Osiya 4:7 - Baibo Busansulushi Bwa Libuku Ili

⁷ “Mwebo nobapailishi ndimwakafula, akwalo kubishisha ndimwe ndikwakeendaawo kufula. Mwebo bulemu bwanu mwakabushinta acintu ciletela musebaanyo.

Osiya 4:7 ပူးပေါင်းရင်းမြစ်များ

Esila 9:7

Kuswa muciindi ca bamashali besu bakulukulu kushikila sunu, shibiibi shesu shafula abuumbi. Ceebo ca shibiibi shesu, swebo, bamaami abapailishi besu twakakomwa kubamaami ba mushishi shimwi, tulacaikwa, kwipilwa akutolwa busha. Ncakwiila twasebaana abuumbi bweenka mbotubete asunu.

Osiya 10:1

Bene Isilaeli bakalingabo anga ncisamu ca minyansa citookula kabotu alimwi cicatite minyansa iinji abuumbi. Bweenka buboni bwabo mbobwalinga kuya ciindaawo kufula, mbweeke ubo ashipaililo mboshakalinga kuya bufula. Bweenka cishi mbocakalinga kuya ciindaawo kusumpuka, mbweeke ubo abalo mbobakalinga kwiindaawo kubotesha mabwe abo asalalite ayo ngobakalinga kulambila.

Osiya 10:6

Cilaakutolwa kucishi ca Asilya ayi cikabe cipo kumwaami munene wa cishi ico. Bene Efuleemu balaakusebaana bene Isilaeli balaakunyumfwa nsoni ceebo cakulambila cibumbwabumbwa ico.

Osiya 13:14

“Ndaakubapulusha kuswa kunkusu sha musena wa bafu. Ndaakubalubula kuswa munkusu sha lufu. Myaalu yako olufu ili kuli? Kunyonyoola kwako omusena wa bafu kuli kuli? “Teshi nkabeewo ankuumbu pabantu aba.

Osiya 13:6

Ndindakamusanina mucishi cibotu mwakalinga kukuta. Ono ingayi mutalike kukuta mwakalisumpula. Lyalo nebo mwakandubaako.

Osiya 4:10

Mulaakunoolya shipansha shanu sha milambu, sombi teshi mukanookuta. Mulaakulambila balesa banshalo, sombi teshi mukanooshalaawo mukwiinga mwafutatila ndime neMwaami Lesa akukonkela balesa bamwi.”

Osiya 5:1

“Amunyumfwishe mwebo nobapailishi, amuteye matwi kumakani aya mwebo nobene Isilaeli, ee, mukutikishe mwebo nobaana ba kubwalo! Mulandu utoomushikila, mwalinga anga nkoose kuMisipa, ncakwiila anga nkoombe kayalwa kuKalundu ka Tabo.

Osiya 6:9

Ono bweenka bacayi mbobabelamina bamwi muluundu, mbweeke ubo bapailishi mbobalibunganya akucita. Abalo balacaya bamwi munshila iya kuShekemu. Ncakwiila balacita shibiibi shilensha nsoni abuumbi.

Osiya 9:11

Bulemu bwa bene Isilaeli bulaakuluka anga nkayuni. Nkokwaamba ayi kutumbuka, kuba amafumo, ee, kumina mate shoonse shilaakumana.

Abakuku 2:16

Ono mwebo nweenka mulaakulenshekwa nsoni mumusena wa bulemu. Ncakwiila mwebo nobeene mulaakukolwa akutalantanta. Mwaami Lesa ulaakumulengesha kunwa nkomeshi ya bukali bwakwe, lyalo bulemu bwanu bulaakusandulwa kuba musebaanyo.

Malaki 2:9

Aboobo, ndalengesha kwaamba ayi bantu boonse banoomunyansha akumuceesha mukwiinga tamukwe kukonkela kuyanda kwangu alimwi mukwiisha kwanu mulasalulula.”

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.

Bene Filipi 3:19

Kumeelelesho balaakunyonyoolwa mukwiinga lesa wabo nshintu shisangalasha mubili. Aboobo balo balasangalalila mushintu isho sheelete kubapa nsoni alimwi balayeeyabo shintu sha pacishi ca panshi.

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.