Sekaliya 2:8 - Baibo Busansulushi Bwa Libuku Ili

⁸ Uyo woonse umutyunka munwe cilyeelenebo akutyunka ndime muliinso.” Paceebo ceeci Mwaami Lesa Shinkusu shoonse wakantuma kwaambila baabo bakalinga kusaala bantu bakwe ayi,

Sekaliya 2:8 ပူးပေါင်းရင်းမြစ်များ

Matalikilo 20:6

Lyalo Lesa wakamwaambila muciloto ayi, “Ee ndishi kwaamba ayi ici wakacicita amiyeeyo iluleme. Aboobo ndakulama kwaamba ayi utabishi pameenso angu kwiinda mukumushika pamubili.

2 Baami 24:2

Kuswawaawo Mwaami Lesa wakatuma bashilumamba baanji bene Babiloni, Silya, Moabu alimwi abene Amoni mukulwana Jeoiyakimu. Wakacita boobo kwaamba ayi banyonyoole cishi ca Juda kweelana abwakaamba Mwaami Lesa kwiinda mubalaluki basebenshi bakwe.

Kulumbaisha 17:8

Amundaame kabotu bweenka bulamwa liinso, amunshiise muliimfwa lyanu bweenka nkuku mboifukatisha baana.

Tushimpi 7:2

Kokonkela nsheenkwaambila, ingaawo ukabe abuumi. Ulame kabotu nsheentookwiisha bweenka mboolama liinso lyako.

Isaya 49:19

“Cishi canu cakalinga canyonyooka alimwi calinga mumatongo. Sombi baakwisa bene mishaanu abo, cishi ico cilaakuceyabo kulaale kwaamba ayi bekaleemo. Lyalo abo bakalinga banyonyoola cishi canu balaakutombwetwabo kulaale.

Jelemiya 12:14

Mwaami Lesa waamba ayi, “Ndicite makani akwaamba kubaabo bashingulukite cishi ca Isilaeli abo bakanyonyoola cishi ncendakapa bantu bangu. Ndaakubatupula kuswa mushishi shabo akutupulawo bene Juda pakati kabo.

Jelemiya 27:7

Mishobo ya bantu yoonse ilaakumusebensela akusebensela mwanaakwe amwishikulu wakwe kushikila ciindi cakukomwa kwa cishi cakwe. Paciindi ico mushobo wakwe ulaakunoosebensela mishobo iinji abamaami banene.

Esekelo 25:12

Mwaami Lesa Shinkusu shoonse waamba ayi, “Bene Edomu bakapilusha cishole kumushobo wa bene Juda akuba a mulandu unene pakucita boobo.

Esekelo 25:15

Mwaami Lesa Shinkusu shoonse waamba ayi, “Bene Filisiti bakaboosha cishole amyoyo yalunkutwe amfundilishi njebakalinga kucite kumyoyo ayi banyonyoole bene Juda balwani babo bakulukulu.

Esekelo 26:2

“Webo omuntu, bene Taya bakaseka ndabala ya Jelusalemu mukwaamba ayi, ‘Amubone! Ndabala ya Jelusalemu yamwayoolwa! Nkusu shakucita makwebo shamana! Teshi tukapikishanye akwe tubili.’

Esekelo 26:20

Ndaakukutuma kumusena wa bafu kuya mukuba pantu pomwi abaabo bakafwa kalekale. Ndaakukulengesha kuya mukwikala kunshi lya cishi mumatongo akulukulu mukusenkana abafu. Aboobo bantu teshi bakekale tubili muli ndiwe nabi webo kuboola mucishi ca bantu boomi.

Esekelo 35:5

“ ‘Webo wakatolelela lupato lwako lukulukulu pabene Isilaeli akubaaba kumupeeni muciindi ca mapensho abo. Ee, ciindi cakupekwa mulandu kwabo pashibiibi shabo ndicakashikila.

Esekelo 36:11

Ndaakufusha mweelo wa bantu ashifubwa pali ndimwe. Balaakushalana alimwi akufula. Ndaakwikalika bantu pali ndiwe mbuli kalekale akukulengesha kuswitilila kwiinda pakutaanguna. Lyalo ndyeshi mukeshibe ayi nebo ndi Mwaami Lesa.

Esekelo 38:11

Ulaakwaamba ayi, ‘Ndaakubukila cishi cicite mandabala atacite malinga. Ndaakulwana bantu bashiite muluumuno kwakubula cakulisukama. Nkokwaamba ayi boonse abo bekala kutaaku malinga, minjililo nabi mpingilo.

Esekelo 38:14

Paceebo ceeco, Mwaami Lesa wakantuma kwaambila Gogi ayi, “Mwaami Lesa Shinkusu shoonse waamba ayi, ‘Mubushiku ubo bantu bangu bene Isilaeli baakwikala muluumuno, ulaakunyamuka

Amosi 1:11

Mwaami Lesa waamba ayi, “Bene Edomu bakalinga kubisha lyobilo lyobilo, aboobo ndushinisho ndaakubapa mulandu. Bakatandaanya bamakwababo, bene Isilaeli amupeeni cakubula kubanyumfwila nkumbu. Bukali bwabo bwakafula, ee, bwakafula cakwaamba ayi bakaalilwa kulicata.

Amosi 1:13

Mwaami Lesa waamba ayi, “Bene Amoni bakalinga kubisha lyobilo lyobilo, aboobo ndushinisho ndaakubapa mulandu. Mukulwanina kukomenesha cishi cabo, bakalinga kupasula banakashi bakalinga kucite mafumo bene Gilyadi.

Amosi 1:9

Mwaami Lesa waamba ayi, “Bene Taya bakalinga kubisha lyobilo lyobilo, aboobo ndushinisho ndaakubapa mulandu. Bakoolisha mishobo ya bantu yoonse mubusha kubene Edomu. Ncakwiila tabakwe kuyeeyawo cipangano cakunyumfwana.

Mika 4:11

Bulya ono bamumishobo iinji babungana ayi bakulwaane. Boonse baamba ayi, “Ndabala iyi ilyeelete kunyonyoolwa, ndushinisho tutooyanda kusangalala pakubona ndabala ya Siyoni keenyonyookite.”

Mika 5:6

Bamatanjilili abo balaakukoma cishi ca bene Asilya kumupeeni. Balaakukoma acishi ca Nimulodi kunkondo. Balaakutufuna kuswa kubene Asilya paciindi baakwisa mukulwana cishi cesu, ee, baakwinjila mumanyinsa esu.

Mika 7:10

Balwani besu balaakushibona shoonse ishi akufwa nsoni, ee, balwani abo bakalinga kututonta ayi, “Ino uli kuli Mwaami Lesa, Lesa wanu?” Tulaakubona mbweshi bakakomwe. Balaakulyatoolwa bweenka bulyatoolwa matipa mumikwakwa.

Abakuku 2:17

Mwakatimboola shisamu mumusaansa wa kuLebanoni, ono bulya ndimwe mweshi mukatimboolwe. Mwakacaya banyama ba kuLebanoni, ono bulya banyama balaakumuyoosha. Ishi shilaakucitika ceebo mwakatila bulowa bwa bantu akucita shalunkutwe kushishi shiinji, kumandabala akubantu boonse bakalinga kwikalaamo.

Abakuku 2:8

Mwakasaala shintu sha bamumishobo iinji. Ono abo bakacaalaawo balaakumusaala amwebo mukwiinga mwakatila bulowa bwa bantu baanji alimwi mwakanyonyoola shishi shiinji, mandabala aanji pantu pomwi abantu ba mumo.

Sefaniya 2:8

Mwaami Lesa Shinkusu shoonse waamba ayi, “Ndanyumfwa matushi a bene Moabu, akunyansha kwa bene Amoni. Boonse bakalinga kutukana bantu bangu akwaamba ayi balaakubwesa cishi cabo.

Sekaliya 2:11

Paciindi ico mishobo iinji ilaakwisa kuMwaami Lesa akuba bantu bakwe. Ulaakwikala pakati kanu alimwi mulaakwishiba ayi Mwaami Lesa Shinkusu shoonse ngowantuma kwisa kuli ndimwe.

Sekaliya 2:9

“Nebo neMwaami Lesa ndaakumulwana alimwi mulaakusaalwa kubantu beenka abo bakalinga basebenshi banu.” Cintu ici ndyeshi cikacitike, muntu uli woonse ulaakwishiba ayi Mwaami Lesa Shinkusu shoonse wakantuma.

Sekaliya 8:5

Mikwakwa iyo ilaakusulabo banike basankwa abanakashi beshi bakanoosekaninaamo.”

Malaki 3:1

Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Mateyo 25:45

Lakwe Mwaami ulaakubakumbula ayi, ‘Ntoomulwiita calushinisho ayi, lyoonse ilyo ndimwakakaka kucafwa womwi wa baaba bataaku mbobabete, mwakakakila ndime.’

Joni 14:26

Nakubi boobo Mucafwi, Mushimu Usalashi, uyo baTa ngweshi bakatume muliina lyangu ulaakumwiisha shintu shoonse, akumwiibalusha shintu shoonse nshindakamulwiita.

Joni 17:18

Bweenka mbomwakantuma mucishi ca panshi, anebo ndabatuma muli ncico.

Milimo ya Batumwi 9:4

Mpeeke wakawita panshi akunyumfwa liswi lyakwaamba ayi, “Saulo, Saulo! Ino utoompensheshanshi?”

Dutolonomi 32:10

“Wakabacana kabeengooka muluyanga, mucishi ciyoosha mutameeni cintu nabi comwi. Wakabafuna akubalama kabotu bweenka muntu mbwaalama liinso,

2 Bene Tesalonika 1:6

Lesa ulaakucita ncaaelete kucita mukwiinga ulaakulengesha kupenga abo bamupensha

1 Joni 4:14

Peculu lya waawo twakabona akulwiitako bamwi ayi Lesa Ishiwesu wakatuma Mwanaakwe ayi abe Mupulushi wa cishi ca panshi.