Sekaliya 8:16 - Baibo Busansulushi Bwa Libuku Ili

¹⁶ Ono shintu nshemweelete kucita nsheeshi. Kamwaamba calushinisho kumuntu womwi awomwi. Kamoombolosha cakutanyengelela munkuta kwaamba ayi kube luumuno.

Sekaliya 8:16 ပူးပေါင်းရင်းမြစ်များ

Kulumbaisha 15:2

Ncakwiila ngooyo weenda cakubula kampenda, uyo ucita shintu shiluleme lyoonse akwaamba lushinisho luswa kumoyo wakwe.

Kulumbaisha 34:15

Mwaami Lesa ulalama baluleme alimwi ulakumbula mipailo yabo,

Tushimpi 12:17

Kamboni ushomeka ulaamba shalushinisho, sombi kamboni mubeshi ulaambabo shakubeca.

Tushimpi 12:19

Lushinisho lulakalilila lyoonse alyoonse, sombi bubeshi bulafwambaana kwishibwa.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 22:3

Ono bulya ndakwaambila ayi unoocita shintu shakutanyengelela akucita shiluleme. Kofuna muntu uyo utookwiipilwa kuswa mumaansa a wooyo utoomupensha. Mutaciti shibiibi akuba alunkutwe kumuswamashi, mwanaanshiwa amukalubinje. Utatiili bulowa bwa bantu batacite mulandu mucishi cino.

Esekelo 18:8

Taakweleteshi maali ayi acaninewo mpindu, sobwe Ulalitalamusha kukucita shibiibi akoombolosha bweelete bantu batoopikishanya.

Esekelo 45:9

Mwaami Lesa Shinkusu shoonse wakaamba ayi, “Mwebo nobaleli bene Isilaeli, mweendilisha kubisha nobene Isilaeli! Amucileeke shalunkutwe alimwi akulyatilila bamwi. Amucite shintu shakutanyengelela alimwi shiluleme. Mutakatandi tubili bantu bangu kuswa mucishi cabo. Nebo neMwaami Lesa Shinkusu shoonse ndaamba.

Bene Lefi 19:11

“Mutanokwiipa, kubeca nabi kuba shikucenjeeka.

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Amosi 5:24

Sombi koombolosha kwakutanyengelela kwanu akube anga nkalonga katookunka. Akwalo kululama kwanu kube anga ngumulonga utookunka cakubula kuyuma.

Mika 6:12

Bantu bako babile balisuni nkondo alimwi bantu bako bamwi boonse mbabeshi. Milaka yabo ilaamba shabubeshi.

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.

Sefaniya 3:13

Bene Isilaeli beshi bakacaaleewo teshi bakabisheewo. Teshi bakaambewo shabubeshi alimwi teshi bakeeleshewo kucenjeeka bamwi. Balo balaakunooswitilila akwikala cakuliiba, ncakwiila taaku muntu weshi akabaloondeshe.”

Sekaliya 7:9

“Kalekale ndakapa milawo iyi kubantu bangu ayi, ‘Mulyeelete koombolosha cakutanyengelela, kutondesha luse akunyumfwila nkumbu muntu womwi awomwi.

Sekaliya 8:19

“Kulikasha kulya uko kuba mumweenshi wane, wasanu, wasanu ayobilo amweenshi walikumi kulaakuba kusekelela kwakusangalala akukondwa kwa bene Juda. Paceebo ceeci amusune lushinisho aluumuno.”

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Mateyo 5:9

“Balicite coolwe abo baleta lunyumfwano, mukwiinga balaakwiitwa ayi mbana bakwe Lesa.

Bene Efeso 4:17

Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

Bene Efeso 4:25

Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”