Sekaliya 5:4 - Baibo Busansulushi Bwa Libuku Ili

⁴ Mwaami Lesa Shinkusu shoonse waamba ayi, ‘Ndaakutuma lishingo ilyo lyeshi likenjile muŋanda ya mwiipi woonse amuŋanda ya wooyo ushomesha cakulumbila cabubeshi muliina lyangu. Lilaakunooshiite mumaandaabo kushikila likaanyonyoole cakumaninina.’ ”

Sekaliya 5:4 ပူးပေါင်းရင်းမြစ်များ

Jobo 18:15

Muŋanda yakwe taamu caakwe ciciliimo. Mulasanseelwa salufa kucaya tulongolo tuleta malwashi.

Jobo 20:26

Shoonse nshaacite shilanyonyoolwa. Mulilo utanyashikwi amuntu ulamutenta, ulatenta ashintu shoonse shili muŋanda yakwe.

Jobo 8:15

Na bashimpila kutandafube balawa. Ncakwiila nabi baucatilila buyani tookoonshi kubacafwa kwiimikana.

Jobo 8:22

Sombi ulaakulensha nsoni abo bakupatite aalo maandaabo alaakumana kumwayuluka.”

Tushimpi 3:33

Mwaami Lesa ulashingana ba muŋanda ya bamucita shibi sombi ulapa coolwe bamuŋanda ya baluleme.

Isaya 24:6

Mwaami Lesa washingana cishi ca panshi. Bantu bekala mumo bapekwa mulandu paceeco ncebakacita. Aboobo bantu bamana kuloba cakwaamba ayi kwacaalabo baniini.

Jelemiya 2:26

Mwaami Lesa waamba ayi, “Bweenka mwiipi mbwaasebaanishikwa na wacatwa, mbweeke ubo amwebo nobene Isilaeli mbweshi mukasebaanishikwe. Nkokwaamba ayi mwebo nobeene, bamaami banu abacinenenene, bapailishi babo pantu pomwi abalaluki.

Osiya 4:2

Mulibo kushingana, bubeshi alimwi abucayi, kwiipa alimwi abulale. Shibiibi shafula, kucayana kwaba ndolwiimbo.

Osiya 4:3

Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”

Amosi 3:10

Mwaami Lesa waamba ayi, “Bantu abo balasusha malinga ashintu shakusaala. Tabacishi kucita shintu shiluleme, napaceyi.”

Sekaliya 5:3

Lyalo wakandwiita ayi, “Mucakulembelaawo umo mulilembetwe lishingo litooya mucishi coonse. Kulubasu lumwi kulilembetwe maswi akwaamba ayi mwiipi uli woonse ulaakutandaanishikwa alimwi kulubasu lumwi kulilembetwe ayi uyo woonse weshi anooshomesha cakulumbila cabubeshi alakwe ulaakutandaanishikwa.

Sekaliya 8:17

Mutapingi kucita bubi kuli shikamukobonyoko, mutanoobeca pakushomesha cakulumbila. Nebo ndipatite shintu sha mushobo uyo. Nebo neMwaami Lesa ndaamba.”

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Dutolonomi 28:16

“Mwaami Lesa ulaakushingana mandabalaanu alimwi amyuunda yanu.

Dutolonomi 7:26

Kutaleta cibumbwabumbwa nabi comwi muŋanda yanu mukwiinga lishingo lyeenka lili pali nshisho inga lyaba apali ndimwe. Mulyeelete kushipata akushisebaanya mukwiinga Mwaami Lesa wakashishingana.

Joshuwa 9:20

Ono mbweshi tucite kuli mbabo mbulya. Teshi tubacaaye kwaamba ayi bukali bwakwe Lesa butakabi pali ndiswe ceebo cakutacita kweelana ambotwakashomesha cakulumbila.