Sekaliya 2:6 - Baibo Busansulushi Bwa Libuku Ili

⁶ Ono Mwaami Lesa waamba ayi, “Kamwisa! Kamwisa! Amuciceeko kucishi cakumatwa mukwiinga ndakamupalanganishisha kumbasu shone sha cishi.

Sekaliya 2:6 ပူးပေါင်းရင်းမြစ်များ

Matalikilo 19:17

Mpeeke munjelo womwi wakaamba ayi, “Amucice mupuluke! Kutalanga kwisule alimwi kuteemikana muliwesa. Amucicile kutulundu kwaamba ayi mutacaikwi.”

Kulumbaisha 44:2

Twakanyumfwa mbomwakatanda mishobo ya bakunsengwe mucishi, akukalikaamo bamashali besu bakulukulu mucishi cabo. Twakanyumfwa mbuli mbomwakaanisha mishobo imwi yoonse, akulengesha mushobo wa bantu banu kuswitilila.

Isaya 48:20

Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 55:1

Mwaami Lesa waamba ayi, “Woonse uyo unyumfwite nyotwa eese kuno kuli maanshi. Amwebo nomutacite maali amwise muule shakulya mulye! Kamwisa muule waini amukupa, sombi tashicite mweelo nauceyi.

Jelemiya 1:14

Lyalo Mwaami Lesa wakakumbula ayi “Mapensho alaakuswa kumatwa akunyonyoola bantu boonse bekala mucishi cilya.

Jelemiya 15:4

Lyalo ndaakulengesha bamaami boonse ba pacishi ca panshi kubacimwa ceebo ca ceeco Manase mwanaakwe Esekiya mwaami wa bene Juda ncaakacita muJelusalemu.”

Jelemiya 3:18

Munshiku isho bene Juda balaakupaankana abene Isilaeli, lyalo boonse balaakuswa kucishi ca busha cakumatwa kwisa kucishi ico ncendakapa bamashali babo bakulukulu ayi ncabo.”

Jelemiya 31:10

“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Jelemiya 31:38

Mwaami Lesa waamba ayi, “Ciindi cilaakushika ndabala inene ya Jelusalemu ndyeshi ikayakwe alimwi ayi nindabala yangu kuswa kuŊanda ilaamfu ya Ananelo kumbo kuya mukushika akuMwinjililo wa Likonko.

Jelemiya 31:8

Amubone, ndaakubaleta kuswa kucishi ca kumatwa akubayobolola kuswa kweela cishi ca panshi. Pakati kabo palaakunooli boofu abalema, bali pakati abali pankata. Lilaakunooli likoto linene lyeshi likaboole.

Jelemiya 50:8

“Amucice, amuswe muBabiloni, ee, amushiye cishi ca bene Babiloni. Amube bataanshi kucica!

Jelemiya 51:45

Amuswe muli nguwe nobantu bangu! Amupulushe buumi bwanu! Amucice kuswa kubukali bwangu buyoosha nebo neMwaami Lesa.

Jelemiya 51:50

Mwaami Lesa wakatuma nkombe kubantu bakwe muBabiloni yakwaamba ayi, “Mwebo nomwapuluka munkondo, amunyamuke, mutashingooki! Nabi muli mucishi cakulaale kamuyeeya ndime neMwaami Lesa alimwi kamuyeeya andabala ya Jelusalemu.

Jelemiya 51:6

“Amucice kuswa kuBabiloni! Mucice kufuna buumi bwanu! Mutanyonyooki ceebo ca shibiibi sha bene Babiloni. Cashikila ciindi cakwaamba ayi nebo neMwaami Lesa mbooshe cishole kundabala iyo. Ndaakwiipa mulandu kweelana amicito ya njiyo.

Esekelo 11:16

“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Nakubi kwaamba ayi ndakamutandila pakati ka mishobo imwi kulaale akumupalanganishisha mushishi shimwi, kwaciindi ciniini ndalinga kumufunaako mushishi umo momwakaya.’

Esekelo 17:21

Bashilumamba bakwe bacibwene kulwana boonse balaakucaikwa munkondo abalo bashilumamba beshi bakacaaleewo balaakupalanganishilwa mumbasu shone shoonse. Lyalo ndyeshi mukeshibe ayi nebo neMwaami Lesa ndaamba.’ ”

Esekelo 5:10

Paceebo ceeco bamashali pakati kanu balaakutalika kulya bana babo, abalo baana balaakunoolya bamashali babo. Ndaakumupa mulandu akupalanganya baabo beshi bakacaaleewo mumbasu shoonse.’

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Danyelo 11:4

Pesule lyakuba ankusu shiinji, bulelo bwakwe bulaakubaanikamo shipansha shone. Lyalo bamaami abo bateshi bamulunyungu lwakwe balaakunoolela mumusena wakwe. Sombi teshi bakabe ankusu sheelene ankusu shakwe. Ncakwiila bulelo bwakwe bulaakunyaikwa kuli nguwe akupekwa kubamwi.

Amosi 9:9

“Ncakwiila ndaakupa mulasho akuseba bene Isilaeli anga mbusu musefa. Ndaakubaseba pakati ka mishobo yoonse akukushaamo baabo bateelete.

Sekaliya 1:16

Paceebo ceeci nebo ndaboola kuJelusalemu mukubonesha nkumbu kundabala yangu. Ŋanda yangu ilaakuyakululwa pantu pomwi andabala yangu. Nebo neMwaami Lesa Shinkusu shoonse ndaamba.’ ”

Sekaliya 2:7

Kamwisa nobene Siyoni. Amulobokeeko kuswa kucishi ca Babiloni!

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Maako 13:27

Lyalo MwanaaMuntu ulaakutuma baanjelo kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Ciyubululo 18:4

Mpomunyaawo ndakanyumfwa liswi limwi kuswa kwiculu lyakwaamba ayi, “Amusweemo nobantu bangu! Amuswe muli nguwe! Tamweelete kubisha pantu pomwi anguwe, alimwi tamweelete koomboloshekwa akupekwa mulandu mbuli nguwe!

Lute 4:1

Mpeeke Bowasi wakaya kumwinjililo wa ndabala akwikala uko. Lyalo shikamukowa wakwe Elimeleki uyo Bowasi ngwaakalinga waambaawo wakesa pafwaafwi. Mpomunyaawo Bowasi wakamwiita ayi, “Shikookuno mwana, kala panshi.” Alakwe wakaya wekala.