Sekaliya 13:7 - Baibo Busansulushi Bwa Libuku Ili

⁷ Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Sekaliya 13:7 ပူးပေါင်းရင်းမြစ်များ

Kulumbaisha 2:2

Bamaami babo balabukamo lwampeta, baleli babo balalibungabunga ayi balwane Mwaami Lesa alimwi aUsalitwe wakwe.

Isaya 1:25

Ndaakukulwana alyaansa lyangu alimwi ndaakukusha bubi boonse buli pakati kako bweenka busalashikwa golodi mumulilo. Lyalo ulaakucaalabo kwakubula kabala.

Isaya 27:1

Pabushiku ubo Mwaami Lesa ulaakusebensesha mupeeni wakwe wa nkusu alimwi ucaya, kupa mulandu Lefayatani, cisoka cilipeta cilya. Ee, kucaya shinshimwe wa mulweenge ulya.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 47:6

Mutootama ayi, ‘Maawe omupeeni wa Mwaami Lesa, citooba ciindi cilaamfu buyani koocayabo kwakutookesha? Boolela mucipokolo cako, wikale mumo kwaamba ayi wookeshe.’

Esekelo 21:28

“Ono webo omuntu, laluka akwaambila bene Amoni isho nebo neMwaami Lesa Shinkusu shoonse nshentokwaamba. Nebo ntokwaamba ayi, ‘Mupeeni, mupeeni, wasomwetwa kucaya, wafulwa ayi unyonyoole akubekabeka anga nkubeka kwa mfula!

Esekelo 21:3

akucilwiita ayi nebo neMwaami Lesa ndaamba ayi, ‘Ntooyanda kumulwana. Ntookusha mupeeni wangu kuswa mucipokolo mookala ayi ncaisheko bantu bako boonse baluleme abamucita shibi.

Esekelo 37:24

“ ‘Wamulunyungu lwakwe Defedi musebenshi wangu ngweshi akabe mwaami wabo. Lyalo boonse balaakubabo amweembeshi womwi. Balaakunookonkela milawo amilasho yangu cakushomeka.

Esekelo 7:6

Meelelesho ashikila! Ncakwiila aya ngomeelelesho! Ndushinisho mwebo mwamana katyenke!

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.

Sekaliya 11:11

Aboobo pabushiku ubo cipangano cakamanishikwa. Lyalo abo bakalinga kuula mbelele akushuulisha abo bakalinga kunjebela, bakeshiba ayi Mwaami Lesa utokwaambila musheesho nshendakacita.

Sekaliya 11:4

Ono Mwaami Lesa, Lesa wangu waamba ayi, “Embela litanga lya mbelele isho shakalinga kweelete kucaikwa.

Sekaliya 11:7

Abo bakalinga kuula mbelele akushuulisha bakampa ncito yakusheembela. Ndakatalika kweembela mbelele isho shakalinga kweelete kucaikwa. Lyalo ndakabwesa nkoli shobilo akwiita imwi ayi, “Nkumbu,” ayalo imwi ayi, “Kucatana.” Kuswawaawo ndakeembela mbelele isho kabotu.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Mateyo 10:42

Uyo woonse upa nabi maanshi kuli womwi muniini wa baabo bankonkela, ayi mukwiinga ulankonkela, ncakwiila uyo teshi akabule cilambu.”

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Mateyo 18:10

“Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Mateyo 18:14

Mbweeke ubo Ishiwanu uli kwiculu taasuni kwaamba ayi, womwi wa baaba baana baniini asoweke.

Mateyo 26:31

Jesu wakaambila bashikwiiya bakwe ayi, “Sunu lyeenka mashiku, mwebo noonse mutotyongola akunshiya neenka. Kweelana ambokulembetwe ayi, ‘Ndaakucaya mweembeshi, mpeeke mbelele shoonse shilaakupalangana.’

Mateyo 26:56

Sombi shoonse ishi shacitika kwaamba ayi shakalemba balaluki bakulukulu shicitike cancinencine.” Mpeeke bashikwiiya bakwe boonse bakamupalangana, bamushiya eenka.

Maako 14:27

Jesu wakaambila bashikwiiya bakwe ayi, “Noonse mulaakutyongola akunshiya neenka. Kweelana ambokulembetwe ayi, ‘Ndaakucaya mweembeshi, mpeeke mbelele shoonse shilaakupalangana.’

Maako 14:50

Mpeeke bashikwiiya bakwe boonse bakamupalangana, bamushiya eenka.

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Luka 17:2

Inga cabota kwaamba ayi uyo muntu aangwe libwe linene lyakupelelaawo munshingo akumuwaala mulweenge, kwiinda kulengesha womwi wa baaba bace bace kubisha.

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Joni 10:30

Nebo abaTa tulibo womwi.”

Joni 10:38

Sombi na ndaicita nabi mubule kushoma muli ndime, mushomebo mumilimo njeencita kwaamba ayi mwishibe akunyumfwishisha ayi baTa bali muli ndime, anebo ndi muli baTa.”

Joni 14:1

“Myoyo yanu itapengi. Amushome muli Lesa alimwi mushome amuli ndime.

Joni 14:23

Jesu wakakumbula ayi, “Uyo unsuni ulakonkela kwiisha kwangu alimwi baTa balaakumusuna. Lyalo nebo abaTa tulaakwisa kuli nguwe akwikala anguwe.

Joni 16:15

Shoonse sha baTa nshaangu. Nceceeco ncendaambila ayi Mushimu ulaakubwesu maswi angu akumusansulwita.

Joni 16:32

Ciindi cilaakushikila, ncakwiila cashikila kale cakupalanganishikwa kuya mwanu mwanu. Lyalo mulaakunshiyabo neenka. Sombi nshibete neenka mukwiinga baTa bali anebo lyoonse.

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

Joni 8:58

“Ntoomulwiita calushinisho ayi Abulaamu kaatana kushalwa, nebo kaandiiko kale.”

Milimo ya Batumwi 2:23

Kweelana akuyanda kwakwe mwiine Lesa, wakabambila limwi ayi Jesu ulaakwaabwa mumaansaanu. Mpeeke mwebo mwakalengesha ayi bamucita shibi bamupope pamucilingano.

Bene Loma 4:25

Lesa wakabenga Jesu kwaamba ayi acaikwe ceebo ca shibiibi shesu alimwi wakamubusha kuswa kubafu kwaamba ayi atululamike pameenso akwe.

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

Bene Filipi 2:6

Lakwe wakalingabo nguLesa lyoonse, sombi taakwe kuba amuyeeyo wakwaamba ayi eelane aLesa munkusu shakwe mwiine.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.

Ciyubululo 1:11

Liswi ilyo lyakanyumfwika ayi, “Shoonse nshootoobona, ushilembe mulibuku akulitumisha kushoonde ishi shili shosanwe ashobilo, nkokwaamba ayi kuEfeso, Simeena, Pegamamu, Tiyatila, Sadisi, Filadelufya alimwi aLawodisiya.”

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

Ciyubululo 1:8

“Nebo ndime Matalikilo alimwi aMamanino,” mbwaamba Mwaami Lesa Shinkusu shoonse, uyo uliiwo, wakalingaawo alimwi weshi akanooliiwo.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Ciyubululo 21:6

Wakatolelela kuŋambila ayi, “Ono camana! Nebo ndime Matalikilo alimwi aMamanino, mutaanshi alimwi awakweelaako. Uyo woonse unyumfwite nyotwa, ndaakumusuminisha kunwa mukantupu ka maanshi apa buumi kwakubula kulipila.