Osiya 4:14 - Baibo Busansulushi Bwa Libuku Ili

¹⁴ Nakubi boobo teshi nkape mulandu bana banu banakashi ndibaya cicita bufuule, nabi kupa mulandu bamalokashi banu ndibaya cicita bulale mukwiinga mwebo nobeene mulaya cicita bulale akubenga milambu abafuule ba kushipaililo sha bakunsengwe. Ncakwiila bantu batacite maano balaakunyonyooka.

Osiya 4:14 ပူးပေါင်းရင်းမြစ်များ

1 Baami 15:12

Wakatandaanya basankwa bakalinga kucitana bufuule kushipaililo bakunsengwe kuswa mucishi cakwe. Wakalobya ashibumbwabumbwa isho abo mbwaakapyana nshebakalinga babumba.

2 Baami 23:7

Wakanyonyoola maanda muŊanda yakwe Lesa umo mwakalinga kwikala basankwa bakalinga kucitana bufuule amoomo banakashi mobakalinga kutungila shakufwala shakulambilisha Ashela lesa mwanakashi.

Tushimpi 28:5

Bamucita shibi tabanyumfwishi koombolosha kululeme, sombi abo balemeka Mwaami Lesa balaakunyumfwisha kabotu kabotu.

Isaya 1:5

Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.

Isaya 27:11

Misampi iyo na yayuma ilaponsoka. Lyalo banakashi balesa beebwesa yaya mukuba nkuni. Ceebo bantu aba tabanyumfwishishiiwo, aboobo Mulengi wabo taaciteewo coopa nkoye nabi nkumbu pali mbabo

Isaya 56:11

Balibo anga mbakabwa beshi milyomibi abo batakutiiwo nabi balya buyani. Mbeembeshi bateshi ankobatooya, boonse batola nshila shabo. Womwi awomwi pakati kabo ulisunibo kulicanina mpindu yakwe mwiine.

Danyelo 12:10

Bantu baanji balaakusalashikwa, kulengeshekwa kubula tumpenda akuboteshekwa cakumaninina, sombi bamucita shibi balaakutolelela kuba bamucita shibi. Taaku mucita shibi nabi womwi weshi akanyumfwe, sombi basongo balo balaakunyumfwa.

Osiya 14:9

Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.

Osiya 4:1

Amunyumfwe liswi lya Mwaami Lesa mwebo nobene Isilaeli mukwiinga Mwaami Lesa ulicite mulandu ngwaatoomupa mwebo nomwikala mucishi cino. Waamba ayi, “Mucishi cino taaku kushomeka, lusuno nabi lwishibo lwakwaamba ayi ndime Lesa.

Osiya 4:17

Bene Isilaeli balilyaabite kushibumbwabumbwa, ono amubaleeke beene, ndwabo!

Osiya 5:4

“Micito yabo ilabakasha kuboola kuli ndime neLesa wabo. Muuya wa bufuule ulibacatite ca nkusu, aboobo Lesa wabo tabamwishi.

Amosi 2:7

Balyatoola mitwi ya bakandu anga batoolyatoola lusuko akulengesha baabo balyatililwa kulitwa masuku pamitwi. Mwaana abaishi balakumanina kumwanakashi womwi. Mukucita boobo balasebaanya liina lyangu.

Amosi 7:17

“Paceebo ceeco pali ndiwe Mwaami Lesa waamba ayi, ‘Mukaako ulaakuba mufuule mundabala inene. Abalo bana bako basankwa abanakashi balaakufwa kunkondo. Cishi cako cilaakutimboolwa akubaanishikwa alimwi webo ulaakufwita mucishi ca bakunsengwe. Ncakwiila bene Isilaeli boonse balaakutolwa busha kuswa mucishi cabo kuya mucishi citeshi cinebo.’ ”

Shakubelenga 25:3

Munshila iyi bakatalika kulambila lesa wa kuPeyo wiitwa ayi Baali. Paceebo ceeci Mwaami Lesa wakabakalalila

Joni 8:43

Ino nceebonshi ncemutoobulila kunyumfwa nshentokwaamba? Sa te nceebo cakwaamba ayi tamusuni kunyumfwa maswi angu?

Bene Loma 3:11

Taaku muntu unyumfwisha shiluleme, nabi uyandoola Lesa.

1 Bene Kolinto 6:16

Nabi mpashi tamwishi kwaamba ayi muntu ukumankanya mubili wakwe amufuule ulaba mubili womwi anguwe? Malembo akwe Lesa alaamba cakutashisa ayi, “Abo bobilo balaba mubili womwi.”

Bene Efeso 4:18

alimwi miyeeyo yabo icili mumunshinshe. Bantu abo tababeteko lubasu kubuumi ubo Lesa mbwaapa mukwiinga taaku ncebeshi alimwi mukwiinga mbeshicimpamya.

Dutolonomi 23:17

“Taaku mwine Isilaeli musankwa nabi mwanakashi weelete kuba mufuule wa mumisena yakulambililaako bene Kenani.

Bene Ebulu 12:8

Lesa ulabuula bana bakwe boonse. Ono na mwebo taatomubuula, nkokwaamba ayi tamwishi bana bakwe cancinencine, sombi muli baana ba mucikololo.