Osiya 9:4 - Baibo Busansulushi Bwa Libuku Ili

⁴ Teshi mukanoopawo shipo sha shakunwa kuMwaami Lesa. Ayalo milambu yanu teshi ikanoomusangalashaawo napaceyi. Kuli ndimwe milambu yanu iyo ilaakunoobabo anga ncakulya ca pamalilo. Ncakwiila boonse balyaako balaakulengeshekwa kutanoosalalite kweelana aMilawo. Cakulya canu cilaakunoolibo ca mafumo anu, kuteshi kuletwa amuŊanda ya Mwaami Lesa.

Osiya 9:4 ပူးပေါင်းရင်းမြစ်များ

Kulonga 29:40

Ono pakubenga mwanaambelele wakutaanguna, ukanootenta akilogilamu yomwi ya fulaulo wa witi upelekete, usenkene alita yomwi ya mafuta a olifi eene eene alimwi alita yomwi ya waini ayi ncipo ca cakunwa.

Kulonga 40:23

alimwi akubikawo shimaande shipekwa kuMwaami Lesa, kweelana ambwaakamwaambila mwiine.

Isaya 57:6

Mulabwesa mabwe ateshimite kabotu kuswa mutulonga akwaalambila ayi mbalesa banu. Mulatila awaini apo ayi ncipo kuli mbabo akubaletela cipo ca shili anga ngamaila. Ono sa mutooyeeya ayi nebo ndikondetwe pashintu shoonse ishi?

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Jelemiya 16:7

Teshi kukabeewo muntu shikupa shakulya bantu abo batoolila. Teshi kukabeewo shikuumusha nabi muntu wafwitwa baishi nabi banyina. Ncakwiila taaku weshi akabapewo shakunwa mukuboombulushaako.

Jelemiya 6:20

Anu nimpindunshi iliimo mutununkila kabotu pakutenta twa kuSheba nabi tununkila kabotu mubuyani tuswa kucishi cakulaamfu? Milambu yanu yakutenta nshiitambuliiwo, sobwe. Ncakwiila milambu yanu teensangalashiiwo.”

Esekelo 24:17

Ukanooshinshimukabo cakutanyumfwika alimwi kuteelesha kulila mufu. Utakafuuli cisani ncoofwala kumutwi nabi kufuula nkwabilo shako. Utakalifwekiwo pamulomo nabi kulya shakulya shilikwabo pamalilo.”

Esekelo 24:22

Lyalo amwebo mulaakucita bweenka bulya mbowacita. Teshi mukafwekewo pamilomo yanu nabi kulya shakulya shilikwa pamalilo.

Danyelo 1:8

Sombi Danyelo wakayeeya ayi taakoonshi kulilengesha kutasala kweelana aMilawo mukulya shakulya shakubwalo akunwa waini wa mwaami. Aboobo wakasenga Ashipenasi ayi na inga wamusuminisha kutanoolyako shakulya isho.

Osiya 3:4

Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.

Osiya 7:16

Bantu aba tabasandukili kuli ndime neMwaami Lesa Shinkusu shoonse. Ncakwiila kutashomeka kwabo kulibo anga nkwa buta busendeme. Ono bamatanjilili babo balaakucaikwa kunkondo ceebo ca maswi a mucobwe ngobasebensesha. Paceebo ceeco balaakusekwa abuumbi kubene Ijipiti.”

Osiya 8:13

Balabenga milambu kuli ndime akulya nyama ya njiyo. Sombi nebo neMwaami Lesa mumilambu iyo nshisangalaliliimo. Ono bulya ntokwiibaluka shibiibi shabo akubapa mulandu ceebo ca nshisho. Ndaakubaboosha kucishi ca Ijipiti.

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Jowelo 1:9

Shipo sha fulaulo asha cakunwa teshi shinoobonekawo muŊanda yakwe Lesa. Bapailishi boonse batoolila ncakwiila batoolila boonse basebensela pameenso a Mwaami Lesa.

Jowelo 2:14

Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Bene Lefi 17:11

Buumi bwa cintu cili coonse cuumi buli mubulowa. Anu nceceeco nebo neMwaami Lesa nceŋambila ayi bulowa boonse bunootilwa pacipaililo, kwaamba ayi shibiibi sha bantu shikushikwe. Nkokwaamba ayi bulowa ubo buli mbobuumi, bulakusha shibiibi.

Bene Lefi 21:17

“Lwiita Aloni ayi taaku muntu mulema nabi womwi wa mulunyungu lwako weelete kubenga mulambu wa cakulya kuli ndime. Ici cilaakunoocitika lyoonsebo mumashalane anu oonse acisa.

Bene Lefi 21:21

Taaku wamulunyungu lwakwe Aloni mupailishi nabi womwi mulema eshi akanoobenga milambu ya shakulya kuli ndime.

Bene Lefi 21:6

Ulyeelete kunoosalalite alimwi teelete kusebaanya liina lyangu. Lakwe ulabenga milambu ya cakulya kuli ndime, aboobo ulyeelete kunoosalalite.

Bene Lefi 21:8

Bantu balyeelete kulanga mupailishi ayi ulisalalite ceebo ulabenga milambu ya cakulya kuli ndime. Nebo ndime Mwaami Lesa, ndisalalite alimwi bantu bangu ndabasalasha.

Amosi 5:22

Nabi mukandetele milambu yakutenta, kubikaawo ashipo shanu sha fulaulo, teshi nkashitambuleewo. Nabi mukandetele milambu ya bwanabwankashi ili buyani, teshi nkeetambuleewo, sobwe.

Malaki 2:13

Cintu cimwi ncemucita nkutontosha cipaililo ca Mwaami Lesa aminsonshi. Mulalila buumpute amibila mukwiinga ono Lesa ulasuula milambu yanu alimwi taitambuli cakukondwa.

Shakubelenga 19:11

“Uyo woonse weenga wakumya mutuntu teshi akanoosalalite kweelana aMilawo kwanshiku shosanwe ashobilo.

Shakubelenga 28:2

“Lwiita bene Isilaeli ayi balyeelete kubenga milambu ya cakulya kuli ndime neLesa mushiindi sheelete ayi ibe bweema bunsangalasha nebo neMwaami Lesa.

Shakubelenga 4:7

“Patebulu ya shimaande shipekwa kuMwaami Lesa, balaakuyalawo cisani ca mushobo waliculu akubikawo mbale, mbale shifongomene sha tununkila kabotu, mbale shifongomene sha shipo alimwi amingomo ya shipo sha cakunwa. Patebulu apo palyeelete kunoocanika shimaande lyoonse.

Joni 6:51

Ndi cakulya cipa buumi cakaswa kwiculu. Na muntu uli woonse walya cakulya ici, ulaakuba abuumi butamaani. Cakulya ico nceshi nkamupe ngumubili wangu, uyo ngweshi nkape ayi bantu boonse ba mucishi ca panshi babe abuumi.”

Dutolonomi 26:14

Taaku cipansha ca likumi nabi comwi ncendakalya ndindakalinga kucite cililo, taaku nabi comwi ncendakakusha muŋanda ndindakalinga kutasalalite kweelana aMilawo, alimwi taaku nabi comwi ncendakapa ayi ncipo kubafu. Anu ndakamunyumfwila noBaami baLesa, baLesa bangu akucita shoonse nshemwakandwiita.