Osiya 9:14 - Baibo Busansulushi Bwa Libuku Ili

¹⁴ Ono mwebo noBaami baLesa mubape isho nshebeelete kupekwa. Mulengeshe mabumbu abo kusowa alimwi akuyumya mukupa munkolo shabo.

Osiya 9:14 ပူးပေါင်းရင်းမြစ်များ

Jobo 21:10

Bacende babo baliciteko kushasha. Mpwishi shabo ashalo shilashala cakutasansulawo, sobwe.

Kulonga 23:26

Mucishi canu umo momutooya, teshi mukabe mwanakashi weshi akasoowe nabi kuba ŋumba. Mulaakunookala myaaka iinji.

Osiya 9:11

Bulemu bwa bene Isilaeli bulaakuluka anga nkayuni. Nkokwaamba ayi kutumbuka, kuba amafumo, ee, kumina mate shoonse shilaakumana.

Osiya 9:13

Mwebo noBaami baLesa, nebo mboontoobona, bana ba bene Isilaeli balaakubabo anga mbanyama batooya mukucaikwa. Bene Efuleemu abo balaakutanjilila bana babo kunkondo, sombi uko balaakuyabo mukucaikwa.

Osiya 9:16

Bene Isilaeli balibo anga ncisamu cacatwa bulwashi, ee, balibo anga ncisamu cayuma miyanda ico citakoonshi kucata shisepo. Nabi bakashale baana, ndaakucaya bana babo abo basunikwi.”

Mateyo 24:19

Mapensho kubanakashi beshi bakanooli pakati, abeshi bakanoocite baana bayamwa munshiku isho!

Maako 13:17

Mapensho kubanakashi beshi bakanooli pakati abeshi bakanoocite baana bayamwa munshiku isho!

Luka 21:23

Mapensho kubanakashi beshi bakanooli pakati abeshi bakanoocite baana bayamwa munshiku isho. Mukwiinga mapensho anene alaakuba mucishi ca panshi alimwi bukali bwakwe Lesa bulaakuba pabantu aba bene Isilaeli.

Luka 23:29

Mukwiinga nshiku shilaakushika bantu ndyeshi bakanokwaamba ayi, ‘Balicite coolwe banakashi batana kushalaawo akuyamwisha!’

1 Bene Kolinto 7:26

Ceebo ca mapensho aliiwo bulya, ndayeeya kwaamba ayi ncibotu muntu kwikalabo cakutenjila mucikwati.

Dutolonomi 28:18

“Mwaami Lesa ulaakumushingana kwiinda mukumupa baana baniini, kutebula shakulya shiniini alimwi amukumupa ŋombe ambelele shiniini.