Osiya 9:11 - Baibo Busansulushi Bwa Libuku Ili

¹¹ Bulemu bwa bene Isilaeli bulaakuluka anga nkayuni. Nkokwaamba ayi kutumbuka, kuba amafumo, ee, kumina mate shoonse shilaakumana.

Osiya 9:11 ပူးပေါင်းရင်းမြစ်များ

Matalikilo 41:52

Lyalo alimwi wakaamba ayi, “Lesa wampa baana mucishi ca mapensho.” Aboobo mwanaakwe wabili wakamutumba ayi Efuleemu.

Matalikilo 49:22

“Josefu uli anga ngumunyansa ucata shisepo abuumbi, ee munyansa uli kufwaafwi akantupu. Misampi ya nguwo ilatandabala kulubumbu.

2 Samwelo 6:23

Kuswawaawo Mikali mwanaakwe Saulo wakafwitaamobo kutashalawo mwaana.

Jobo 18:5

“Ono mumuni wa buumi bwa mucita shibi walo cipangano nkushimishikwa. Ncakwiila teshi ukabonekeewo tubili koonyaka.

Kulumbaisha 58:8

Ababebo anga ninkumbakumba iya cisunguluka pakweenda, nabi anga nkafunga kashalwa, sombi cakutabonawo lisuba.

Shikushimikila 6:3

Muntu ulakonsha kuba abaana bali mwaanda akwikala myaaka iinji. Sombi na wabula kusangalala mukuswitilila kwakwe nabi na wabula kulilwa kabotu, nebo ndaamba ayi kafunga nkabotu kwiinda nguwe.

Isaya 17:3

Mucishi ca bene Efuleemu teshi munoocili ndabala inene icite lilinga lya mabwe. KuDamasikasi teshi kukabewo tubili bwaami. Abalo ba kuSilya beshi bakacaaleewo balaakunyaikwa bulemu anga mbantu bene Isilaeli. Ubo mbondaamba nebo neMwaami Lesa Shinkusu shoonse.

Osiya 10:5

Bantu bekala mundabala ya Samaliya baliloondete, alimwi balaakulila ceebo ca cibumbwabumbwa ca mucende mwaana kuBetelo. Bantu balaakulila pantu pomwi abapailishi abo basebensela cibumbwabumbwa ico. Balaakulila caakufuulwa bulemu bwa ncico bwa golodi.

Osiya 4:7

“Mwebo nobapailishi ndimwakafula, akwalo kubishisha ndimwe ndikwakeendaawo kufula. Mwebo bulemu bwanu mwakabushinta acintu ciletela musebaanyo.

Osiya 5:9

Efuleemu ulaakunyonyoolwa cakubabo luyanga pabushiku bwa bukali bwakwe Lesa. Nomikowa ine Isilaeli aya ngamakani a lushinisho ngoontokwaambilisha kuli ndimwe.”

Osiya 9:14

Ono mwebo noBaami baLesa mubape isho nshebeelete kupekwa. Mulengeshe mabumbu abo kusowa alimwi akuyumya mukupa munkolo shabo.

Amosi 1:13

Mwaami Lesa waamba ayi, “Bene Amoni bakalinga kubisha lyobilo lyobilo, aboobo ndushinisho ndaakubapa mulandu. Mukulwanina kukomenesha cishi cabo, bakalinga kupasula banakashi bakalinga kucite mafumo bene Gilyadi.

Luka 23:29

Mukwiinga nshiku shilaakushika bantu ndyeshi bakanokwaamba ayi, ‘Balicite coolwe banakashi batana kushalaawo akuyamwisha!’

Dutolonomi 28:18

“Mwaami Lesa ulaakumushingana kwiinda mukumupa baana baniini, kutebula shakulya shiniini alimwi amukumupa ŋombe ambelele shiniini.

Dutolonomi 28:57

Cabushishi ulaakulya mwanaakwe kateta alimwi asheenda abaana. Paciindi ico mwaakushingulukwa kubalwani, ulaakwiima ibaye usunikwi, nabi womwi pabana bakwe boonse.

Dutolonomi 33:17

Josefu ulicite nkusu anga ngumucende alimwi ameeca ali anga nga nyaati. Meeca akwe mbamulunyungu lwakwe Manase abo bali shuulu ashuulu, abamulunyungu lwakwe Efuleemu abo bali shuulu likumi. Meeca aya ulayasishaako mishobo imwi akubashindikila kweela cishi ca panshi.”