Osiya 7:7 - Baibo Busansulushi Bwa Libuku Ili

⁷ “Balacaya baleli babo mubukali bwabo. Bamaami balacaikwa womwi awomwi, sombi taaku nabi womwi usenga lucafwo kuli ndime.”

Osiya 7:7 ပူးပေါင်းရင်းမြစ်များ

1 Baami 15:28

Ici cakacitika mumwaaka watatu wa bwaami bwakwe Asa mucishi ca Juda. Mpomunyaawo Baasha wakapyana bwaami bwakwe Nadabu mucishi ca Isilaeli.

1 Baami 16:18

Simuli ndyaakabona ayi ndabala inene yawa, wakenjila mucipinda ciyumu ca mukati ka ŋanda ya bwaami akulitentela mumo akufwa.

1 Baami 16:22

Kumeelelesho abo bakalinga kusuni Omuli bakakoma babyaabo. Tibini wakafwa, lyalo Omuli wakaba mwaami.

2 Baami 10:14

Jewu wakaambila bantu bakwe ayi, “Amubatole kabali boomi!” Bakabacata akuya mukubacaya pafwaafwi acilindi uko. Bantu abo bakalinga makumi one abobilo pantu pomwi. Taakuuwo nabi womwi wakacaala kaali muumi.

2 Baami 10:7

Nkalata yakwe Jewu ndibakeetambula bamatanjilili ba mundabala ya Samaliya, bakacaya boonse bamulunyungu lwakwe Aabu bakalinga makumi osanwe aobilo. Mpeeke bakabika mitwi yabo mumitaanga akwiituma kuli Jewu kuJesiliilu.

2 Baami 15:10

Mpeeke Shalumu mwanaakwe Jabeshi wakabukila Sekaliya akumucaya kuIbileamu akuba mwaami mumusena wakwe.

2 Baami 15:14

Menaemu mwanaakwe Gadi wakaswa kuTesa akuya kuSamaliya. Mpeeke wakacaya Shalumu akuba mwaami mumusena wakwe.

2 Baami 15:25

Ono Peka mwanaakwe Lemaliya, mutanjilili umwi wa bashilumamba wakwe Pakaiya, wakamupinga akubwesa basankwa bali makumi osanwe abo bakaswa kuGilyadi. Mpeeke bakacaya Pekaiya mucipinda ciyumu ca mukati ka ŋanda ya bwaami kuSamaliya. Lyalo Peka wakaba mwaami mumusena wakwe.

2 Baami 15:30

Mumwaaka wamakumi obilo wa bwaami bwakwe Jotamu mwanaakwe Usiya mwaami wa bene Juda, Osheya mwanaakwe Ela wakabukila mwaami Peka akumucaya. Mpeeke wakaba mwaami mumusena wakwe.

2 Baami 9:24

Jewu wakabika mufwi kubuta bwakwe, wauwaala cankusu akuyasa Jolamu mwisule akuya mukuyasa moyo. Lyalo Jolamu wakawa mucikoci wafwa.

2 Baami 9:33

Mpeeke Jewu wakabaambila ayi, “Amumuwaale panshi!” Bakamuwaala panshi abulowa bwakwe bwakasamfukila kulubumbu akumaaki. Mpomunyaawo Jewu wakeensha maaki acikoci pamubili wakwe

Jobo 36:13

“Bantu abo batashomi Lesa balatolelelabo kukalala. Tabaliliiwo Lesa ayi abacaafwe nabi kabali mumapensho.

Kulumbaisha 14:4

Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuMwaami Lesa.

Isaya 43:22

Ono Mwaami Lesa waamba ayi, “Nakubi boobo tamukwe kundililaawo mwebo nobamulunyungu lwakwe Jakobo. Ncakwiila nobene Isilaeli tamukwe kulisukamaawo sha pali ndime.

Isaya 64:4

Ncakwiila kuswabo kale kale taaku wakanyumfwaawo nabi kubonaawo Lesa uli mbuli ndimwe, Lesa uyo ucitila baabo balangila muli nguwe.

Isaya 64:6

Soonse twalinga kubisha kuswabo kale kale. Nabi micito yesu ibotu ilibo anga ncakufwala cishipite citoonunka. Twanyana kushibiibi shesu cakuba anga nditewu alimwi shibiibi shesu nshemunya shitootuululusha anga ncipuupu.

Isaya 64:7

Taaku nabi womwi umupaila nabi ulwanisha kwaamba ayi mumucaafwe. Mwalishisa kuswa kuli ndiswe akutusuula ceebo ca shibiibi shesu.

Isaya 9:13

Bene Isilaeli tabakwe kusanduka kuswa kushibiibi shabo. Nakubi kwaamba ayi Mwaami Lesa Shinkusu shoonse wakabatondesha bukali bwakwe, tabakwe kupilukila kuli nguwe.

Esekelo 22:30

“ ‘Mpeeke ndakayandoola muntu pakati kabo uyo weenga wayaka lubumbu akwiimikana kunembo lyangu mumusena apo lubumbu mpolwakamwayuluka ayi afune cishi kwaamba ayi ntakacinyonyooli. Sombi ndakacana kwaamba ayi taakuuwo nabi womwi.

Danyelo 9:13

Mwakacita boobo kweelana amaswi alembetwe muMilawo yakwe Mose. Nakubi boobo noBaami baLesa, baLesa besu tatukwe kumukondelesha mukusanduka kuswa kushibiibi shesu nabi mukukonkela lushinisho lwanu.

Osiya 13:10

Mwakasenga mwaami alimwi abacinenenene. Ono mwaami wanu kwaamba ayi amupulushe uli kuli? Bacinenenene banu mumandabala anu oonse bali kuli?

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Osiya 7:10

Kulisumpula kwabo kulabashinina, ono nakubi boobo balo tabasandukili kuli ndime neMwaami Lesa, Lesa wabo, nabibo kunyandoola.

Osiya 7:14

Tabapaili kuli ndime cakushinisha, sombi balaya mukulilila pamalo abo bweenka bucita bakunsengwe. Balalinengoola ceebo cakuyandabo shakulya ashakunwa bweenka bucita bakunsengwe.

Osiya 8:4

“Bantu bangu bakalinga kusala bamaami palwaabobo beene. Ncakwiila bakalinga kupa shuuna beendeleshi babo kwakutabasuminisha nebo. Kwiinda musilifa agolodi wabo balapangamo shibumbwabumbwa shabo isho sheshi shibaletelebo kunyonyooka.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.