Osiya 6:8 - Baibo Busansulushi Bwa Libuku Ili

⁸ Gilyadi nindabala umo muswitebo bamucita shibi, ee, iliswitebo bantu abo batila bulowa.

Osiya 6:8 ပူးပေါင်းရင်းမြစ်များ

2 Samwelo 20:8

Ndibakashika pamwaandami unene kuGibyoni, Amasa wakapola kwisa mukubakumanya. Paciindi ico Joabu wakalinga kufwete shakufwala shakwe sha nkondo. Mubukome wakalinga kwaangiteemo laamba kamukobeketwe acipokolo ca mupeeni. Ono ingayi atanunebo mweendo kuya kunembo, mupeeni wakaloka mucipokolo ca nguwo.

2 Samwelo 3:27

Ono Abina ndyaakaboola kuEbuloni, Joabu wakamutola kulubasu kumwinjililo anga ulisuni kubandikaakwe cabushishi. Mpeeke kweenka uko wakamuyasa mulifumo, wafwa. Joabu wakacita boobo kwaamba ayi abooshe cishole cakucaya Asayelo mukwabo.

1 Baami 2:5

“Cimwi cikani nci. Uliingashite ncaakacita Joabu mwanaakwe Seluiya kuli ndime ndyaakacaya bamatanjilili bobilo ba bashilumamba bene Isilaeli, Abina mwanaakwe Na alimwi aAmasa mwanaakwe Jeta. Uliingashite mbuli mbwaakabacaya muciindi ca luumuno mukuboosha cishole pamfwa nshibakalengesha muciindi ca nkondo. Wakacaya bantu batacite mulandu. Ono nebo ndime ncite mulandu paceeco ncaakacita. Aboobo shoonse shamulandu uyo shilisukeme ndime.

Kulumbaisha 10:8

Bamucita shibi balabelamina mumishi kwaamba ayi bacaye bantu batacite mulandu. Balasensa baabo mbobapingite mubushishi.

Kulumbaisha 141:4

Mutalekeli moyo wangu kusuna shibiibi. Mutandekeleshi ayi ncite shibiibi pantu pomwi abamucita shibi. Ee, kutandekelesha ayi ndye shilyo shabo shapakusekelela kwabo.

Kulumbaisha 59:2

Amumfuune kubamucita shibi aba. Amumpulushe kubantu bacayi abo.

Isaya 59:6

Ono tandafube wa shimutangatanga teshi uyumu cakwaamba ayi muntu inga wafwala. Ncakwiila tabakoonshi kulifwekelesha micito yabo ibiibi alimwi ilibo patuba. Bantu aba balacita shintu shibiibi alimwi bucayi mbobuswitebo mumaansaabo.

Jelemiya 11:19

Ndakalingabo anga ngumwanaambelele mubombu utootolwa mukucaikwa. Nshindakalinga kwishiiwo ayi batoopinga kuncaya. Bakalinga kwaamba ayi, “Atunyonyoole cisamu ashisepo sha ncico. Atumukushe mucishi ca bantu boomi kwaamba ayi liina lyakwe litakayeeyekwiwo tubili.”

Osiya 12:11

Nakubi boobo shibumbwabumbwa shilalambilwa muGilyadi. Abo bashilambila balaakunyonyoolwa. Ndushinisho bacende balabengwa muGilugala. Shipaililo uko shilaakuba milwi ya mabwe mweela lya myuunda.

Osiya 12:12

Jakobo wakacicila kucishi ca Silya. Isilaeli wakasebensa kwaamba ayi eebe mukaakwe. Ee, kwaamba ayi amulipilile, wakeembela mbelele.

Osiya 4:2

Mulibo kushingana, bubeshi alimwi abucayi, kwiipa alimwi abulale. Shibiibi shafula, kucayana kwaba ndolwiimbo.

Osiya 5:1

“Amunyumfwishe mwebo nobapailishi, amuteye matwi kumakani aya mwebo nobene Isilaeli, ee, mukutikishe mwebo nobaana ba kubwalo! Mulandu utoomushikila, mwalinga anga nkoose kuMisipa, ncakwiila anga nkoombe kayalwa kuKalundu ka Tabo.

Mika 7:2

Bantu baluleme bamana mucishi cesu, taaku nabi womwi ululeme uciliimo. Uli woonse utoofwima kucaya muntunyina. Ncakwiila womwi awomwi ulisuni kucatisha mubye mubukonde.

Milimo ya Batumwi 25:3

ayi abanyumfwile nkumbu, abooshe Paulo kuJelusalemu. Bakaamba boobo mukwiinga bakalinga kusuni ayi bamucaaye munshila.

Joshuwa 21:38

Mucishi ca mukowa wakwe Gadi bakapekwa ndabala ya Lamoti, iyo yakalinga muGilyadi, ndabala yakulobokelaako kuwooyo wacaya muntu mumapuso, Maanaimu,