Osiya 8:5 - Baibo Busansulushi Bwa Libuku Ili

⁵ Cibumbwabumbwa ca mucende mwaana ico cilambila bene Samaliya ndicipatite. Aboobo ndikalalite abuumbi pali mbabo. Anu citooba ciindi cilaamfu buyani bantu aba kabacilambila shibumbwabumbwa?

Osiya 8:5 ပူးပေါင်းရင်းမြစ်များ

2 Makani 13:8

“Ono bulya mulisuni kulwana bwaami bwa Mwaami Lesa ubo mbwaakabika mumaansaakwe Defedi abamulunyungu lwakwe. Mulicite bashilumamba baanji alimwi mulicite abacende baana ba golodi abo Jeloboamu mbwaakabumba kwaamba ayi babe balesa banu.

Kulumbaisha 19:13

Amuntalamushe kushibiibi shakashanga, ayi shitanyendeleshi napaceyuubo, sobwe. Munshila iyo ndyeshi nkabe muntu utacite kampenda, ncakwiila muntu utacite mulandu unene wiindaawo.

Tushimpi 1:22

Butokwaamba ayi, “Ino mwebo nobaluya, anu mulaakucileka lili kwikala mubuluya bwanu? Anu mwebo nobeshikucelebula mulaakucileka lili kusangalalila mukucelebula kwanu? Anu nobaluya mulaakucileka lili kusuula lushibo?

Isaya 45:20

Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Jelemiya 13:27

Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Jelemiya 48:13

Lyalo bene Moabu balaakulisenda kuli Kemoshi lesa wabo bweenka mbuli bene Isilaeli mbobakalisenda ndibakalinga kucinkite manungo muli Betelo.

Osiya 10:5

Bantu bekala mundabala ya Samaliya baliloondete, alimwi balaakulila ceebo ca cibumbwabumbwa ca mucende mwaana kuBetelo. Bantu balaakulila pantu pomwi abapailishi abo basebensela cibumbwabumbwa ico. Balaakulila caakufuulwa bulemu bwa ncico bwa golodi.

Osiya 10:8

Misena yakulambililaako ya patulundu ya kuAfeni, ilaakunyonyoolwa ceebo cakulengesha bene Isilaeli kubisha. Myuumfwa ashisonsoonya shilaakumena akufwekelesha shipaililo sha njiyo. Bantu balaakutalika kwaambila tulundu tunene ayi, “Amutuwiite,” alimwi atulundu tuniini ayi, “Amutufwekelele.”

Osiya 13:2

Ono batolelela kubisha kwiinda mukulipangila shibumbwabumbwa sha silifa. Shibumbwabumbwa isho shakabumbwa cabusongo alimwi shoonse shakabumbwa abacishi shakupangapanga. Bantu abo balaambwa ayi, “Balabenga bantu ayi njimilambu akunoofyonta shibumbwabumbwa sha bacende baana.”

Osiya 8:6

Cibumbwabumbwa ico ngumwine Isilaeli wakacibumba. Aboobo teshi lesa, sobwe! Cibumbwabumbwa cine Samaliya ico cilaakupwayoolwa mutupanshapansha!

Amosi 8:14

Boonse bashomesha cakulumbila kushibumbwabumbwa shine Samaliya, nabi baamba ayi, ‘Bweenka mbocibete lushinisho ayi lesa wako ondabala ya Dani ngumuumi,’ nabi ayi, ‘Bweenka mbocibete lushinisho ayi lesa wa kuBiyasheba ngumuumi,’ balaakuwa cakutabukaawo, sobwe.”

Mika 1:7

Shibumbwabumbwa sha njiyo shoonse shilaakupwayoolwa. Shipo shipekwa kuŋanda yakulambililaako shilaakutentwa amulilo, ee, ndaakunyonyoola shikoshanyo shoonse sha balesa ba njiyo. Ceebo cakwaamba ayi yakalinga kucana shipo kuswa mubufuule, balwani ba njiyo balaakushitola kubafuule ba mumaanda akulambililaamo kumisena imwi.”

Milimo ya Batumwi 7:41

Ici nceciindi ncebakabumba cibumbwabumbwa cakalinga kukoshanya amucende mwaana. Bakatalika kubenga milambu akubamba shakulya shakusekelela mukulemeka ceeco ncebakalipangila beene.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.