Osiya 8:7 - Baibo Busansulushi Bwa Libuku Ili

⁷ “Bene Isilaeli balashanga muuwo, aboobo balaakutebula kapupuulwa. Shibuba sha maila kutaaku masanse, taaku shakulya shibaako. Ono nabi shakulya shabaako, shilalikwabo kubaswamashi.

Osiya 8:7 ပူးပေါင်းရင်းမြစ်များ

Matalikilo 41:23

Lyalo amwi ali osanwe aobilo asapuka. Ono alo taakalinga aniini alimwi anyanite kumuuwo wa muluyanga.

2 Baami 15:19

Mpeeke Tigilati Pilesa, mwaami wa bene Asilya wakaya ayi alwane bene Isilaeli. Ono Menaemu wakamupa makilogilamu a Silifa ali 34,000 kwaamba ayi amucafweeko kuyumya bwaami bwakwe.

2 Baami 15:29

Muciindi ca bwaami bwakwe Peka mwaami wa bene Isilaeli, Tigilati Pilesa mwaami wa bene Asilya wakesa wabwesa ndabala ya Ijoni, Abelo Beti Maaka, Janowa, Kedeshi alimwi aya Asoli, kubikaawo acishi ca Gilyadi, Galili alimwi aca Nafutali. Wakatola bantu busha kuAsilya.

Jobo 4:8

Kweelana ambondakacibona, balya bashanga bubi, balatebula bubi. Mbweeke ubo abalo bashanga mapensho, balatebula mapensho.

Tushimpi 22:8

Uyo ushanga bubi ulatebula mapensho, amusako wakwe wakulyatilila bamwi ulaakunyonyoolwa.

Shikushimikila 5:16

Ici acalo mbubi bucisisha moyo. Bweenka muntu mbwaakesa, mbweshi akaye aakufwa. Ino ono nimpindunshi njaacanaamo ceebo milimo yakwe ilyeelenebo akutandaanya muuwo?

Isaya 17:11

nabi shikameene macuunsa eenkaayo ngomwashishangilaamo, taaku nceshi mukatebuleemo. Sombi kulaakubabo mapensho akucisa kutashilikiki.

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.

Jelemiya 12:13

Balaakushanga witi, sombi balaakutebula myuumfwa. Balaakuyuwaana, sombi taaku anceshi bakacaneemo. Ono ceebo ca bukali bwangu buyoosha nebo neMwaami Lesa, shishango shabo shilaakufwa.”

Malilo 5:2

Buboni bwesu babutola baswamashi, ee, maandeesu abwesekwa abaswamashi.

Osiya 2:9

Aboobo ndaakubanyaya shili anga ngamaila shaakupya. Ndaakubanyaya waini pakutyana minyansa. Ndaakubanyaya shakufwala sha booya bwa mbelele ansaalu shiteshimite isho nshendakabapa ayi kabafwala.

Osiya 7:9

Tabeshibi ayi kucinka manungo mumishobo iyo kwabamana nkusu. Nshiku sha buumi bwabo shitooya kumeelelesho, sombi balo taaku ancebabwene.

Osiya 9:16

Bene Isilaeli balibo anga ncisamu cacatwa bulwashi, ee, balibo anga ncisamu cayuma miyanda ico citakoonshi kucata shisepo. Nabi bakashale baana, ndaakucaya bana babo abo basunikwi.”

Naamu 1:3

Mwaami Lesa taakalali bwaangu alimwi ngushinkusu shiinji. Taalangibo muntu wabisha kutamupa mulandu. Uleendela mukapupuulwa amucipuupu. Makumbi alaba ndolusuko lwa myeendo yakwe.

Agayi 1:6

Mwakalima shili anga ngamaila shiinji, sombi mwakatebulamobo shiniini. Mulicite shakulya, sombi tashikwani ayi mukute. Mulicite waini, sombi nyotwa taimaani. Mulicite shakufwala, sombi teshi shiinji cakumukasaasha. Muntu uyo usebensa taafoli amaali akwana kulyaamo.

Bene Galatiya 6:7

Mutabecekwi, muntu inga taaleengi Lesa buluya. Muntu woonse ulatebula sheesho nshaakashanga.

Bene Galatiya 6:8

Na muntu washanga sha buumi bwa buntu, ulaakutebula lufu lutamaani. Ono na washanga shisuni Mushimu Usalashi, ulaakutebula buumi butamaani.

Dutolonomi 28:33

Bantu mbomuteshi mbweshi bakalye shakulya shanu shili anga ngamaila isho nsheshi mukapengele, sombi mulaakunoonyengelelwabo akupenshekwa abuumbi lyoonsebo.