Osiya 6:11 - Baibo Busansulushi Bwa Libuku Ili

¹¹ Ono amwebo nobene Juda, ndamubambila ciindi ndyeshi mukapekwe mulandu pasheesho nshemutoocita.

Osiya 6:11 ပူးပေါင်းရင်းမြစ်များ

Jobo 42:10

Pesule Jobo ndyaakamana kupaililako babye, Mwaami Lesa wakamupa coolwe akumulengesha kubila alimwi. Wakamupa buboni busotoka pasheesho nshaakalinga kucite kataanshi.

Kulumbaisha 126:1

Mwaami Lesa ndyaakatupilusha kuJelusalemu, twakalinga twabonabo anga muciloto.

Kulumbaisha 85:1

NoBaami baLesa, mwakapa coolwe cishi canu, Mwakalengesha bamulunyungu lwakwe Jakobo kuswitilila alimwi.

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 51:33

Babiloni waba anga ndubansa lwakulupwitaawo ciindi ndyelulyatoolwa pakulupula shili anga ngamaila. Ndushinisho ciindi cakwe cakumutebula cilaakushikila cakufwambaana. Nebo neMwaami Lesa Shinkusu shoonse, Lesa wa bene Isilaeli ndaamba.”

Jowelo 3:13

Ncakwiila bubi bwabo mbunene abuumbi Amubatimbule bweenka bucita cicekeshi pakutebula witi. Amubalyatoole bweenka butyanwa minyansa mucilindi cakutyaninaamo ciswite kushikila waini wasefukila panshibo.”

Mika 4:12

Sombi tabeshi miyeeyo ya Mwaami Lesa, ncakwiila tabanyumfwishi muyeeyo wa wooyo ubabunganya anga ngamakunka kumusena wakulupwitaawo.

Sefaniya 2:7

Cishi ico cilaakuba ca bene Juda abo beshi bakacaaleewo. Balaakunoocana mafulo a mbelele shabo uko. Macolesha na kwashiya balaakunokoona mumaanda a ndabala ya Ashikeloni. Mwaami Lesa, Lesa wabo ulaakunoobalama akubalengesha kuswitilila alimwi.

Ciyubululo 14:15

Mpeeke kwakesa munjelo umwi wakaswa muŊanda yakwe Lesa akoolobesha wooyo wakalinga kushiite palikumbi ayi, “Talika kusebensesha cicekeshi cako mukwiinga ciindi cakutebula cashikila. Shoonse shakutebula mucishi ca panshi shamaninina kupya!”