Osiya 4:19 - Baibo Busansulushi Bwa Libuku Ili

¹⁹ Balaakubwesekwa anga ncintu catolwa akapupuulwa, milambu yabo njebabenga kubalesa bamwi ilaakubalengesha kusebaana.

Osiya 4:19 ပူးပေါင်းရင်းမြစ်များ

Isaya 1:29

Cilaakukulensha nsoni kwaamba ayi wakalinga kulambila shisamu alimwi aceebo cakusala myuunda yakulambililamo balesa bamwi.

Isaya 42:17

Sombi abo bacinkite manungo mushibumbwabumbwa, ee, baamba shikoshanyo isho ayi balesa besu, balaakusebaanishikwa akulenshekwa nsoni.”

Jelemiya 17:13

Nobaami baLesa mwebo muli lulangilo lwa bene Isilaeli. Boonse abo bamusuula, balaakulenshekwa nsoni. Boonse abo balaakushiminganabo anga ngameena alembwa mubulongo ceebo bakamufutatila mwebo nokantupu ka buumi.

Jelemiya 51:1

Mwaami Lesa waamba ayi, “Amubone, ndaakusonkomona mushimu wakwe shikunyonyoola uyo weshi akalwane cishi ca Babiloni abantu ba ncico.

Osiya 10:10

Ndaakusuna, ndaakubapa mulandu. Mishobo ilaakulibungabunga mukulwana mbabo. Balaakutolwa mubusha ceebo ca shibiibi shabo shiinji.

Osiya 10:6

Cilaakutolwa kucishi ca Asilya ayi cikabe cipo kumwaami munene wa cishi ico. Bene Efuleemu balaakusebaana bene Isilaeli balaakunyumfwa nsoni ceebo cakulambila cibumbwabumbwa ico.

Osiya 12:1

Bene Isilaeli balatandaanya muuwo ee, batandaanya muuwo uswa kwicwe bushiku boonse. Bubeshi ashalunkutwe shilacanwabo pali poonse. Balapanga shipangano abene Asilya akutuma mafuta a olifi kucishi ca Ijipiti.”

Osiya 13:15

Ono nabi bene Isilaeli bakanooswitilila pakati ka bamakwabo bamwi, ndaakutuma muuwo ulungula kuswa kuluyanga. Muuwo uyo ulaakuyumya tuntupu alimwi amikalo yabo. Muuwo uyo ulaakunyonyoola shintu shoonse shamakwebo mushipinda shabo shakusungilamo buboni.