Osiya 4:11 - Baibo Busansulushi Bwa Libuku Ili

¹¹ Mwaami Lesa waamba ayi, “Waini upya alimwi aukulukulu utoomana bantu bangu maano akunyumfwisha shintu.

Osiya 4:11 ပူးပေါင်းရင်းမြစ်များ

Tushimpi 20:1

Waini ulalengesha muntu kusebaana! Bwalwa bulalengesha muntu kubweka! Uyo woonse upisha mutwi muli mbubo ngumuluya.

Tushimpi 31:4

“Lemwelo, kunwa shilengesha kukolwa teshi cintu cibotu kubamaami. Kunwa waini teshi cintu cibotu kuli mbabo, ncakwiila teshi cintu cibotu baleli kuba anyotwa ya bwalwa.

Tushimpi 6:32

Ono muntu ucita bulale taacitewo maano mukwiinga uyo ulalinyonyoolabo mwiine.

Shikushimikila 7:7

Kulyatilila kulakonsha kulengesha musongo kuba muluya. Akwalo kutambula makulo kulanyonyoola moyo wa muntu.

Isaya 28:7

Abalo balaluki abapailishi balakolwa waini abuumbi cakutalantanta. Ncakwiila balapuwookapuwookabo uku akooku ceebo ca bwalwa. Ceebo cakukolwa, balaluki balaalilwa kunyumfwisha shili anga nshiloto isho Lesa nshaabatumina. Pamilandu ileta bantu kuli mbabo balaalilwa kupa bupingushi ceebo cabucakolwa.

Isaya 5:12

Pakusekelela kwabo balalishilwa tulumbu tunene atuniini, misebe amitoolilo akunwa waini. Sombi kumilimo ya Mwaami Lesa tababikiiko amaano. Ncakwiila milimo ya maansaakwe baleesuula.

Jelemiya 23:13

“Pakati ka balaluki ba kuSamaliya ndakabonawo cintu cimwi cilensha bunya. Bakalinga kulalukila muliina lyakwe Baali akulengesha bantu bangu bene Isilaeli kusoweka.

Osiya 4:12

Balasenga kuyubulwitwa shintu kucisamu. Lyalo kasamu kalabakumbula. Nebo banshiya anga ngumwanakashi mufuule. Ee, balyaaba kuli lesa mweensu anga ngumwanakashi mufuule.

Osiya 5:4

“Micito yabo ilabakasha kuboola kuli ndime neLesa wabo. Muuya wa bufuule ulibacatite ca nkusu, aboobo Lesa wabo tabamwishi.

Osiya 7:11

“Bene Isilaeli balibo anga nimpolobe iyo icenjeekwabo paniini alimwi itacite maano. Sunu inga baya mukusenga lucafwo kubene Ijipiti, sombi ciilo nkucicila kubene Asilya.

Bene Lefi 10:9

“Webo abana bako basankwa tamweelete kwinjila muTente ya Cipangano na mwanwa waini nabi shibilite shimwi shoonse. Na mukacite boobo, mulaakufwa. Uyu ngumulawo ngobeelete kukonkela boonse bamulunyungu lwako.

Luka 21:34

“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.

1 Samwelo 25:36

Mpeeke Abigelo ndyaakashika kuli Nabali wakacana ulicite kusekelela uko kwakalingabo anga nkwa mwaami. Wakalinga kusamitwe alimwi kaakoletwe abuumbi. Aboobo Abigelo taaku ncaakamulwiita kushikila ndibwakaca.