Osiya 6:5 - Baibo Busansulushi Bwa Libuku Ili

⁵ Paceebo ceeco ndakatuma balaluki bangu kwisa mukwaambilisha milandu akunyonyoolwa kwanu pakati kanu. Bupingushi bwangu bulibweneketebo patuba.

Osiya 6:5 ပူးပေါင်းရင်းမြစ်များ

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

1 Baami 14:6

Sombi Aija ndyaakanyumfwa ayi wesa kumulyango wakaamba ayi, “Amunjile ndishi kwaamba ayi ndimwe bamuka Jeloboamu. Ino nceebonshi mutoolilubyalubya? Ndicite makani abiibi akumulwiita.

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

1 Baami 18:17

Ndyaakamubona Aabu wakaamba ayi, “Ndakucana sunu, webo noocita shifulunganya mucishi ca Isilaeli coonse!”

1 Baami 19:17

Woonse weshi akaloboke kucaikwa kuli Asayelo, ulaakucaikwa aJewu alimwi woonse weshi akaloboke kucaikwa kuli Jewu, ulaakucaikwa aElisha.

2 Baami 1:16

akumwaambila ayi, “Mwaami Lesa waamba ayi, ‘Sa nceebo cakwaamba ayi taamu Lesa muIsilaeli ncemutooita mukwiipusha kuli Baali Sebubu, lesa wa kuEkiloni?’ Paceebo ceeco teshi mukabukeewo kuswa pabulo bwanu apo, ncakwiila mulaakufwa!”

2 Makani 21:12

Lyalo Elija mulaluki wakatumina Jeolamu nkalata yakalinga kwaamba ayi, “Mwaami Lesa, Lesa wakwe Defedi mushali wanu mukulukulu, wamupa mulandu mukwiinga tamukwe kukonkela nshila shibotu sha baishiwanu, baami baJeoshafati nabi bankambiyako baAsa baami ba bene Juda.

Jobo 15:30

Munshinshe wa lufu teshi akoociceewo. Ulaakuba anga ncisamu ico capitwa misampi. Lyalo cipuupu cinene ciswa kuli Lesa cilaakumupepelusha akumutola.

Jobo 34:10

“Ono amunkutike nomucite lushibo. Ndushinisho Lesa taakoonshi kucita cibiibi, ee, inga tacicitiki Shinkusu shoonse kuluba.

Kulumbaisha 119:120

Mubili wangu ulatutuma ceebo cakuloonda ndimwe. Ndicite boowa ceebo ca koombolosha kwanu.

Kulumbaisha 37:6

Ncakwiila ulaakulengesha bululami bwako kuboneka patuba, bulaakubonekesha bweenka mbuli lisuba mbolibala.

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Isaya 58:1

Mwaami Lesa waamba ayi, “Olobesha cankusu alimwi cakutacileka. Amba muliswi lya peculu anga ndupeenga. Ambila bantu bangu shabwaashu bwabo ee, waambile bamulunyungu lwakwe Jakobo shibiibi shabo.

Jelemiya 1:10

Sunu ndakupa nkusu pamishobo yoonse apamalelo oonse, nkusu shakushula akumwayoola, kunyonyoola akukoma, kuyaka akushanga.”

Jelemiya 1:18

Aboobo sunu ndakuyumya anga nindabala icite lilinga, nabi anga ndicinko lya nshimbi nabi anga ndubumbu lwa bulonse ayi upikishe cishi coonse, bamaami bene Juda, bacinenenene babo, bapailishi abantu boonse ba mucishi.

Jelemiya 13:13

Lyalo ubaambile ayi, ‘Nebo neMwaami Lesa ndaakukolesha bantu boonse bekala mucishi cino kubikaawo abamaami bamulunyungu lwakwe Defedi, bapailishi, balaluki abantu boonse bekala muJelusalemu.

Jelemiya 23:29

Maswi angu ali anga ngumulilo nabi ninsando yakupwaishako mabwe. Nebo neMwaami Lesa ndaamba.”

Jelemiya 5:14

Paceebo ceeco Mwaami Lesa, Lesa Shinkusu shoonse utokwaamba ayi, “Jelemiya, ono ceebo bantu aba bakaamba maswi aya, ndaakulengesha maswi angu ali mumulomo wako kuba mulilo akulengesha bantu aba kuba nkuni sheshi shikapye kumulilo uyo.

Esekelo 11:4

Paceebo ceeco, webo omuntu, balalukile mapensho bantu aba.”

Esekelo 3:9

Ncakwiila ndaakukulengesha kuyumabo anga ndibwe alimwi akubula boowa. Utaloondi nshebaamba nabi kuloonda mbabo nakubi kwaamba ayi mbaashu.”

Esekelo 32:18

“Webo omuntu, lilila bantu baanji baanji ba cishi ca Ijipiti. Tuma bantu abo kumusena wa bafu. Ubatuume pantu pomwi abantu abo beshinkusu ba mumishobo imwi.

Esekelo 43:3

Cili anga nciloto ici cakalingabo anga nceeco ncendakabona Lesa ndyaakesa mukunyonyoola ndabala inene ya Jelusalemu alimwi aceeco ncendakabona kuMulonga wa Keba. Aboobo ndakaliwaala panshi akushishaawo ciwa.

Sefaniya 3:5

Sombi Mwaami Lesa ululeme ucili mundabala iyo. Ulacita bululami, taaciti shilubo. Uloombolosha cakutanyengelela bushiku abushiku. Ciindi coonse taalilwi kucita boobo. Sombi bataluleme balabisha cakubula nsoni.

Milimo ya Batumwi 7:31

Mose wakakankamana abuumbi ndyaakabona ceeci. Ono ndyaakasena pafwaafwi ayi aboneshe, wakanyumfwa liswi lya Mwaami Lesa ayi,

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Bene Efeso 6:17

Alimwi amunyamune lupulusho anga ncimpoompo cakumutabilishaako alimwi mutambule maswi akwe Lesa kuswa kuMushimu Usalashi ayo eshi abe anga ngumupeeni.

Bene Ebulu 4:12

Mukwiinga maswi akwe Lesa ali anga ncintu cuumi alimwi alicite nkusu. Alikolete kwiinda mupeeni ukolete koonse kobilo. Alatimbula pakati kushikila apali moyo amuuya alimwi apali shifuwa alimwi amoomo. Maswi akwe Lesa alayubulula sheesho bantu nshebayeeya alimwi anshebasuni.

Ciyubululo 1:16

Mulyaansa lyalulyo wakalinga kucite nyenyeenshi shosanwe ashobilo, amwalo mukanwa mwakaswa mupeeni ukolete koonse koonse. Ciwa cakwe cakalinga kuboneka anga ndisuba lyashika pakati ka mutwi cilimo.

Ciyubululo 2:16

Ono sanduka kuswa kushibiibi shako. Na ubule kusanduka, ndaakwisabo onoono kuli ndiwe mukulwana abantu abo amupeeni uswa mumulomo wangu.’

Ciyubululo 9:15

Mpeeke baanjelo abo bone bakaangululwa. Balo bakalinga kubambitwe kucaya cipansha catatu ca bantu boonse paciindi ceenka ici ca bushiku bweenka ubu bwa mweenshi weenka uyu wa mwaaka weenka uyo.

Ciyubululo 9:21

Peculu lya waawo tabakwe kusanduka kuswa kubucayi, buloshi, bufuule nabi bwiipi.

1 Samwelo 13:13

Samwelo wakamwaambila ayi, “Waciita cintu cabuluya. Tookwe kukonkela mulawo wakakupa Mwaami Lesa wako. Niwacita boobo, naakwiinga Mwaami Lesa wabika bweendeleshi bwa bene Isilaeli mumaansaako abamulunyungu lwako kwamuyayaya.

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.

1 Samwelo 15:32

Lyalo Samwelo wakaamba ayi, “Amundeteleeko Agagi mwaami wa bene Amaleki kuno.” Agagi wakesa kuli nguwe cakwaanguluka kaayeeya ayi shakufwa shakeenda kale.

1 Samwelo 15:33

Sombi Samwelo wakaamba ayi, “Ono bweenka mupeeni wako mbowakalengesha balutundu bamwi kufwitwa baana, mbweeke ubo banyoko mbweshi bafwitwe mwaana pakati ka balutundunyinaabo.” Lyalo Samwelo wakatimboolatimboola Agagi kunembo lya cipaililo ca Mwaami Lesa kuGilugala.