Sekaliya 2:12 - Baibo Busansulushi Bwa Libuku Ili

¹² Lyalo cishi ca Juda cilaakuba cipansha Mwaami Lesa ncaasuni abuumbi mucishi cakwe cisalalite. Ndabala ya Jelusalemu ilaakuba njendabala njeshi akanoosuni kwiinda mandabala amwi oonse.

Sekaliya 2:12 ပူးပေါင်းရင်းမြစ်များ

2 Makani 6:6

Sombi ono ndasala ndabala ya Jelusalemu kwaamba ayi ibe musena mweshi noolambililwa alimwi ndakasalabo ndiwe Defedi kwaamba ayi ube muleli wa bantu bangu.’ ”

Esita 6:13

Amani wakaambila Seleshi mukaakwe ababye boonse isho shoonse shakamucitikila. Abalo beshikumupandako maano amukaakwe bakamwaambila ayi, “Modekayi uyo walengesha kuwa kwanu ngumuJuda. Teshi mukamukomeewo, tau. Nkokwaamba ayi mwebo camana mwakomwa kale!”

Kulumbaisha 105:15

Wakalinga kubaambila ayi, “Mutaciisi bantu bangu mbondakasala, Muteeleshi kucata balaluki bangu.”

Kulumbaisha 132:13

Mwaami Lesa wakasala Siyoni, kwaamba ayi ŋanda yakwe ibe mumo.

Kulumbaisha 132:14

Wakaamba ayi, “Ono muno mweshi nookala kwalyoonse alyoonse. Ee, mweshi nookala pacuuna ca bwaami mukwiinga ndisuniimo.

Kulumbaisha 135:4

Mwaami Lesa wakasala Jakobo kuba wakwe, wakasala Isilaeli ayi mbuboni bwakwe mbwaasunishi.

Kulumbaisha 33:12

Ulicite coolwe mushobo ucite Lesa ayi ngoMwaami Lesa wabo. Ncakwiila mushobo wa bantu abo mbwaakasala kutambula shintu nshaakashomesha.

Kulumbaisha 82:8

Amunyamuke nobaLesa, amoomboloshe cishi ca panshi. Mukwiinga mishobo yoonse ili mumaansaanu.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 17:14

Macolesha kabaloondesha! Sombi na bwaca macuunsa bacica. Anu ubo mbweshi cikabe kubaabo boonse batusaala, ee, kubaabo batubwesela buboni.

Isaya 41:9

ndakamukusha kweela lya cishi. Ncakwiila ndakamwiita kuswa kwiine kulaale. Ndakaamba ayi, ‘Mwebo muli basebenshi bangu.’ Ndakamusala alimwi nshikwe kumukaka, sobwe.

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Jelemiya 30:16

“Sombi abo boonse beshibakamunyonyoole, abalo balaakunyonyoolwa. Ncakwiila balwani banu boonse balaakutolwa busha. Abo bamusaala abalo balaakusaalwa. Boonse bamwiipila shintu, ndaakubalengesha kwiipilwa abalo.

Jelemiya 51:19

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Sekaliya 1:17

Lyalo munjelo wakandwiita ayi, “Ambilisha kubantu ayi, ‘Mwaami Lesa waamba ayi mandabala anene akwe alaakuswitilila alimwi. Ulaakucafwa Jelusalemu akwiisaala ayi ibe ndabala yakwe mwiine.’ ”

Sekaliya 3:2

Mpeeke munjelo wa Mwaami Lesa wakaambila Satana ayi, “Mwaami Lesa aakukalalile. Ncakwiila Mwaami Lesa uyo usunishi ndabala ya Jelusalemu aakukalalile! Musankwa uyu ulibo anga ndukuni lwayokolwa mumulilo.”

Dutolonomi 32:10

“Wakabacana kabeengooka muluyanga, mucishi ciyoosha mutameeni cintu nabi comwi. Wakabafuna akubalama kabotu bweenka muntu mbwaalama liinso,

Dutolonomi 32:9

Ceebo cipansha ca Mwaami Lesa mbantu bakwe, ncakwiila bamulunyungu lwakwe Jakobo ncipansha cakwe.