Sekaliya 13:2 - Baibo Busansulushi Bwa Libuku Ili

² Bushiku ubo ndaakushiminganya meena a shibumbwabumbwa mucishi alimwi teshi shikayeeyekwewo tubili. Kuswawaawo ndaakukusha balaluki amushimu wakulambila shibumbwabumbwa mucishi.

Sekaliya 13:2 ပူးပေါင်းရင်းမြစ်များ

1 Baami 22:22

Mwaami Lesa wakeepusha ayi, ‘Ulaakumucenjeeka buyani?’ Mushimu wakakumbula ayi, ‘Ndaakuya mukulengesha balaluki bakwe Aabu kwaamba shabubeshi.’ Mwaami Lesa wakaamba ayi, ‘Koya ukamucenjeeke. Ulaakucikonsha.’ ”

Kulumbaisha 16:4

Ono abo baya bulambila balesa bamwi, balalifushishabo mapensho beene. Nebo nshikoonshi kubengaabo mulambu wa bulowa, alimwi nshikoonshi kulambila balesa babo.

Kulonga 22:13

Ono na mbanyama bamuluundu bakacaya cifubwa ico, uyo wakalinga kucilama ulyeelete kuleta sheesho shakacaalaako pakulikwa cifubwa kwaamba ayi shikabe bukamboni. Aboobo teelete kulipila paceeco cakacaikwa kubanyama bamuluundu.

Kulonga 23:13

“Kamukonkela shintu shoonse nebo neMwaami Lesa nshendamulwiita. Mutapaili balesa bamwi, tamweelete kubanda nabibo meena abo.

Isaya 2:18

Ncakwiila shibumbwabumbwa shoonse shilaakumaninina.

Isaya 2:20

Pabushiku ubo bantu balaakusowa shibumbwabumbwa shabo kumbeba atumpafwa. Balaakusowa shibumbwabumbwa shabo sha golodi asilifa isho nshebakalipangila ayi banoolambila.

Jelemiya 29:23

Ico cilaakucitika ceebo bakacita shintu shibiibi abuumbi muIsilaeli. Bakalinga kucita bulale abamuka shikamukobonyinaabo akwaamba shabubeshi muliina lya Mwaami Lesa. Bakaamba shintu isho Mwaami Lesa nshaatakwe kwaamba. Ulishishi alimwi ngukamboni pali nshisho. Mwaami Lesa mbwaamba ubo.”

Esekelo 12:24

“Lyalo pabene Isilaeli teshi pakabeewo tubili shili anga nshiloto shabubeshi ashabulaluki shakucenjeeka pabene Isilaeli.

Esekelo 13:23

Paceebo ceeco teshi mukabonewo tubili shili anga nshiloto shanu shabubeshi nabi kulaluka shakucenjeeka. Ndaakupulusha bantu bangu kuswa mumaansaanu. Lyalo ndyeshi mukeshibe ayi nebo ndi Mwaami Lesa.”

Esekelo 14:9

“ ‘Ono na mulaluki akacenjeekwe mukukumbula shabubeshi, ngayi nebo neMwaami Lesa ndime ndamucenjeeka. Nakubi boobo muntu uyo ndaakumukaka akumukusha kuswa pakati ka bantu bangu bene Isilaeli.

Esekelo 30:13

“Nebo neMwaami Lesa Shinkusu shoonse ndaamba ayi, ‘Ndaakunyonyoola shibumbwabumbwa akumanisha shikoshanyo sha mucishi ca Memfisi. MuIjipiti teshi mukabewo tubili mwaami alimwi ndaakuloondesha bamucishi ico coonse.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Esekelo 36:29

Ndaakumupulusha kusheesho shoonse shakalinga kumubisha. Ndaakulengesha shili anga ngamaila kufula cakutakolwawo tubili nsala.

Esekelo 37:23

Teshi bakalibishewo tubili kushikoshanyo shabo, kushibumbwabumbwa shabo shilensha bunya nabi kushibiibi shabo shimwi shoonse. Ncakwiila ndaakubasalasha kuswa kushibiibi shabo shoonse. Balaakuba bantu bangu anebo ndaakuba Lesa wabo.

Esekelo 43:7

Mpeeke wakandwiita ayi, “Webo omuntu, uyu ngomusena wa cuuna cangu ca bwaami. Ndaakunookala kokuno pakati ka bene Isilaeli akubalela kwa lyoonse alyoonse. Taaku bene Isilaeli nabi bamaami babo beshi bakasebaanye tubili liina lyangu lisalalite mukulambila balesa bamwi nabi kubika mituntu ya bamaami babo kumusena uno.

Esekelo 6:6

Uko koonse bantu abo nkweshi bakanookala, mandabalaabo anene alaakunyonyoolwa. Misena yabo yakulambililaako ya patulundu ilaakupumununwa cakwaamba ayi shipaililo shabo shakubengelawo milambu shilaakunyonyoolwa. Ashalo shibumbwabumbwa shabo shilaakupwayoolwa pantu pomwi ashipaililo shabo shakutentelaawo tununkila kabotu. Lyalo shintu shoonse nshebakapanga shilaakushiminganishikwa

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

Osiya 2:17

Ndaakukusha liina lya Baali mumilomo yabo. Teshi bakasebenseshewo tubili meena abo pakupaila.

Osiya 2:19

“Webo Isilaeli, ndaakukulengesha kuba mukaangu walyoonse alyoonse. Ndaakucita boobo mubululami alimwi cakushomeka. Ndaakunookutondesha lusuno akukunyumfwila nkumbu.

Mika 2:11

“Na mubeshi nabi shikucenjeeka wesa waamba ayi, ‘Ntoomulalukila kutambula waini abwalwa buunji,’ Uyu ulaakuba ngomulaluki bantu aba ngobasuni.

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Mateyo 12:43

“Na shikaswa waswa mumuntu, ulaya bweenda muluundu kuyandoola kwakookeshesha. Na kwabula kucanika

Mateyo 7:15

“Amucenjele abalaluki babeshi. Balesa cakulibombya kuli ndimwe anga nimbelele, anu mukati mbaumpe.

Luka 11:20

Teshi Bilusebulu, sombi nguLesa uyo umpa nkusu shakukusha bashikaswa. Nkokwaamba ayi Bweene bwakwe Lesa buli pali ndimwe.

Dutolonomi 12:3

Mukamwayoole shipaililo shabo, mukanyonyoole mabwe ngobakeemika pamisena yakulambililaawo alimwi mukatente shikoshanyo shakwe Ashela mumulilo, lesa wabo mwanakashi wakubesa akutimboola shibumbwabumbwa shabo kwaamba ayi batakalambilili mumisena iyo lyobilo.

Dutolonomi 18:20

Sombi mulaluki woonse uyo waamba muliina lyangu makani ngoontakwe kumulwiita, nabi wooyo waamba muliina lya balesa bamwi, ulyeelete kucaikwa.’

Joshuwa 23:7

kwaamba ayi mutakonkeli shicita mishobo imwi iyo njemucili ayo. Tamweelete kwaamba meena a balesa babo, kwaasebensesha pakushomesha cakulumbila, kubalambila nabi kubafukamina.

Ciyubululo 18:2

Wakoolobesha ayi, “Yawa, yawa ndabala inene ya Babiloni! Yaba momwakwikala bashikaswa ba mishobo yoonse. Yaba momwakwikala shiyuni shitasalalite alimwi shilensha bunya.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.