikaawo sha golodi. Swebo tulakonkela mbwaakatwaambila Mwaami Lesa, sombi mwebo mwakamushiya.

Jelemiya 23:15

Paceebo ceeco, pabalaluki Mwaami Lesa Shinkusu shoonse waamba ayi, “Ndaakubalengesha kulya shakulya shilula akunwa maanshi acite shikola ceebo kuswa kubalaluki bene Jelusalemu, kutalemeka Lesa kwayambukila bantu mucishi coonse.”

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Bene Lefi 10:6

Kuswawaawo, Mose wakaambila Aloni alimwi abana bakwe basankwa beetwa ayi Elyasa alimwi aItama ayi, “Mutacileeki kusakula misusu yanu alimwi mutatoleleli kukwamoona shakufwala shanu kwaamba ayi muboneshe ayi mulicite cililo. Na mucite boobo, mutoofwa alimwi Mwaami Lesa inga wakalalila likoto lya bene Isilaeli lyoonse. Sombi bene Isilaelinyinaanu boonse balisuminishitwe kulila palufu lwa baabo Mwaami Lesa mbwaanyonyoola amulilo.

Shakubelenga 1:50

Sombi ukabape bunene bwa muTente yangu ya Cipangano ashintu sha njiyo shoonse. Balaakunooinyamuna pantu pomwi ashintu sha njiyo, kusebensela mumo alimwi akwiishingulusha misumba yabo.

Shakubelenga 1:54

Aboobo bene Isilaeli bakacita shoonse isho Mwaami Lesa nshaakalwiita Mose.

Shakubelenga 16:46

Mpomunyaawo Mose wakaambila Aloni ayi, “Bwesa cikaye cako cakubikawo mulilo akubikawo makalangasha a pacipaililo. Kuswawaawo ubike tununkila kabotu pakutenta pamakalangasha ayo, akufwambaana kuya mukucita shiyandika pakusalasha bantu abo kweelana amulawo ceebo bukali bwa Mwaami Lesa bwatalika kale. Mwaalu awalo watalika!”

Shakubelenga 16:9

Sa mulimo uyo Mwaami Lesa wa bene Isilaeli ngwaakamupa wamuceela? Wakamupatula kubene Isilaeli bamwi boonse ayi munoomusebensela muTente yakwe alimwi akunoosebensela bene Isilaeli boonse.

Shakubelenga 17:7

Kuswawaawo, Mose wakabika nkoli shoonse muTente, kunembo lya Libokoshi lya Cipangano ca Mwaami Lesa.

Shakubelenga 2:17

Ono pakati ka makoto obilo ataanshi alimwi amakoto obilo akweelaako, palyeelete kweenda bene Lefi kabanyamwite aTente. Likoto lili lyoonse linanooya ceenda kweelana ambweshi bakayake misumba alimwi lilyeelete kuba pafwaafwi ambembela ya ndilyo.

Shakubelenga 3:23

Cipani ici cakayakila kulubasu lwa kumbo, kwisule lya Tente ya Cipangano.

Shakubelenga 3:29

alimwi cakalinga kuyaka misumba kumalenge lya Tente.

Shakubelenga 3:35

Cipani ici cakalinga kuyaka misumba kumatwa lya Tente, alimwi mutanjilili wa ncico wakalinga Suliyelo mwanaakwe Abiyelo.

Shakubelenga 3:38

Sombi Mose aAloni alimwi abana bakwe basankwa bakalinga kuyaka misumba yabo kwicwe kunembo lya Tente ya Cipangano. Balo mulimo wabo wakalinga wakusebensela bene Isilaeli muMusena Usalalite. Muntu umwi uli woonse wakeelesha kucita mulimo uyu wakalinga kucaikwa.

Shakubelenga 31:30

Kuswa kucipansha ceshi cikapekwe bantu boonse, pabantu bakacatwa boonse bali makumi osanwe, mukushewo womwi. Apalo paŋombe, mbongolo, mbelele alimwi ampongo shoonse shili makumi osanwe, mukushewo yomwi yomwi. Lyalo mupe bene Lefi abo bacite mulimo wakulama Tente ya Mwaami Lesa.”

Shakubelenga 31:47

Kuswa kucipansha ca bene Isilaeli ici, pabantu bali makumi osanwe alimwi ashifubwa shili makumi osanwe, Mose wakakushawo womwi womwi. Ono kweelana abwakaamba Mwaami Lesa, wakapa bene Lefi abo bakalinga kulama Tente ya Mwaami Lesa.

Shakubelenga 8:19

alimwi ndabika bene Lefi mumaansaakwe Aloni abana bakwe basankwa ayi ncipo kuswa kubene Isilaeli, kwaamba ayi banoosebensa muTente ya Cipangano mumusena wa bene Isilaeli bamwi alimwi akubalama kumapensho eenga abacitikila na basena pafwaafwi aMusena Usalalite.”

2 Timoti 4:2

unooshimikila maswi akwe Lesa, muciindi bantu ndibasuni kukutika nabi tau. Kobalulika, kubakalalila alimwi akubayumya mukubeeisha camoyonteeka.

1 Samwelo 6:19

Ono Mwaami Lesa wakacaya basankwa bene Beti Shemeshi bali makumi osanwe aobilo ceebo bakasondela muLibokoshi lya Cipangano. Bantu bakalila abuumbi ceebo Mwaami Lesa wakalengesha imfwa ya bantu baanji bobulya pakati kabo.