Osiya 9:7 - Baibo Busansulushi Bwa Libuku Ili

⁷ Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Osiya 9:7 ပူးပေါင်းရင်းမြစ်များ

2 Baami 9:11

Jewu wakaboolela kubabye abo bakamwiipusha ayi, “Sa kuli kabotu? Anu muluya ulya walinga kuyandoolanshi?” Jewu wakakumbula ayi, “Ulya muntu mulimwishi ashalo nshaamba mulishishi.”

Isaya 10:3

Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Isaya 34:8

Ndushinisho Mwaami Lesa ulicite bushiku mbwaatooyanda kuboosha cishole, bushiku bwakulambula bubi mukufuna ndabala ya Siyoni kubalwani ba njiyo.

Isaya 44:25

Ndime Lesa uyo ulubaanya bulaluki bwa balaluki babeshi akulengesha bamukamwaami kuboneka buluya. Ndime Lesa uyo ukoma lushibo lwa basongo akululengesha kuba buluya.

Jelemiya 10:15

Taakuuwo mbobabete, balyeelete kusuulwa. Ciindi cakoomboloshekwa kwabo caakushikila, balaakumana kuloba.

Jelemiya 11:23

Taakuuwo nabi womwi weshi akacaale pabantu ba kuAnatoti. Ndaakuleta mapensho pali mbabo mumwaaka ngondakasala kubapa mulandu.”

Jelemiya 16:18

Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

Jelemiya 23:13

“Pakati ka balaluki ba kuSamaliya ndakabonawo cintu cimwi cilensha bunya. Bakalinga kulalukila muliina lyakwe Baali akulengesha bantu bangu bene Isilaeli kusoweka.

Jelemiya 25:14

Balo beene balaakucatwa busha kumishobo iinji akubamaami banene. Ndaakubalambula kweelana amicito yabo alimwi amilimo njebacita amaansaabo.’ ”

Jelemiya 29:26

“Mwaami Lesa ngowakakusala kuba mupailishi pamusena wakwe Jeoiyada ayi unokweendelesha Ŋanda ya Mwaami Lesa. Aboobo ulyeelete kwaanga ncetani akufwalika nteneshi ya nshimbi muntu uli woonse ucinkukite utoolibecesha kuba mulaluki.

Jelemiya 46:21

Bashilumamba baliimo abo bakoolwa balibo anga mboombe basaninwa kabotu. Nakubi boobo abalo balaakucica, teshi bakeemikaneewo, sobwe. Ee, bushiku bwakunyonyoolwa bwabapolela, ciindi cabo cakupekwa mulandu cashikila.

Jelemiya 6:14

Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.

Jelemiya 8:11

Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.

Malilo 2:14

Shili anga nshiloto shakalinga kubona balaluki banu shakalinga shabubeshi shitacite ncito. Ee, bulaluki bwabo tebwakalinga kuyubulula shibiibi shako ayi ukabule kucatwa busha. Ncakwiila bakakulengesha kuyeeya ayi kusanduka kuswa kushibiibi shako taciyandiki.

Esekelo 13:10

“Balaluki aba balasowa bantu bangu ndibabaambila ayi, ‘Kuli luumuno,’ kakuli taaku luumuno. Bantu bangu bayaka lubumbu lutashimpite abalo balaluki balushingula abulongo butuba.

Esekelo 13:3

Mwaami Lesa Shinkusu shoonse waamba ayi, “Mapensho kubalaluki baluya abo bakonkela miyeeyo yabo beene kakutaaku ancebabwene.

Esekelo 25:17

Ndaakubabooshesha cishole cinene akubapa mulandu mubukali bwangu buyoosha. Lyalo ndyeshi bakeshibe ayi nebo ndi Mwaami Lesa.’ ”

Esekelo 38:23

Mukucita boobo ndaakutondesha mishobo yoonse ayi ndalemekwa alimwi ayi ndisalalite pameenso abo. Lyalo ndyeshi bakeshibe ayi nebo ndi Mwaami Lesa.”

Esekelo 9:10

Aboobo teshi nkabafwitewo nkumbu nabi kubalangabo, sobwe. Sombi ndaakubacitila bweenka mbobakacitila bamwi.”

Osiya 14:1

Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.

Osiya 5:9

Efuleemu ulaakunyonyoolwa cakubabo luyanga pabushiku bwa bukali bwakwe Lesa. Nomikowa ine Isilaeli aya ngamakani a lushinisho ngoontokwaambilisha kuli ndimwe.”

Osiya 8:13

Balabenga milambu kuli ndime akulya nyama ya njiyo. Sombi nebo neMwaami Lesa mumilambu iyo nshisangalaliliimo. Ono bulya ntokwiibaluka shibiibi shabo akubapa mulandu ceebo ca nshisho. Ndaakubaboosha kucishi ca Ijipiti.

Osiya 9:8

Nobene Isilaeli bantu bakwe Lesa, Mwaami Lesa wakantuma ayi mucenjeshe. Nakubi boobo munshila shangu shoonse muliteyetemo toose. Balwani bangu balambelamina amuŊanda yakwe Lesa moonse.

Amosi 8:2

Mwaami Lesa wakanjipusha ayi, “Amosi, wabonanshi?” Ndakakumbula ayi, “Ndabona mutaanga uswite shisepo shipite.” Mpeeke Mwaami Lesa wakandwiita ayi, “Ciindi cashikila cakwaamba ayi bantu bangu bene Isilaeli bakapekwe mulandu. Nebo teshi nkabooshemo moyo alimwi pashakubapa mulandu.

Mika 2:11

“Na mubeshi nabi shikucenjeeka wesa waamba ayi, ‘Ntoomulalukila kutambula waini abwalwa buunji,’ Uyu ulaakuba ngomulaluki bantu aba ngobasuni.

Mika 7:4

Muntu waambwa ayi uli kabotu kwiinda bamwi ulibo anga nshisonsoonya kubica. Alakwe uyo waamba ayi ululeme kwiinda boonse ulibo anga ncisamu ca myuumfwa kubica. Bushiku bwashikila Lesa ndyeshi ape bantu mulandu bweenka mbwaakabacenjesha kwiinda mubeshikulindilila bakwe balaluki. Ubu mbobushiku bwabo bwa cimfulunganya.

Sefaniya 3:4

Balaluki ba njiyo mbeshikulisumpula, mbantu batashomeki. Bapailishi ba njiyo balabisha musena usalalite Balasebensesha Milawo kwaamba ayi bacane mpindu.

Maako 3:21

Bashikamukowa ndibakanyumfwa boobo, bakanyamuka ayi baye mukumukushaako, mukwiinga bantu bakalinga kwaamba ayi, “Wacinkuka!”

Luka 21:22

Mukwiinga ici cilaakuba ciindi Lesa ndyeshi akaboneshe bantu bakwe ayi bakabisha kwaamba ayi shoonse shilembetwe muMalembo akwe Lesa shicitike cancinencine.

2 Bene Kolinto 5:13

Na tulaboneka anga tulicinkukite, tulaboneka boobo ceebo cakwe Lesa. Ono ncakwiila tulikwenebo kabotu, tuli boobo ceebo canu.

Ciyubululo 16:19

Ndabala inene yakapasukamo shipansha shotatwe, mpeeke mandabala anene a mushishi shoonse akanyonyooka. Lesa wakeebaluka ndabala inene ya Babiloni akulengesha ayi inwe waini wa munkomeshi ya bukali bwakwe.