Sekaliya 1:18 - Baibo Busansulushi Bwa Libuku Ili

¹⁸ Mucili anga nciloto cimwi ndakabona meeca one.

Sekaliya 1:18 ပူးပေါင်းရင်းမြစ်များ

1 Baami 22:11

Mulaluki umwi Sedekiya mwanaakwe Kenaana wakapanga meeca anshimbi akulwiita Aabu ayi, “Mwaami Lesa waamba ayi, ‘Ici nceshi mukalwanisheeko bene Silya akubakoma.’ ”

2 Baami 15:29

Muciindi ca bwaami bwakwe Peka mwaami wa bene Isilaeli, Tigilati Pilesa mwaami wa bene Asilya wakesa wabwesa ndabala ya Ijoni, Abelo Beti Maaka, Janowa, Kedeshi alimwi aya Asoli, kubikaawo acishi ca Gilyadi, Galili alimwi aca Nafutali. Wakatola bantu busha kuAsilya.

Sekaliya 1:17

Lyalo munjelo wakandwiita ayi, “Ambilisha kubantu ayi, ‘Mwaami Lesa waamba ayi mandabala anene akwe alaakuswitilila alimwi. Ulaakucafwa Jelusalemu akwiisaala ayi ibe ndabala yakwe mwiine.’ ”

Sekaliya 1:19

Ndakeepusha munjelo uyo wakalinga kubandika anebo ayi, “Ino meeca aya alaambanshi?” Alakwe wakankumbula ayi, “Atokwiimikanina shishi shankusu isho shakapalanganya bene Juda, bene Isilaeli alimwi abene Jelusalemu.”

Sekaliya 2:1

Mucili anga nciloto cimwi ndakabona musankwa kaaimfwi kunembo lyangu antaambo yakupimishaako mulyaansa.

Sekaliya 5:1

Ono ndindakalangilisha alimwi ndakabona cakulembelaawo kacuuluka mwiculu.

Sekaliya 5:5

Munjelo uyo wakalinga kubandika anebo wakesa alimwi akuŋambila ayi, “Langilisha! Ncilya cintu cimwi citoosa.”

Sekaliya 5:9

Kuswawaawo ndakabona banakashi bobilo kabesa cuulukila nkondakalingila. Bakalinga kucite mapapaminwa ayumu bweenka mbuli a nkobokobo. Banakashi aba bakabwesa mutaanga uyo akuuluka anguwo.

Sekaliya 6:1

Ndakabona mucili anga nciloto cimwi shikoci shone shakalinga kuswa pakati ka tulundu tobilo twa bulonse.

Joshuwa 5:13

Ono Joshuwa ndyaakalinga pafwaafwi andabala ya Jeliko, wakabona muntu kunembo lyakwe kaacite mupeeni mulyaansa. Joshuwa wakaya kuli nguwe akumwiipusha ayi, “Sa uli kulubasu lwesu nabi kulubasu lwa balwani besu?”