Osiya 8:9 - Baibo Busansulushi Bwa Libuku Ili

⁹ Aba bantu mbaashubo anga nimbongolo ya muluundu. Baya kale kubene Asilya mukusenga lucafwo, ee, balipila mishobo imwi ayi inoobatabilila.

Osiya 8:9 ပူးပေါင်းရင်းမြစ်များ

2 Baami 15:19

Mpeeke Tigilati Pilesa, mwaami wa bene Asilya wakaya ayi alwane bene Isilaeli. Ono Menaemu wakamupa makilogilamu a Silifa ali 34,000 kwaamba ayi amucafweeko kuyumya bwaami bwakwe.

Isaya 30:2

Balaya kuIjipiti cakutanjipushaawo, kuya kuli Falawo mukusenga kutabililwa. Ee, kuya mukuyubila kushimfule sha mucishi ca Ijipiti.

Isaya 30:6

Ono maswi aamba pabanyama ba kuNegefu ngaaya: “Beshikwiimikanina baleenda mucishi ciyoosha, umo muli nkalamu, mpili ansooka shimwi shuuluka. Balanyamuna shintu shabo shamakwebo pambongolo. Balalundika maboni abo pamisana ya ngamela kutolela mushobo utakoonshi kubacafwa.

Jelemiya 2:24

Ee, ulibo anga nimbongolo yamulundu ishibite kwikala muluyanga. Anu ngani weenga waikasha na keeli paceembela? Shisankwa shiisuni tashipengiiwo akuyandoola mukwiinga ciindi ca ceembela nkwiicana njeyi.

Osiya 12:1

Bene Isilaeli balatandaanya muuwo ee, batandaanya muuwo uswa kwicwe bushiku boonse. Bubeshi ashalunkutwe shilacanwabo pali poonse. Balapanga shipangano abene Asilya akutuma mafuta a olifi kucishi ca Ijipiti.”

Osiya 12:2

Mwaami Lesa ulicite mulandu wakupa bene Juda. Ulaakupa mulandu bamulunyungu lwakwe Jakobo kweelana amicito yabo. Ulaakubabooshela cishole ceebo ca shintu isho nshebacita.

Osiya 2:10

Ndushinisho ndaakubafuula pameenso abasunikwi babo alimwi taaku weshi akakonshe kubafuna kuswa mumaansaangu.

Osiya 5:13

“Bene Isilaeli ndibakabona mbobakalinga kucisitwe, abalo bene Juda ndibakabona shilonda shabo, bene Isilaeli bakaya mukusenga lucafwo kumwaami wa bene Asilya. Sombi taakalinga kukonsha kubashilika nabi kushilika shilonda shabo.

Osiya 7:11

“Bene Isilaeli balibo anga nimpolobe iyo icenjeekwabo paniini alimwi itacite maano. Sunu inga baya mukusenga lucafwo kubene Ijipiti, sombi ciilo nkucicila kubene Asilya.