Sekaliya 2:4 - Baibo Busansulushi Bwa Libuku Ili

⁴ akumulwiita ayi, “Cica uye ulwiite musankwa ulya cikula bwangu ayi, ‘Ndabala ya Jelusalemu teshi ikabeewo alubumbu ceebo ca kufula kwa bantu ashifubwa.

Sekaliya 2:4 ပူးပေါင်းရင်းမြစ်များ

Esita 9:19

Anu nceceeco baJuda bekala mumishi ncebookeshesha pabushiku bwalikumi ashone bwa mumweenshi wiitwa ayi Ada. Pabushiku ubo balasangalala, kusekelela akupaana shipo sha shakulya.

Isaya 33:20

Amulangilishe paSiyoni ndabala yakusekelela kupa bulemu kuli Lesa. Ndabala ya Jelusalemu mulaakwiibona ameenso anu. Nindabala ya luumuno iyo ili anga nitente icatite cankusu. Nitente icite mpoopo shitakoonshi kushuka alimwi antaambo shitakoonshi kusutuka napaceyi.

Isaya 44:26

Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Isaya 49:20

Baana abo mbomwakashala muciindi ndimwakalinga mwaba anga mwafwitwa baana, balaakwaamba mwebo kamunyumfwite ayi, ‘Musena uno watuceyela amutunungileeko musena wakwikalaamo.’

Isaya 54:16

“Ndime ndakalenga shikufula sheela uyo ufulita mulilo amyuuba akufula shakulwanisha. Ndime ndakalenga ashilumamba usebensesha shakulwanisha isho kucaya bamwi.

Jelemiya 1:6

Lyalo ndakakumbula ayi, “NoBaami baLesa, noBeshinkusu shoonse, nebo nshicishiiwo kwaamba alimwi ncili mwanike.”

Jelemiya 31:24

Lyalo bantu balaakwikala muJuda amumandabala amuumo oonse. Mulaakuba balimi alimwi abeembeshi ba mbelele.

Jelemiya 31:27

Mwaami Lesa waamba ayi, “Ciindi cilaakushika ndyeshi nkasushe bantu abanyama mucishi ca Isilaeli coonse amucishi ca Juda.

Jelemiya 33:22

Ndaakufusha bamulunyungu lwa musebenshi wangu Defedi abapailishi ba mumukowa wakwe Lefi cakwaamba ayi balaakunokwaala akubelengekwa bweenka mbocaala kubelenga nyenyeenshi mwiculu nabi museese wa muloombe lwa lweenge.”

Esekelo 38:11

Ulaakwaamba ayi, ‘Ndaakubukila cishi cicite mandabala atacite malinga. Ndaakulwana bantu bashiite muluumuno kwakubula cakulisukama. Nkokwaamba ayi boonse abo bekala kutaaku malinga, minjililo nabi mpingilo.

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Danyelo 1:4

Bacikula bwangu abo balyeelete kuba bantu batacite kampenda nabi komwi mumibili yabo, baboneka kabotu, bacenjete, bacite lushibo, beeite alimwi bacite nkusu shakusebensa muŋanda ya mwaami. Ashipenasi wakapekwa mulimo wakubeeisha kulemba akubelenga mulaka wine Babiloni.

Mika 7:11

Nobene Jelusalemu, bushiku bwakuyakulula lubumbu lwa ndabala yanu inene bulaakwisa. Ncakwiila bushiku bwakukomenesha manyinsa a cishi canu bulaakwisa.

Sekaliya 1:16

Paceebo ceeci nebo ndaboola kuJelusalemu mukubonesha nkumbu kundabala yangu. Ŋanda yangu ilaakuyakululwa pantu pomwi andabala yangu. Nebo neMwaami Lesa Shinkusu shoonse ndaamba.’ ”

Sekaliya 1:17

Lyalo munjelo wakandwiita ayi, “Ambilisha kubantu ayi, ‘Mwaami Lesa waamba ayi mandabala anene akwe alaakuswitilila alimwi. Ulaakucafwa Jelusalemu akwiisaala ayi ibe ndabala yakwe mwiine.’ ”

Sekaliya 12:6

“Pabushiku ubo ndaakulengesha bamatanjilili ba bene Juda kuba anga nimbabula yabikwa pamulwi wa nkuni. Ee, kubabo anga ncimunimweenge cabikwa pamile ya bwiisu. Nkokwaamba ayi balaakunyonyoola mishobo yoonse ibashingulukite. Sombi balo bene Jelusalemu balaakunooshiitebo kwakubula cakulisukama mundabala yabo.

Sekaliya 14:12

Mwaami Lesa ulaakuleta mwaalu uyoosha kubamumishobo yoonse abo balwana ndabala ya Jelusalemu. Mibili yabo ilaakuboola kabacili boomi. Ncakwiila meenso abo alaakuboolela mumakobo ayalo milaka yabo ilaakuboolela mumilomo yabo.

1 Timoti 4:12

Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.