Sekaliya 12:3 - Baibo Busansulushi Bwa Libuku Ili

³ Ono ciindi ico caakushikila, mishobo ya mucishi ca panshi yoonse yaakubungana pantu pomwi ayi ilwane ndabala iyo, ndaakulengesha Jelusalemu kuba anga ndibwe lilemu. Nkokwaamba ayi kulila mushobo uyo weenga weelesha kulinyamuna, ulaakulicisa.

Sekaliya 12:3 ပူးပေါင်းရင်းမြစ်များ

Isaya 60:12

Ceebo bamucishi nabi mubulelo beshi bakabule kukusebensela, balaakuloba. Balaakunyonyoolwa cakumaninina.

Obadiya 1:18

Bamulunyungu lwakwe Jakobo balaakuba mulilo, abamulunyungu lwakwe Josefu balaakunoonyaka. Bamulunyungu lwakwe Esau balaakuba mabuba, mpeeke balaakubatenta akubalobya. Taaku weshi akapuluke mulunyungu lwakwe Esau.”

Mika 5:15

Mubukali bwangu bunene ndaakuboosha cishole kumishobo yoonse itakwe kunyumfwila ndime.”

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Abakuku 2:17

Mwakatimboola shisamu mumusaansa wa kuLebanoni, ono bulya ndimwe mweshi mukatimboolwe. Mwakacaya banyama ba kuLebanoni, ono bulya banyama balaakumuyoosha. Ishi shilaakucitika ceebo mwakatila bulowa bwa bantu akucita shalunkutwe kushishi shiinji, kumandabala akubantu boonse bakalinga kwikalaamo.

Sefaniya 3:19

Paciindi ico ndaakupa mulandu abo bakalinga kukulyatilila. Ndaakufuna balema boonse akubunjika boonse bakapalanganishilwa mubusha. Ndaakulengesha bantu kubalumbaisha akubalemeka mushishi shoonse umo mobakasebaanishikwa.

Agayi 2:22

Ndaakunyonyoola bamaami amalelo a bakunsengwe akumanisha nkusu sha ngawo. Ndaakusandamuna shikoci shabo abaabo beshikusheensha. Maaki abo alaakumana kufwa abalo abeshikwaatanta balaakucayana beene abeene.”

Sekaliya 12:11

Pabushiku ubo kulila buumpute mundabala inene ya Jelusalemu kulaakukomena abuumbi. Ncakwiila kulaakubabo anga nkulila buumpute pali Adadi Limoni kuliwesa lya Megido.

Sekaliya 12:4

Pabushiku ubo ndaakulengesha maaki abo oonse kuba aboowa alimwi ndaakufulunganya beshi kwaatanta boonse. Ndaakunoolama mushobo wa bene Juda, sombi ndaakupofosha maaki a mishobo imwi yoonse.

Sekaliya 12:6

“Pabushiku ubo ndaakulengesha bamatanjilili ba bene Juda kuba anga nimbabula yabikwa pamulwi wa nkuni. Ee, kubabo anga ncimunimweenge cabikwa pamile ya bwiisu. Nkokwaamba ayi balaakunyonyoola mishobo yoonse ibashingulukite. Sombi balo bene Jelusalemu balaakunooshiitebo kwakubula cakulisukama mundabala yabo.

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

Sekaliya 14:13

Pabushiku ubo, Mwaami Lesa ulaakubalengesha miyeeyo yabo kufulungana alimwi balaakuba aboowa cakwaamba ayi umwi ulaakucata mubye uli pafwaafwi anguwe palyaansa akutalika kulwanaakwe.

Sekaliya 14:6

Ubo bushiku bwaakushika, teshi kukabewo mpewo nabi caandwa.

Mateyo 21:44

Uyo uwita palibwe ilyo, ulaakutyokooka, alimwi uyo ngweenga lyalokela, ulaakusansooka.”]

Luka 20:18

Uyo woonse eshi akawiteewo, ulaakutyokooka. Sombi uyo ngweshi likalokele, ulaakusansooka.”

Ciyubululo 16:14

Aba mbobashikaswa bacita shaankamiko. Bashikaswa botatwe aba balaya kubamaami boonse ba mucishi ca panshi mukubayobolola kwaamba ayi bakalwaane pabushiku bunene bwakwe Lesa Shinkusu shoonse.