Osiya 6:3 - Baibo Busansulushi Bwa Libuku Ili

³ Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Osiya 6:3 ပူးပေါင်းရင်းမြစ်များ

2 Samwelo 23:4

ulabala anga ngumumuni wa macuunsa, ee, mumuni wa macuunsa ndikubula makumbi. Uli anga ngumumuni umenesha bwiisu imfula ndyeemana kuloka.’

Jobo 29:23

Bakalinga kulangila ndime bweenka mbuli balimi mbobalangila mfula. Bakalinga kutambula maswi angu bweenka bulongo mbobutambula mfula ya cilimo.

Kulumbaisha 19:4

Sombi nkombe sha nshisho shilaya mucishi coonse, ncakwiila shilanyumfwika akweela cishi koonse. Wakayakila lisuba ŋanda mwiculu,

Kulumbaisha 19:6

Lilaswa kweela liculu komwi, akucilingana kuya mukweela kumwi. Taaku ciyuba cikasaashi ca ndilyo.

Kulumbaisha 63:8

Ceebo ndakakatila kuli ndimwe, lyaansa lyanu lya nkusu lilandama akukusha kulisukama pali ndime.

Kulumbaisha 65:9

Mulalama cishi kwiinda mukucipa mfula, mulacipa mboleshi shiinji abuumbi. Tulonga twanu mulatususha maanshi kwaamba ayi bantu babe ashilyo. Mboboobo mbomwakacibamba ayi cibe.

Kulumbaisha 72:6

Mwaami uyo aakabe anga nimfula itoolokela mumyuunda, ncakwiila anga nja tepetepe itootontosha cishi coonse!

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Isaya 2:3

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Isaya 32:15

Sombi Lesa ulaakututumina alimwi Mushimu wakwe kuswa kwiculu. Lyalo luyanga lulaakuba muunda wa mboleshi awalo muunda wa mboleshi ulaakuba musaansa.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Isaya 5:6

Ndaakulengesha muunda uyo kuba musena utacite mpindu mukutakwesoolaako nabi kuusakwita. Mpeeke palaakumena lukupu amyuumfwa. Ncakwiila ndaakukasha makumbi kulosheshawo mfula.”

Isaya 54:13

“Nebo nemwiine ndaakwiisha bantu bako, kubalengesha kuswitilila alimwi akubapa luumuno.

Jelemiya 24:7

Kuswawaawo ndaakubapa moyo wakunshiba ayi ndi Mwaami Lesa. Balaakuba bantu bangu, anebo ndaakuba Lesa wabo, ceebo balaakupilukila kuli ndime amyoyo yabo yoonse.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Osiya 10:12

Nebo ndakaamba ayi, ‘Amulishangile bululami, mukatebule shisepo sha lusuno lutamaani. Amulime myuunda yanu itana kushindwa ceebo cino nciindi cakusandukila kuli ndime neMwaami Lesa. Amunyandoole kushikila nkatiile bululami pali ndimwe.’

Osiya 14:5

Kubene Isilaeli ndaakuba anga nimfula mucishi citacite maanshi. Balaakusapuka anga ngamaluba. Balaakutola miyanda panshi anga ncisamu ca sida ca kuLebanoni.

Osiya 14:6

Nsonseela shilaakunookula kabotu. Balaakunooboneka kabotu anga ncisamu ca maolifi. Balaakunoonunkila kabotu anga ncisamu ca sida ca kuLebanoni.

Osiya 2:20

Ndaakukweeba mukushomeka alimwi ulaakusumina ayi ndime Mwaami Lesa.

Mika 4:2

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Mika 5:7

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ngumume uswa kuMwaami Lesa. Balaakuba anga nimfula yatepetepe pabwiisu mukucinka manungo muli Lesa kuteshi mumuntu, sobwe.

Sekaliya 10:1

Anu amusenge mfula kuMwaami Lesa kumatalikilo amainsa. NguMwaami Lesa uleta makumbi alosha mfula. Ncakwiila ngoolengesha mfula yatepetepe kuloka akulengesha shishango sha muntu woonse kushiya.

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Mateyo 13:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwa kwiculu, sombi balo tabakwe kupekwa.

Luka 1:78

Lesa wesu uliswite nkumbu ulaakutupa mumuni uli mbuli wa kumuyamaca.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Joni 7:17

Aboobo uyo woonse usuni kucita buyanda Lesa, ulaakwishiba na kwiisha kwangu uku kulaswa kuli Lesa nabi kuli ndime nemwiine.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

Dutolonomi 32:2

Kwiisha kwangu kube anga nimfula, amaswi angu aloke anga ngumume, anga nimfula pamweemfu, nabi mfula inene pamimeno.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

2 Pita 1:19

Aboobo tweshiba cancinencine ono ayi maswi akaamba balaluki bakulukulu ngalushinisho. Nkokwaamba ayi inga cabota na mwaakonkela mukwiinga ali anga ndilampi litoonyaka mumusena muli munshinshe kushikila bwaca alimwi kushikila mumuni wakwe Klistu ukamunike mumyoyo yanu anga ngwa ntanda,

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”