Shakubelenga 1:3 - Baibo Busansulushi Bwa Libuku Ili

³ Webo aAloni mulyeelete kubelenga likoto alikoto lya basankwa bacite myaaka ili makumi obilo nabi bacite myaaka isotokaawo abo beenga bacikonsha kusebensa mulimo wa bushilumamba.

Shakubelenga 1:3 ပူးပေါင်းရင်းမြစ်များ

2 Samwelo 24:9

Mpomunyaawo bakaluula mweelo wa basankwa boonse beelete kuya kunkondo. Mucishi ca Isilaeli bakalinga 800,000, mucishi ca Juda kamuli bali 500,000.

1 Makani 5:18

Mumukowa wakwe Lubeni, Gadi alimwi amusa wa mukowa wakwe Manase mwakalinga bashilumamba bali 44,760, abo bakeeishikwa kabotu kulwanisha mayawo, mipeeni alimwi amata.

2 Makani 25:5

Mpeeke Amasiya wakeeta bene Juda abene Benjameni boonse. Lyalo wakabapansaanya mumakoto kweelana ashipani shabo akubikaamo bamatanjilili ba bashilumamba ba bali cuulu aba bali mwaanda. Nkokwaamba ayi basankwa boonse bakalinga kucite myaaka makumi obilo akuya peculu abo bakalinga 300,000 pantu pomwi. Bashilumamba bakabwesekwa abo, boonse bakalinga kucibwene kulwanisha masumo alimwi amayawo.

Kulonga 12:17

Mulyeelete kusekelela pabushiku ubu mukwiinga mbobushiku ndindakakusha mikowa yanu mucishi ca Ijipiti. Paceebo ceeci mulyeelete kunoosekelela pabushiku ubu myaaka yoonse ili kunembo.

Kulonga 30:14

Aboobo musankwa munene woonse weshi akabelengwe ucite myaaka ili makumi obilo alimwi akuya kunembo, ulyeelete kundipila maali aya.

Kulonga 38:26

Mweelo uyo, wakalinga ngooyo wakaleta bantu boonse bakalembwa. Muntu woonse wakaleta kweelana amweelo wakalinga kuyandika, alimwi akupimwa pacipimo cakasuminishikwa. Bantu bakalembwa bakalinga 603,550 bakalingabo basankwa bacite myaaka ili makumi obilo akuya kunembo.

Shakubelenga 14:29

Mulaakufwa alimwi mituntu yanu ilaakwisulabo luyanga loonse luno mukwiinga mwantogooka. Taaku nabi womwi ucite myaaka makumi obilo ayiindaawo eshi akenjile mucishi ico.

Shakubelenga 26:2

“Amubelenge bene Isilaeli basankwa bacite myaaka ili makumi obilo nabi bacite myaaka isotokaawo abo beenga bacikonsha kusebensa mulimo wa bushilumamba kwiinda mumikowa yabo.”

Shakubelenga 3:15

“Belenga bene Lefi kwiinda mumakoto amumaanda alimwi akulemba musankwa uli woonse ucite mweenshi nabi ayiindilila.”

Shakubelenga 32:11

‘Mukwiinga tabakwe kutolelela kunyumfwila, taaku musankwa nabi womwi, wakaswa mucishi ca Ijipiti, ucite myaaka ili makumi obilo aisotoka, eshi akenjile mucishi ico ncendakashomesha kupa Abulaamu, Isaki alimwi aJakobo.

Shakubelenga 33:1

Meena a misena iyo bene Isilaeli mobakalinga kuyakila misumba, paciindi ico ndyebakaswa mucishi ca Ijipiti mumikowa yabo, kwiinda mubutanjilili bwakwe Mose aAloni, ngaaya.

Shakubelenga 4:3

akulemba basankwa boonse bacite myaaka ili kuswa pamakumi otatwe alimwi akweela pamakumi osanwe nkokwaamba ayi boonse beelete kusebensa muTente ya Cipangano.

Dutolonomi 24:5

“Na musankwa wakeeba onoono, teelete kuya kunkondo nabi kucita mulimo umwi uli woonse. Muntu uyu ulyeelete kwikala mwaaka wakabumbulu kwakubula kusebensa kwaamba ayi anoosangalasha mukaakwe.

Dutolonomi 3:18

“Mpomunyaawo ndakabapa milasho yakwaamba ayi, ‘Mwaami Lesa, Lesa wesu wamupa cishi ici kwicwe lya Joodani kwaamba ayi mwikaleemo. Ono amupe shilwanisho bashilumamba banu mubatuume basubuke Mulonga wa Joodani kunembo lya mikowa imwi ya bene Isilaeli kwaamba ayi bakabacafwilishe kubwesa cishi cabo abalo.