Sekaliya 13:9 - Baibo Busansulushi Bwa Libuku Ili

⁹ Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Sekaliya 13:9 ပူးပေါင်းရင်းမြစ်များ

2 Samwelo 7:24

Ncakwiila mwakalisalila bene Isilaeli ayi babe bantu banu kwalyoonse, alimwi mwebo noBaami baLesa mwaba Lesa wabo.

Jobo 23:10

Sombi lakwe ulishi mboonyenda, Aakumana kunsunka, ulaakucana ayi ndisalalite anga ngugolodi wiine wiine.

Jobo 28:1

“Kuli mukoti uko kukabwa silifa amusena golodi nkooboteshelwa.

Kulumbaisha 144:15

Balicite coolwe bantu bacitikilwa shintu ishi, ee, balicite coolwe bantu baamba ayi Mwaami Lesa ngoLesa wabo.

Kulumbaisha 43:4

Lyalo ndaakuya kucipaililo canu nobaLesa, nobaLesa mwebo nomunengesha kusangalala. Ncakwiila ndaakumulumbaisha kwiinda mukwiimba akalumbu nobaLesa, baLesa bangu.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Tushimpi 17:3

Silifa uleeleshelwa munongo inene pamulilo, mumunyumbi muleeleshelwa golodi, sombi moyo wa muntu uleeleshekwa aMwaami Lesa.

Lwiimbo lwakwe Solomoni 2:16

Usunikwi wangu ngwaangu anebo ndi waakwe. Mbelele shakwe ulasheembelela pakati ka maluba.

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Isaya 48:10

Ndamweelesha mumulilo wa mapensho, bweenka mbuli silifa mbooboteshekwa mumunyumbi. Nakubi boobo ndacaana ayi taaku mbomubete.

Isaya 58:9

Lyalo mwaakupaila, nebo neMwaami Lesa ndaakumukumbula. Mwaakusenga lucafwo nebo ndaakumucafwa. “Ndushinisho mwaakumanisha shakulyatililana, shakutondekana minwe amyaambo ya mfundilishi,

Jelemiya 24:5

“Nebo neMwaami Lesa, Lesa wa bene Isilaeli ndayeeya ayi bantu bakatolwa mubusha kuBabiloni kuswa kuJuda bali anga ninkuyu ishi shibotu.

Jelemiya 30:22

Paceebo ceeco mulaakuba bantu bangu anebo ndaakuba Lesa wanu. Nebo neMwaami Lesa ndaamba.”

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Jelemiya 32:38

Lyalo balaakuba bantu bangu, anebo ndaakuba Lesa wabo.

Jelemiya 9:6

Mulishiite pakati ka bubeshi. Mububeshi bwabo balakaka akunshiba, nebo neMwaami Lesa ndaamba.”

Esekelo 11:20

Lyalo balaakukonkela milasho yangu alimwi akunyumfwila milawo yangu cakushomeka. Balaakuba bantu bangu, anebo ndaakuba Lesa wabo.

Esekelo 14:11

Ndaakucita boobo kwaamba ayi bene Isilaeli bakabule kunshiya akulibisha tubili ceebo ca shibiibi shabo. Balaakuba bantu bangu anebo ndaakuba Lesa wabo. Nebo neMwaami Lesa Shinkusu shoonse ndaamba.’ ”

Esekelo 20:38

Abo boonse baashu batanyumfwili ndaakubakusha pakati kanu. Nakubi kwaamba ayi ndaakubakusha mucishi mobekala, sombi teshi bakenjileemo mucishi ca Isilaeli. Lyalo ndyeshi mukeshibe ayi ndi Mwaami Lesa.’

Esekelo 36:28

Mulaakunookala mucishi ico ncendakapa bamashali banu bakulukulu. Mulaakuba bantu bangu, anebo ndaakuba Lesa wabo.

Esekelo 37:27

Ndaakunookala pakati kabo. Ndaakuba Lesa wabo, abalo balaakuba bantu bangu.

Danyelo 11:35

Bamwi pakati ka basongo balaakupenga, kwaamba ayi baboteshekwe cakumaninina akulengeshekwa kubula kampenda kushikila kumeelelesho, ee, kuciindi ico cakabamba mwaami Lesa.

Danyelo 12:10

Bantu baanji balaakusalashikwa, kulengeshekwa kubula tumpenda akuboteshekwa cakumaninina, sombi bamucita shibi balaakutolelela kuba bamucita shibi. Taaku mucita shibi nabi womwi weshi akanyumfwe, sombi basongo balo balaakunyumfwa.

Jowelo 2:32

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa bweenka bwakaamba Mwaami Lesa ayi, ‘Bamwi paKalundu ka Siyoni amundabala ya Jelusalemu, balaakupulushikwa. Nkokwaamba ayi abo mbweshi nkasaale, balaakucaalaawo.’ ”

Bene Lefi 26:12

Anu ndaakunooli amwebo akuba Lesa wanu, amwebo mulaakuba bantu bangu.

Sekaliya 10:6

“Ndaakupa nkusu bene Juda ee, ndaakupulusha bene Isilaeli. Ndaakubanyumfwila nkumbu akubaboosha boonse. Ncakwiila balaakubabo anga nshina kubafutatilaawo kale. Nebo ndime Mwaami Lesa, Lesa wabo, ndushinisho ndaakukumbula mipailo yabo.

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Sekaliya 8:8

Ndaakubaboosha kwaamba ayi bakanookala muJelusalemu alimwi. Balaakuba bantu bangu anebo ndaakuba Lesa wabo ubalela cakushomeka alimwi cabululami.”

Milimo ya Batumwi 2:21

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa.’

Bene Ebulu 8:10

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo akwiilemba mumyoyo yabo. Ndaakuba Lesa wabo abalo balaakuba bantu bangu.

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

1 Pita 4:12

Nomusunikwi, mutakankamani amulilo wa mapensho wamushikila mukumusunka. Mutayeeyi kwaamba ayi nceensu kupenshekwa boobo.

Ciyubululo 21:7

Uyo woonse eshi akakome, ulaakutambula cipo ici kuswa kuli ndime. Ndaakuba Lesa wakwe, alakwe ulaakuba mwanaangu.

Ciyubululo 8:10

Munjelo watatu alakwe wakalisha lupeenga lwakwe. Lyalo nyenyeenshi inene yakalinga kubeka anga ncimunimweenge, yakaswa kwiculu akulokela pacipansha catatu ca milonga alimwi atuntupu twa maanshi.

Ciyubululo 8:11

Nyenyeenshi iyi ileetwa ayi, “Kalulishi.” Cipansha catatu ca maanshi cakatalika kulula, aboobo bantu baanji bakafwa ndibakanwa maanshi ayo ceebo akalinga kulula.

Ciyubululo 8:12

Lyalo munjelo wane alakwe wakalisha lupeenga lwakwe. Mpeeke cipansha catatu ca shipansha sha lisuba, mweenshi alimwi anyenyeenshi shakanyonyooka cakwaamba ayi shipansha shatatu sha mumuni wa nshisho shakacileka kumunika. Nkokwaamba ayi tekwakalinga mumuni mucipansha catatu ca malumwi amucipansha catatu ca mashiku.

Ciyubululo 8:7

Munjelo wakutaanguna ndyaakalisha lupeenga lwakwe, kwakaba mfula ya mabwe amulilo usenkene abulowa. Shoonse ishi shakalokela pacishi ca panshi. Mpeeke cipansha catatu ca cishi cakapya, cipansha catatu ca shisamu shoonse mucishi acalo cakapya kubikaawo abwiisu boonse butontola.

Ciyubululo 8:8

Pesule munjelo wabili wakalisha lupeenga lwakwe. Mpomunyaawo cintu cimwi cakalinga kuboneka anga nkalundu kanene katoonyaka mulilo, cakawaalwa mulweenge. Mpeeke cipansha catatu ca lweenge cakasanduka bulowa,

Ciyubululo 8:9

cipansha catatu ca shilengwa shoonse shiyoya sha mulweenge shakafwa alimwi acipansha catatu ca maato anene cakanyonyooka.