Osiya 8:13 - Baibo Busansulushi Bwa Libuku Ili

¹³ Balabenga milambu kuli ndime akulya nyama ya njiyo. Sombi nebo neMwaami Lesa mumilambu iyo nshisangalaliliimo. Ono bulya ntokwiibaluka shibiibi shabo akubapa mulandu ceebo ca nshisho. Ndaakubaboosha kucishi ca Ijipiti.

Osiya 8:13 ပူးပေါင်းရင်းမြစ်များ

Kulonga 20:3

“Utalambili Lesa aumwi, sombibo ndime.

Kulonga 32:34

Ono koya, tanjilila bantu kuya kumusena uyo ngondakakulwiitaawo. Wiibaluke ayi munjelo wangu ulaakukutanjilila, sombi ciindi cilaakushikila ndyeshi nkape bantu mulandu pacibiibi cabo.”

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Isaya 1:11

Mwaami Lesa waamba ayi, “Anu mutooyeeya ayi milwi milwi ya milambu njemupa nciinshi kuli ndime? Milambu yakutenta yancima, ee, milambu ya mbelele shisankwa aya mafuta a shifubwa shakeenishikwa yancima. Bulowa bwa bacende, mbelele alimwi abwa mpongo bwacileka kunsangalasha.

Jelemiya 14:10

Mwaami Lesa waamba makani aya pabantu aba ayi, “Balisuni bunene kwiingaila. Tabalitibukiiwo napaceyi. Aboobo nebo neMwaami Lesa ndabakaka. Ono ntokwiibaluka bubi bwabo akubapa mulandu ceebo ca shibiibi shabo.”

Jelemiya 6:20

Anu nimpindunshi iliimo mutununkila kabotu pakutenta twa kuSheba nabi tununkila kabotu mubuyani tuswa kucishi cakulaamfu? Milambu yanu yakutenta nshiitambuliiwo, sobwe. Ncakwiila milambu yanu teensangalashiiwo.”

Esekelo 29:16

Bene Isilaeli teshi bakacinkewo tubili manungo mucishi ca Ijipiti, sombi mapensho a ncico alaakunoobeebalushabo mbocibete cibiibi kusenga lucafwo kuli ncico. Lyalo ndyeshi bakeshibe ayi nebo ndi Mwaami Lesa Shinkusu shoonse.”

Osiya 11:5

“Bakakaka kusandukila kuli ndime, aboobo balyeelete kuboolela kuIjipiti alimwi bene Asilya balaakunoobalela.

Osiya 12:11

Nakubi boobo shibumbwabumbwa shilalambilwa muGilyadi. Abo bashilambila balaakunyonyoolwa. Ndushinisho bacende balabengwa muGilugala. Shipaililo uko shilaakuba milwi ya mabwe mweela lya myuunda.

Osiya 4:9

Ono bweenka mbweshi nkape milandu bantu abo panshila shabo amicito yabo, mbweeke ubo amwebo nobapailishi mbweshi mukacitwe pabubi bwanu.

Osiya 5:6

Baakuya mukubenga mbelele aŋombe shabo kuli ndime neMwaami Lesa, teshi bakancaneewo ceebo ndalikushaawo pakati kabo.

Osiya 6:6

Nebo ndisunishi nkumbu, kuteshi milambu. Ndisunishi bantu beshiba ayi ndime Lesa, kwiinda milambu yakutenta.

Osiya 7:11

“Bene Isilaeli balibo anga nimpolobe iyo icenjeekwabo paniini alimwi itacite maano. Sunu inga baya mukusenga lucafwo kubene Ijipiti, sombi ciilo nkucicila kubene Asilya.

Osiya 7:16

Bantu aba tabasandukili kuli ndime neMwaami Lesa Shinkusu shoonse. Ncakwiila kutashomeka kwabo kulibo anga nkwa buta busendeme. Ono bamatanjilili babo balaakucaikwa kunkondo ceebo ca maswi a mucobwe ngobasebensesha. Paceebo ceeco balaakusekwa abuumbi kubene Ijipiti.”

Osiya 7:2

Sombi tabeshibi ayi micito yabo yoonse ya bubi ndiilabilite. Shibiibi shabo shilabafwekelesha alimwi lyoonse tashinswi pameenso.”

Osiya 9:6

Nabi nobamwi mukacice kunyonyoolwa, bene Ijipiti balaakumubunganya alimwi mulaakufukililwa kuMemfisi ndabala ya mucishi ico. Pabuboni bwanu bwa silifa palaakumena shisonsoonya. Mumisena ya maandaanu mulaakumena myuumfwa.

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Osiya 9:9

Mwebo nobantu mwakepila mushibiibi bweenka mbocakalinga kuGibiya. Ono Lesa ulaakwiibaluka bubi bwanu akumupa mulandu ceebo ca shibiibi shanu isho.

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”

Amosi 5:22

Nabi mukandetele milambu yakutenta, kubikaawo ashipo shanu sha fulaulo, teshi nkashitambuleewo. Nabi mukandetele milambu ya bwanabwankashi ili buyani, teshi nkeetambuleewo, sobwe.

Amosi 8:7

Mwaami Lesa, Lesa wa bene Isilaeli washomesha cakulumbila ayi, “Taaku nabi comwi ncebakacita nceshi nkalubeeko.

Luka 12:2

Taaku cintu cifweketwe nceshi cikabule kufwekulwa, nabi cishisitwe ceshi cikabule kushibikwa.

1 Bene Kolinto 11:20

Ono ndimubungana, teshi Mulalilo wa Mwaami Jesu ngomulya.

1 Bene Kolinto 11:29

Ceebo na wabula kwishiba ncocaamba mubili wa Mwaami Jesu pakulya cimaande akunwa munkomeshi iyo, ulaliletela bukali bwakwe Lesa.

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

Dutolonomi 28:68

Mpomunyaawo Mwaami Lesa ulaakumuboosha mucishi ca Ijipiti mumaato anene, nacibi kwaamba ayi wakamuposhesha ayi mutakabooliiko. Mwaakushika mulaakunoolisambasha kubalwani banu ayi bamufuube, sombi taaku nabi womwi eshi akamuuleewo.”

Ciyubululo 16:19

Ndabala inene yakapasukamo shipansha shotatwe, mpeeke mandabala anene a mushishi shoonse akanyonyooka. Lesa wakeebaluka ndabala inene ya Babiloni akulengesha ayi inwe waini wa munkomeshi ya bukali bwakwe.

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.