Sefaniya 3:9 - Baibo Busansulushi Bwa Libuku Ili

⁹ “Ono ndaakusandula bwikaalo bwa bantu ba mumishobo imwi kwaamba ayi boonse bakanoopaila kuli ndime akunoosebenselabo ndime neenka camoyo womwi.

Sefaniya 3:9 ပူးပေါင်းရင်းမြစ်များ

Matalikilo 11:1

Pakutaanguna bantu boonse bamucishi bakalinga kucitebo mulaka womwi alimwi bakalinga kusebenseshabo maswi a mulaka weenka uyo.

Matalikilo 4:26

Seti alakwe wakashala mwaana musankwa akumutumba ayi Enoshi. Kuswawaawo bantu bakatalika kubanda liina lya Mwaami Lesa mukulambila kwabo.

Kulumbaisha 113:3

Liina lya Mwaami Lesa alilumbaishikwe kuswa kwicwe kushikila akumbo.

Kulumbaisha 22:27

Bantu ba mumishobo yoonse balaakwiibaluka akusandukila kuMwaami Lesa. Ndushinisho bamumaanda a mishobo imwi yoonse balaakumulambila,

Isaya 19:18

Ciindi ico caakushikila ciEbulu cilaakwaambwa mumandabala ali osanwe ene Ijipiti. Bantu ba mumandabala ayo balaakushomesha cakulumbila kusebensela Mwaami Lesa Shinkusu shoonse. Yomwi pamandabala ayo ilaakunokwiitwa ayi, “Ndabala inene ya Lisuba.”

Isaya 57:19

Ndaakulengesha batoolila muIsilaeli kutalika kulumbaisha. Ncakwiila ndaakuleta luumuno kubaabo bali pafwaafwi akubaabo bali kulaale. Ee, boonse ndaakubashilika.” Mwaami Lesa waamba.

Isaya 6:7

Lyalo wakakumya mulomo wangu alikalangasha ilyo akwaamba ayi, “Bona, likalangasha ili lyakumya mulomo wako. Milandu yako yakushikwa pali ndiwe alimwi shibiibi shako shalekelelwa.”

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Esekelo 37:17

Lyalo tusamu uto utununganye kwaamba ayi kabe anga nkasamu komwi mumaansaako.

Abakuku 2:14

Sombi mucishi ca panshi coonse bantu balaakunooswitebo lushibo lwa bulemu bwa Mwaami Lesa bweenka lweenge mboluswite maanshi.

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Sekaliya 2:11

Paciindi ico mishobo iinji ilaakwisa kuMwaami Lesa akuba bantu bakwe. Ulaakwikala pakati kanu alimwi mulaakwishiba ayi Mwaami Lesa Shinkusu shoonse ngowantuma kwisa kuli ndimwe.

Mateyo 12:35

Muntu uli kabotu ulaamba shintu shibotu isho shili mumoyo wakwe, alakwe muntu mubiibi ulaamba shibiibi shili mumoyo wakwe.

Bene Efeso 4:29

Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”