Osiya 8:1 - Baibo Busansulushi Bwa Libuku Ili

¹ Mwaami Lesa waamba ayi, “Amulishe mapeenga ankondo. Balwani besa mucishi cangu anga ngumumbankwashi ceebo bantu bangu bakapwaya cipangano alimwi baashukila milawo yangu.

Osiya 8:1 ပူးပေါင်းရင်းမြစ်များ

2 Baami 18:27

Mutanjilili uyo wakakumbula ayi, “Sa mutooyeeya ayi mwaami wangu wantuma ayi nse ŋambe makani aya kuli ndimwebo amwaami wanu? Sobwe, ntoolwiita abantu bashiite palubumbu abo beshi bakalye tushi akunwa mikonso yabo beene bweenka mbuli ndimwe.”

Isaya 18:3

Mwebo noonse nobantu ba mucishi, ee, mwebo nomuli mucishi ca panshi, mbembela yaakwiimikwa patulundu mulaakwiibona alwalo lupeenga lwaakulila mulaakulunyumfwa.

Isaya 24:5

Ceebo bantu bacilengesha kutanoosalalite kwiinda mukupwaya milawo yakwe Lesa. Ee, bakapwaya cipangano ico ncaakapanga ambabo kwaamba ayi cikanooliikobo kwalyoonse alyoonse.

Isaya 58:1

Mwaami Lesa waamba ayi, “Olobesha cankusu alimwi cakutacileka. Amba muliswi lya peculu anga ndupeenga. Ambila bantu bangu shabwaashu bwabo ee, waambile bamulunyungu lwakwe Jakobo shibiibi shabo.

Jelemiya 31:32

Teshi cikabe mbuli ceeco cakalinga pakati ka bamashali babo bakulukulu ciindi ndindakabatanjilila kuswa muIjipiti. Nakubi kwaamba ayi nebo ndakalinga mbuli ibaabo, balo tabakwe kulama cipangano ici, sobwe.

Jelemiya 34:18

Bantu abo bakapwaya cipangano cangu akwaalilwa kucita kweelana nshebakashomesha mucipangano ncebakapanga pameenso angu. Aboobo bantu abo ndaakubacita bweenka mbobacita moombe ngobapasula mushipansha shobilo akwiinda pakati.

Jelemiya 4:13

Amubone, utoosabo anga ngamakumbi, shikoci shakwe sha nkondo shitoosa buulukabo anga nkapupuulwa aalo maaki akwe aleenda lubilo kwiinda bamumbankwashi. Mapensho kuli ndiswe! Ncakwiila twamanaawo!

Jelemiya 4:5

“Amwaambilishe muJuda akoolobesha muJelusalemu ayi, ‘Amulishe mapeenga mucishi coonse.’ Amoolobeshe kamwaamba ayi, ‘Amubungane pantu pomwi, tucicile kumandabala anene acite malinga.’

Jelemiya 48:40

Mwaami Lesa waamba ayi, “Amubone! Mushobo umwi ulaakufupula Moabu anga ngumumbankwashi ufungulwite mapapaminwa akwe pacishi ico.

Jelemiya 49:22

Amubone! Balwani babo balaakufupula Bosila anga ngumumbankwashi ufungulwite mapapaminwa akwe pacishi ico. Bushiku ubo myoyo ya bashilumamba bene Moabu ilaakubabo anga ngumoyo wa mwanakashi uli pankata.”

Jelemiya 51:27

“Amwiimike mbembela mucishi, amulishe lupeenga pakati ka mishobo ya bantu. Amubambe mishobo ayi baye mukulwana Babiloni. Amwiite bulelo bwakwe Alalati, Mini abwakwe Ashikenasi kwaamba ayi balwane cishi ici. Amusale mutanjilili wa bashilumamba akuleta maaki aanji mbuli cisoshi.

Jelemiya 6:1

“Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.

Esekelo 11:4

Paceebo ceeco, webo omuntu, balalukile mapensho bantu aba.”

Esekelo 16:59

Mwaami Lesa Shinkusu shoonse waamba ayi, “Ndaakukucita kweelana amboweelete ceebo wakasuula kushomesha kwako akupwaya cipangano cangu.

Esekelo 17:3

kubeshibisha nebo neMwaami Lesa Shinkusu shoonse nshentokwaamba. Cikoshanyo ico ncakwaamba ayi, ‘Kwakalinga mumbankwashi munene wakalinga kucite mapapaminwa ankusu amapepe alaamfu a mishobo ipusenepusene. Mumbankwashi wakoolukila kuLebanoni akucata kwiculu lya cisamu ca sida.

Esekelo 7:14

Nabi bakalishe lupeenga akubamba shoonse, taaku nabi womwi weshi akaye kunkondo ceebo bukali bwangu buli pamuntu woonse.

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Osiya 5:8

“Amulishe lupeenga lwa nkondo muGibiya. Ee, amulishe lupeenga lwa lwiica muLama Amucenjeshe bene Beti Afeni bacite ciyobeyobe ca nkondo. Amutanjile kunembo nobene Benjameni, tuye kunkondo.

Osiya 6:7

Ono mwebo mwapwaya cipangano bweenka bwakapwaya Adamu.

Osiya 9:15

Mwaami Lesa waamba ayi, “Kubisha kwabo kwakatalikila kuGilugala. Uko nkondakatalikila kubapata. Ono ceebo ca shibiibi shabo, ndaakubatandaanya kuswa mucishi cangu. Teshi nkabasuneewo tubili. Bamatanjilili babo boonse bakangashukila.

Jowelo 2:1

Amulishe mapeenga muSiyoni, Amucenjeshe bantu bangu pakalundu kangu kasalalite. Amututume noonse nobantu nomwikala mucishi ca Juda mukwiinga bushiku bwa Mwaami Lesa butoosa. Ncakwiila bulibo pafwaafwi kwisa.

Jowelo 2:15

Amulishe lupeenga paKalundu ka Siyoni. Amwaambilishe ayi mbushiku bwakulikasha kulya akwiita bantu ayi babungane pantu pomwi.

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?

Amosi 8:3

Pabushiku ubo kwiimba kulaakuba kulila muŊanda yakwe Lesa. Mituntu ilaakubabo pali poonse. Ilaakusowekwa cakutayobeka. Nebo neMwaami Lesa Shinkusu shoonse ndaamba.”

Amosi 9:1

Ndakabona Mwaami Lesa kaaimfwi pacipaililo. Wakaamba ayi, “Amuume macinko a Ŋanda yakwe Lesa kwaamba ayi cipinda cakumwinjililo coonse citenkaane. Mwaawishile pamitwi ya bantu. Taaku nabi womwi eshi akaloboke, ee, taaku nabi womwi eshi akapuluke.

Abakuku 1:8

“Maaki abo alacica kwiinda bashiluwe alimwi ngakali kwiinda baumpe macolesha. Maaki abo ankondo alatambala abuumbi. 0 Beshimaaki balaswa kulaale Balesabo anga ngamakubi atookuluka kwaamba ayi afupule nyama.

Sefaniya 1:16

bushiku bwa mapeenga a nkondo akulila kwa bashilumamba abo beshi bakalwane mandabala acite malinga alimwi amaanda alaamfu.

Sekaliya 11:1

Calula minjililo yako webo Lebanoni, kwaamba ayi mulilo utente shisamu shako sha sida.

Sekaliya 9:14

Mwaami Lesa ulaakuboneka peculu lya bantu bakwe. Ulaakunowaala mifwi yakwe anga nkubeka kwa mfula. Mwaami Lesa Shinkusu shoonse ulaakulisha lupeenga lwa nkondo akweendela mucipuupu ca kumalenge.

Mateyo 24:28

“Kuli koonse kuli mutuntu, amakubi nkwaabungana.

1 Bene Kolinto 15:52

muciindi ciniinibo ceelenebo akukapula kwa liinso pakulila lupeenga lwakweelaako. Ceebo lupeenga lulaakulila, bafu balaakubushikwa amibili itafwi, aswebo tulaakusandulwa.

Dutolonomi 28:49

Mwaami Lesa ulaakumuletela mushobo umwi kuswa kweela cishi uyo weshi ukese mukumulwana, acishobo cabo teshi mukanoocinyumfwaawo. Balaakwiindililabo kumufukukila anga ngumumbankwashi.