Osiya 9:13 - Baibo Busansulushi Bwa Libuku Ili

¹³ Mwebo noBaami baLesa, nebo mboontoobona, bana ba bene Isilaeli balaakubabo anga mbanyama batooya mukucaikwa. Bene Efuleemu abo balaakutanjilila bana babo kunkondo, sombi uko balaakuyabo mukucaikwa.

Osiya 9:13 ပူးပေါင်းရင်းမြစ်များ

2 Baami 15:16

Bweenka Menaemu mbwaakeenda kuswa kuTesa wakanyonyoola ndabala ya Tapuwa abantu bakooko alimwi acishi coonse cishingulukite. Wakacita boobo mukwiinga bantu bakakaka kulyaaba mumaansaakwe. Wakapasoola banakashi bakalinga kucite mafumo.

Jobo 27:14

Nabi bana babo basankwa bafule buyani lufu lwabo ndwakucaikwa kunkondo. Bana babo teshi bakanoolya cakukuta, napaceyi.

Jelemiya 7:15

Ndaakumutanda kuswa pameenso angu bweenka mbuli mbondakacita bamakwabanu bene Efuleemu. Nebo neMwaami Lesa ndaamba!”

Jelemiya 9:21

Lufu lwatunjilila pambwelyo akwinjila mumaandeesu acite malinga. Lwamana kucaya banike mumikwakwa abacikula bwangu mumisena icanikamo bantu baanji.”

Malilo 2:22

Bweenka mbuli mbomutamba bantu pabushiku bwakusekelela, mbweeke ubo mbomwakantambila balwani kwisa mukunoondesha kuswa kumbasu shoonse shoonse. Mubushiku bwa bukali bwanu, taaku nabi womwi wakaloboka nabi kupuluka. Abo mbondakalela akulama balwani bangu babanyonyoola.

Esekelo 27:3

Lwiita cishi ici ciyakitwe kweela lweenge ico cicita makwebo abantu baanji bekala muloombe lwa lweenge ayi nebo neMwaami Lesa Shinkusu shoonse ndaamba ayi, ‘Webo Taya, wakalilumbaisha ceebo ca kubota kwako.

Osiya 10:14

nkondo ilaakwisa pali ndimwe shiyubilo shanu shoonse shilaakunyonyoolwa. Cilaakubabo anga mbushiku mwaami Shalimani ndyaakanyonyoola ndabala inene ya Beti Abelo muciindi ca nkondo akupwayoola baana abamanyinawabo ayi bafwe.

Osiya 13:16

Cishi ca Samaliya cilyeelete kupekwa mulandu ceebo cakwaashukila ndime neLesa wabo. Bantu ba ncico balaakufwita munkondo. Bakateta balaakupwaikwa panshi banakashi beshi bakanoomitite balaakupasulwa mafumo.”

Osiya 13:8

Ndaakumulwana anga ngubeya utoolangoola mwanaakwe. Ndaakumukwamoona. Ndaakumunyonyoola mpomunyaawo anga ninkalamu itoolya munyama. Ncakwiila ndaakumukwamoona anga ngumunyama wa muluundu.

Osiya 14:1

Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.

Osiya 9:16

Bene Isilaeli balibo anga ncisamu cacatwa bulwashi, ee, balibo anga ncisamu cayuma miyanda ico citakoonshi kucata shisepo. Nabi bakashale baana, ndaakucaya bana babo abo basunikwi.”

Amosi 7:17

“Paceebo ceeco pali ndiwe Mwaami Lesa waamba ayi, ‘Mukaako ulaakuba mufuule mundabala inene. Abalo bana bako basankwa abanakashi balaakufwa kunkondo. Cishi cako cilaakutimboolwa akubaanishikwa alimwi webo ulaakufwita mucishi ca bakunsengwe. Ncakwiila bene Isilaeli boonse balaakutolwa busha kuswa mucishi cabo kuya mucishi citeshi cinebo.’ ”