Osiya 6:1 - Baibo Busansulushi Bwa Libuku Ili

¹ Bantu batokwaamba ayi, “Atuboolele kuMwaami Lesa, watukwamoona mutupanshapansha, sombi ulaakutushilika alimwi. Ncakwiila watucisa, sombi ulaakwaanga nsalu pashilonda shesu alimwi.

Osiya 6:1 ပူးပေါင်းရင်းမြစ်များ

2 Makani 30:6

Beshinkombe bakanyamuka kweelana ambobakatumwa amwaami alimwi abacinenenene bakwe kuya mucishi coonse ca bene Isilaeli aca bene Juda ankoombe yakwaamba ayi, “Nobene Isilaeli, mwebo nomwakapuluka kuswa mumaansa a bene Silya, amuboole kuMwaami Lesa, Lesa wakwe Abulaamu, Isaki alimwi wakwe Jakobo, alakwe utoobola kuli ndimwe.

Jobo 16:9

“Lesa wankwamoona mubukali bwakwe alimwi utoolumanyaako ameeno. Ee, mulwani wangu ulansaamwita meenso.

Jobo 22:23

Sandukila kuli Shinkusu shoonse cakulibombya, akuleka kucita shintu shibiibi muŋanda yako.

Jobo 34:29

Na woongulusha, anu ngani ukonsha kumutongooka? Na wabafutatila ngani weenga wapekwa coolwe?

Jobo 5:18

Lesa ulacisa akushilika mwiine eenka, ncakwiila ulalengesha shilonda akushilengesha koosha mwiine eenka.

Kulumbaisha 30:7

NoBaami baLesa, ndimwakalinga kuncafwa muluse lwanu, ndakalinga kushimpite anga nkalundu. Sombi ndimwakamfutatila ndakenjilwa boowa.

Kulumbaisha 6:2

Amunyumfwile nkumbu noBaami baLesa ndalefuka. Amumpe nkusu noBaami baLesa ndalema cakukopoka.

Kulumbaisha 71:20

Mwakatuma makatasho amapensho pali ndime. Sombi ndishi kwaamba ayi mulaakumbooshamo nkusu. Ncakwiila mulaakumbusha alimwi kuswa kuunshi lya nshi.

Shikushimikila 3:3

Kuli ciindi cakucaya aciindi cakushilika. Kuli ciindi cakumwaya aciindi cakuyaka.

Isaya 17:7

Pabushiku ubo bantu balaakulansha meenso abo kuMulengi wabo. Ee, balaakwaalansha kuUsalalite wa bene Isilaeli.

Isaya 2:3

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Isaya 30:22

Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”

Isaya 30:26

Mweenshi ulaakubala anga ndisuba alyalo lisuba lilaakubala abuumbi akuba amumuni uli anga ngwa nshiku shosanwe ashobilo kuubika pantu pomwi. Ishi shoonse shilaakucitika Mwaami Lesa aakupombela tusani pashilonda sha bantu bakwe isho nshaakabacisa akushishilika.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Jelemiya 3:22

“Amupiluke mwebo nobantu batashomeki, nebo ndaakumushilika ayi mukanooshomeka.” Mpeeke balo bakakumbula ayi, “Ee, tutoosa kuli ndimwe, ceebo mwebo ndimwe Baami baLesa, baLesa besu.

Jelemiya 30:12

Mwaami Lesa waamba ayi, “Shiloonda shanu tashicite mashilikilo. Ncakwiila shimeenga shanu tashikoonshi koosha.

Jelemiya 30:17

Sombi mwebo ndaakumupa buumi akushilika shilonda shanu nabi balwani banu balaamba ayi, ‘Siyoni wakasuulwa, taakuuwo nabi womwi umulama.’ Nebo neMwaami Lesa ndaamba.”

Jelemiya 33:5

‘Maanda ayo alaakwisula mituntu ya basankwa abo mbweshi nkacaaye mubukali bwangu buyoosha abuumbi paciindi baakunoolwana abene Babiloni. Ndabala inene ino ndaakwiifutatila ceebo ca bubi bwa bantu bekalaamo.

Jelemiya 33:6

“ ‘Nakubi boobo, ndaakushilika ndabala inene ino abantu bekalaamo akubalengesha kuba abuumi bubotu alimwi. Ndaakubatondesha luumuno luunji akubalengesha kwikala cakubula kulisukama.

Jelemiya 50:4

Mwaami Lesa waamba ayi, “Munshiku isho, bene Isilaeli abene Juda boonse, balaakunyamuka kabaya bulila kuyandoola ndime neMwaami Lesa, Lesa wabo.

Jelemiya 50:5

Balaakwiipusha nshila iya kuSiyoni akululama nkuko. Lyalo balaakupanga cipangano anebo neMwaami Lesa camuyayaya ico ceshi cikabule kulubwaawo.

Malilo 3:11

mbweeke ubo alakwe mbwaakankweelaanya kuswa munshila, wankwamoona akunshiya cakubula lucafwo.

Osiya 11:10

“Nebo neMwaami Lesa ndaakubuluma anga ninkalamu abalo bana bangu balaakwisa kuswa kumbo kabesa citutuma.

Osiya 12:6

Paceebo ceeco nobamulunyungu lwakwe Jakobo mulyeelete kuboolela kuli Lesa wanu. Amube bantu bashomeka kuli nguwe, baluleme alimwi mulindile lucafwo kuswa kuli Lesa wanu cakukalika myoyo lyoonsebo.

Osiya 14:1

Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.

Osiya 14:4

Mwaami Lesa waamba ayi, “Ndaakushilika bwaashu bwa bantu bangu akubasuna amoyo wangu woonse. Bukali bwangu pali mbabo bwamana.

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Bene Lefi 14:48

“Sombi na mupailishi wesa mukwiibona akucana ayi kubunda takukwe kwiindaawo kuswabo ndiyakashingulwa, ulaakwaamba ayi ŋanda iyo ilisalalite kweelana aMilawo mukwiinga kubunda koonse kwamana.

Sefaniya 2:1

Amubungane, amubungane mwebo nomushobo utacite nsoni

Dutolonomi 32:39

“ ‘Nebo neenka, ndime Lesa. Taaku Lesa aumwi kwiinda ndime. Ndacaya akupa buumi, ndacisa akushilika. Taaku weenga wakasha nceensuni kucita.

1 Samwelo 2:6

Mwaami Lesa ngooleta lufu akupa buumi. Ulatuma bantu kumusena wa bafu akubapilusha kubuumi.

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”