Sekaliya 4:4 - Baibo Busansulushi Bwa Libuku Ili

⁴ Mpomunyaawo ndakeepusha munjelo uyo wakalinga kubandika anebo ayi, “Nkambo, ino shintu ishi shilaambanshi?”

Sekaliya 4:4 ပူးပေါင်းရင်းမြစ်များ

Esila 5:2

Mpeeke Selubabelo mwanaakwe Sheyalutyelo aJeshuwa mwanaakwe Josadaki bakatalika kuyaka alimwi Ŋanda yakwe Lesa muJelusalemu. Abalo balaluki bobilo abo bakabacafwaako.

Danyelo 12:8

Ndakanyumfwa nshaakaamba, sombi nshikwe kushinyumfwisha. Mpeeke ndakeepusha ayi, “Nkambo, anu shintu shoonse ishi shilaakweela buyani.”

Sekaliya 1:19

Ndakeepusha munjelo uyo wakalinga kubandika anebo ayi, “Ino meeca aya alaambanshi?” Alakwe wakankumbula ayi, “Atokwiimikanina shishi shankusu isho shakapalanganya bene Juda, bene Isilaeli alimwi abene Jelusalemu.”

Sekaliya 1:9

Ono ndakeepusha ayi, “Nkambo, ino maaki aya atokwaambanshi?” Munjelo uyo wakalinga kubandika anebo wakankumbula ayi, “Ntookubonesha ncaatokwaamba.”

Sekaliya 4:5

Lyalo wakanjipusha ayi, “Sa tooshi nceshaamba?” Nebo ndakamukumbula ayi, “Sobwe nkambo, nshicishi.”

Sekaliya 5:6

Mpeeke ndakamwiipusha ayi, “Ino nciinshi?” Alakwe wakankumbula ayi, “Ngumutaanga wakupimishaako uyo utokwiimikanina shibiibi sha mucishi coonse.”

Sekaliya 6:4

Mpomunyaawo ndakeepusha munjelo uyo wakalinga kubandika anebo ayi, “Nkambo, ino shikoci ishi shilaambanshi?”

Mateyo 13:36

Mpomunyaawo Jesu wakashiya bantu baanji balya akwinjila muŋanda. Mpeeke bashikwiiya bakwe bakaya mukumusenga ayi, “Amutupandulwite cikoshanyo ca nsaku ya misonde mumuunda wa maila.”