Shakubelenga 1:50 - Baibo Busansulushi Bwa Libuku Ili

⁵⁰ Sombi ukabape bunene bwa muTente yangu ya Cipangano ashintu sha njiyo shoonse. Balaakunooinyamuna pantu pomwi ashintu sha njiyo, kusebensela mumo alimwi akwiishingulusha misumba yabo.

Shakubelenga 1:50 ပူးပေါင်းရင်းမြစ်များ

2 Makani 24:6

Lyalo wakeeta Jeoiyada mupailishi munene akumwaambila ayi, “Ino tookwe kutuminanshi bene Lefi kuya mukuleta musonko kuswa kubene Juda abene Jelusalemu uyo wakaamba Mose musebenshi wa Mwaami Lesa abantu boonse bene Isilaeli weelete kusebenseshekwa kuTente ya Cipangano?”

Neyemiya 12:22

Munshiku shakwe Eliyashibu, Joiyada, Jowanani aJaduwa bamatanjilili ba bamumaanda a bene Lefi bakalembwa pantu pomwi aba bamumaanda a bapailishi. Aba bakalembwa muciindi ca bwaami bwakwe Dalyasi mwaami wa bene Pesha.

Neyemiya 12:47

Ono muciindi cakwe Selubabelo amuciindi cakwe Neyemiya, bene Isilaeli boonse bakalinga kuleta shipo sha bushiku abushiku sha beshikwiimba abeshikulindilila minjililo. Bakalinga kuleta cipansha ceelete kubene Lefi, abalo bene Lefi bakalinga kupa cipansha ceelete kubapailishi.

Neyemiya 12:8

Bene Lefi nguJeshuwa, Binuyi, Kadimyelo, Shelebiya, Juda alimwi aMataniya. Aba mbobakalinga kweendelesha nyimbo shakulumba Lesa.

Neyemiya 13:22

Lyalo ndakaambila bene Lefi ayi balisalashe akuya mukulindilila minjililo kwaamba ayi bushiku bwakookesha bwa Cibelu bulamwe cakubusalasha. NobaLesa bangu, amunjibaluke pacikani ici acalo akunyumfwila nkumbu kweelana alusuno lwanu lunene.

Neyemiya 13:5

Aboobo wakamupa cipinda cinene umo kalekale mwakalinga kusungilwa shipo sha shili anga ngamaila, tununkila kabotu pakutenta, shisebensesho, shalikumi sha shili anga ngamaila, waini upya alimwi amafuta a maolifi isho shakalinga kupekwa kubene Lefi, beshikwiimba, beshikulindilila minjililo alimwi ashipo sha bapailishi.

Kulumbaisha 122:4

Uko nkokooko mikowa yoonse nkoiya, ee, mikowa ya Mwaami Lesa. Ilaya mukulumba Mwaami Lesa kweelana amulasho wakapekwa bene Isilaeli.

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Kulonga 38:21

Ono ngooyu mundando wa kulema kwa sheela shakalinga kusebenseshekwa muTente ya Cipangano, umo mwakalinga mabwe apampamene obilo apo pakalinga kulembetwe Milawo ili Likumi. Mose ngowakaamba ayi shoonse shilembwe mumundando uyo, bene Lefi mbobakashilemba ndibakalinga kusebenseshekwa aItama mwanaakwe Aloni mupailishi.

Shakubelenga 1:53

Sombi bene Lefi balaakuyaka misumba yabo kushingulusha Tente ayi banooilama kukasha muntu uli woonse kusena pafwaafwi akulengesha ayi bukali bwangu bube pabene Isilaeli.”

Shakubelenga 10:21

Kuboolaawo bamucipani cakwe Koati bakalinga kunyamuka, kabayumwite ashintu shisalalite. Ciindi nceenga bashikilamo kumusena umwi wakuyakawo misumba, bakalinga kucana Tente ya Cipangano yeemikwa kale.

Shakubelenga 17:7

Kuswawaawo, Mose wakabika nkoli shoonse muTente, kunembo lya Libokoshi lya Cipangano ca Mwaami Lesa.

Shakubelenga 18:5

Webo alimwi abana bako nweenkabo ndimwe mweelete kunoolanga pamilimo ya muMusena Usalalite acipaililo, kwaamba ayi bukali bwangu butakabi pabene Isilaeli alimwi.

Shakubelenga 2:17

Ono pakati ka makoto obilo ataanshi alimwi amakoto obilo akweelaako, palyeelete kweenda bene Lefi kabanyamwite aTente. Likoto lili lyoonse linanooya ceenda kweelana ambweshi bakayake misumba alimwi lilyeelete kuba pafwaafwi ambembela ya ndilyo.

Shakubelenga 20:11

Kuswawaawo Mose wakatambika nkoli mwiculu akuuma mumwaandami mankanda obilo. Mpeeke maanshi aanji abuumbi akakunka kuswa mumo, alimwi bantu boonse bakanwa pantu pomwi ashifubwa shabo.

Shakubelenga 4:15

“Ono na nciindi cakulonga, Aloni abana bakwe basankwa baakumanisha kufweka shintu shisalalite ashintu sha nshisho shoonse, cipani cakwe Koati cilaakwisa mukushinyamuna. Sombi cipani taceelete kucata shintu shisalalite ishi, mukwiinga na bashicata inga bafwa. Anu iyi njemilimo ya cipani cakwe Koati lyoonse na ciindi cakulonsha Tente ya Cipangano cashikila.

Shakubelenga 4:3

akulemba basankwa boonse bacite myaaka ili kuswa pamakumi otatwe alimwi akweela pamakumi osanwe nkokwaamba ayi boonse beelete kusebensa muTente ya Cipangano.

Shakubelenga 8:19

alimwi ndabika bene Lefi mumaansaakwe Aloni abana bakwe basankwa ayi ncipo kuswa kubene Isilaeli, kwaamba ayi banoosebensa muTente ya Cipangano mumusena wa bene Isilaeli bamwi alimwi akubalama kumapensho eenga abacitikila na basena pafwaafwi aMusena Usalalite.”

Shakubelenga 8:20

Lyalo Mose, Aloni alimwi abene Isilaeli bamwi boonse bakabenga bene Lefi kweelana aMwaami Lesa mbwaakaambila Mose.

Shakubelenga 8:22

Mpeeke bene Lefi bakesa mukucita mulimo wabo muTente ya Cipangano kwiinda mukutanjililwa aAloni abana bakwe basankwa. Bakabacitila shoonse Mwaami Lesa nshaakaambila Mose.

Ciyubululo 15:5

Pesule, ndakalanga akubona Ŋanda yakwe Lesa kwiculu keecalukite. Mukati mwakalinga aTente ya Cipangano.