Sekaliya 2:9 - Baibo Busansulushi Bwa Libuku Ili

⁹ “Nebo neMwaami Lesa ndaakumulwana alimwi mulaakusaalwa kubantu beenka abo bakalinga basebenshi banu.” Cintu ici ndyeshi cikacitike, muntu uli woonse ulaakwishiba ayi Mwaami Lesa Shinkusu shoonse wakantuma.

Sekaliya 2:9 ပူးပေါင်းရင်းမြစ်များ

Isaya 10:32

Sunu balwani batooya mukwiimikana kuNobu. Sunu kalundu ka Siyoni, ee, ka Jelusalemu batookafungila makoofi.

Isaya 11:15

Mwaami Lesa ulaakuyumya maanshi pakusubukila lweenge lwa bene Ijipiti. Lyaansa lyakwe lilaakwiinsha muuwo ulungula paMulonga wa Yufuletisi. Ulaakupasoolamo tulonga tosanwe atobilo kwaamba ayi bantu bakanoosubukabo payumu nta.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 13:2

Imika mbembela ya nkondo peculu lya kalundu! Olobesha kubashilumamba akunyamuna lyaansa lyako kubasakisha kundabala inene ilya ilisumpula.

Isaya 14:2

Mishobo imwi ya bantu ilaakucafwa bene Isilaeli kuboola kucishi ico cakabapa Mwaami Lesa. Mucishi ico bantu bamumishobo imwi iyo balaakuba basha kubene Isilaeli. Lyalo abo bakalinga bacata bene Isilaeli busha, balaakuba mbabo basha kubene Isilaeli. Ncakwiila bene Isilaeli balaakulela baabo bakalinga kubalyatilila.

Isaya 19:16

Ciindi cilaakushikila bene Ijipiti ndyeshi bakabe boowa anga mbanakashi. Balaakututuma kuboowa baakubona ayi ndyaansa lya Mwaami Lesa Shinkusu shoonse lyabaletela mapensho.

Isaya 26:1

Pabushiku ubo bantu balaakwiimba lwiimbo ulu mucishi ca Juda ayi, “Tulicite ndabala inene iyumu, Lesa mwiine ngootabilila malinga a njiyo.

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Isaya 33:21

Mwaami Lesa ngoShinkusu wesu mundabala iyo. Ilaakuba musena wa milonga inene atulongabo. Sombi maato a balwani teshi akanokwiindaawo, aalo anene eenda palweenge teshi akeendeewo.

Isaya 33:23

Intambo sha maato a balwani shasutooka, cisamu cicata shisani shakweensheshako bwaato citooshunkuma, ashalo shisani shakweensheshako bwaato tashitoofunguluka. Paceebo ceeco shintu nsheshi tukasaale shilaakufula abuumbi cakwaamba ayi pakubaana, abalema boonse balaakubwesaako.

Isaya 4:5

Mpeeke Mwaami Lesa ulaakutuma paKalundu ka Siyoni koonse apabantu baliimo likumbi lya bwiishi malumwi acibalankuni ca mulilo mashiku. Peculu lya ndabala yoonse palaakuba bulemu bwa Mwaami Lesa.

Isaya 48:16

“Ono amusene pafwaafwi, munyumfwe nshentokwaamba. Kuswabo kumatalikilo nebo ndaambilabo limwi patuba alimwi lyoonse ndalengesha maswi angu kucitika cancinencine.” Ono Mwaami Lesa Shinkusu shoonse wampa Mushimu wakwe akuntuma.

Isaya 60:18

Mucishi cako teshi mukanyumfwikewo tubili shankondo abucayi. Cishi cako teshi cikanyonyoolwewo tubili. Ndaakunookufunabo anga ndilinga liyumu, paceebo ceeco ulaakunumbaisha ceebo ndakupulusha.

Isaya 60:19

“Lisuba lilaakucileka kuba ngomumuni wako malumwi, nabi mweenshi kukupa mumuni mashiku, ceebo nebo neMwaami Lesa ndimeshi nkabe mumuni wako kwalyoonse alyoonse. Nebo neLesa wako neenka ndaakuba bulemu bwako.

Jelemiya 27:7

Mishobo ya bantu yoonse ilaakumusebensela akusebensela mwanaakwe amwishikulu wakwe kushikila ciindi cakukomwa kwa cishi cakwe. Paciindi ico mushobo wakwe ulaakunoosebensela mishobo iinji abamaami banene.

Jelemiya 28:9

Sombi mulaluki ulaluka shaluumuno ulaakubonwa ayi ncakwiila wakatumwa kuMwaami Lesa na isho nshaakaamba shacitika cancinencine.”

Jelemiya 8:19

Nyumfwa kulila kwa bantu bangu kuswa kucishi cakulaale. “Sa Mwaami Lesa taabete muSiyoni? Sa Mwaami wa njiyo taabete mumo?” Mwaami Lesa, Mwaami wabo wakumbula ayi, “Ceebonshi basonkomona bukali bwangu mukulambila shibumbwabumbwa akufukamina balesa beensu abo batacite ncito?”

Esekelo 39:10

Teshi bakanootepawo nkuni muluundu nabi mumasaka ceebo balaakunoosebensesha shilwanisho isho pakukunka mulilo. Kuswawaawo balaakusaala baabo bakabasaala akubwesa buboni bwa baabo bakababwesela. Nebo neMwaami Lesa Shinkusu shoonse ndaamba.’ ”

Jowelo 2:27

Nobene Isilaeli mulaakwishiba ayi ndyaanu alimwi ayi nebo neMwaami Lesa ndimebo Lesa wanu, ncakwiila taaku aumwi. Mwebo nobantu bangu teshi mukasebaanishikweewo tubili.

Abakuku 2:17

Mwakatimboola shisamu mumusaansa wa kuLebanoni, ono bulya ndimwe mweshi mukatimboolwe. Mwakacaya banyama ba kuLebanoni, ono bulya banyama balaakumuyoosha. Ishi shilaakucitika ceebo mwakatila bulowa bwa bantu akucita shalunkutwe kushishi shiinji, kumandabala akubantu boonse bakalinga kwikalaamo.

Abakuku 2:8

Mwakasaala shintu sha bamumishobo iinji. Ono abo bakacaalaawo balaakumusaala amwebo mukwiinga mwakatila bulowa bwa bantu baanji alimwi mwakanyonyoola shishi shiinji, mandabala aanji pantu pomwi abantu ba mumo.

Sefaniya 2:9

Bweenka mbocibete lushinisho ayi Nebo neMwaami Lesa Shinkusu shoonse, Lesa wa bene Isilaeli ndi muumi, ntooshomesha cakulumbila ayi bene Moabu balaakuba anga mbene Sodoma abalo bene Amoni balaakuba anga mbene Gomola. Shishi shabo shilaakuba musena wa nsaku alimwi ashikanda sha mwiinyo, ee, shilaakuba shishi umo mutekaali bantu kwalyoonse alyoonse. Bantu bangu beshi bakacaaleewo, balaakusaala akubwesa shishi shabo.”

Sefaniya 3:15

Mwaami Lesa wakacileka kukupa mulandu. Wakatandaanya balwani bako boonse. Mwaami Lesa, Mwaami wa bene Isilaeli, uli awebo. Teshi ukaloondewo tubili cibiibi cili coonse ceshi cikakupolele.

Sekaliya 2:11

Paciindi ico mishobo iinji ilaakwisa kuMwaami Lesa akuba bantu bakwe. Ulaakwikala pakati kanu alimwi mulaakwishiba ayi Mwaami Lesa Shinkusu shoonse ngowantuma kwisa kuli ndimwe.

Sekaliya 2:8

Uyo woonse umutyunka munwe cilyeelenebo akutyunka ndime muliinso.” Paceebo ceeci Mwaami Lesa Shinkusu shoonse wakantuma kwaambila baabo bakalinga kusaala bantu bakwe ayi,

Sekaliya 4:9

“Selubabelo ngowakayaka lwiimbi lwa Ŋanda yangu alimwi ulaakwiimanisha. Shintu ishi shaakucitika, bantu bangu balaakwishiba ayi anu ndime neMwaami Lesa Shinkusu shoonse ndakakutuma kuli mbabo.

Sekaliya 6:15

“Bantu bekala kulaamfu balaakwisa mukucafwa kuyakulula Ŋanda yakwe Lesa iyo. Na ikamane kuyakululwa ndyeshi mukeshibe ayi anu nguMwaami Lesa Shinkusu shoonse ngowakantuma kuli ndimwe. Shintu ishi shilaakucitika na ncakwiila mukanyumfwile milawo ya Mwaami Lesa, Lesa wanu.”

Sekaliya 9:15

Mwaami Lesa Shinkusu shoonse ulaakubatabilila bantu bakwe. Ncakwiila abalo balaakunyonyoola balwani babo. Munkondo balaakunokoolobeshabo anga bakolwa. Balaakutila bulowa bwa balwani babo cakwaamba ayi bulaakukunkabo anga mbwa mulambu bulya butilwa pacipaililo kuswa mumbale ifongomene.

Joni 13:19

Ndamulwiitila limwi ici kacitana kucitika kwaamba ayi caakucitika mukashome kwaamba ayi, ‘Ndime wooyo ngoombete!’

Joni 16:4

Sombi ndamulwiitila limwi shintu ishi ayi ciindi caakushikila mukeebaluke ayi ndakamulwiitaawo kale. “Kumatalikilo nshikwe kumulwiitila limwi makani aya ceebo ndakalingaanu.