Osiya 3:4 - Baibo Busansulushi Bwa Libuku Ili

⁴ Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.

Osiya 3:4 ပူးပေါင်းရင်းမြစ်များ

Matalikilo 31:19

Labani wakalinga waya mukucesa booya mbelele shakwe. Ono ciindi ico ceenka, Lakelo wakeepa balesa bakupanga ba baishi.

Matalikilo 31:34

Ono Lakelo wakabwesa balesa abo akubabika mucakukalaawo pangamela lyalo wekalaawo. Labani wakalangoola moonse mumusumba, sombi taakwe kutucana.

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

2 Samwelo 6:14

Mpeeke Defedi wakashana ankusu shakwe shoonse mukupa bulemu Mwaami Lesa, kaafwetebo nsalu iteshimite mubukome.

2 Baami 23:24

Mwaami Josiya wakakusha beshikwaamba abafu abeshikulotela pantu pomwi abalesa bamumaanda, shibumbwabumbwa ashimwi shoonse shakalinga kulambilwa isho shilensha bunya mucishi ca Juda amundabala ya Jelusalemu. Wakacita boobo mukukonkela milawo yakalinga kulembetwe mulibuku ilyo Ilikiya mupailishi munene ndyaakacana muŊanda yakwe Lesa.

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

Kulonga 28:4

Ukabalwiite ayi bakatunge cakufwala ca pacaamba, cakufwala ca bupailishi ciitwa ayi efodi, mungaanjo, amwinjila utungitwewo shintu shimwi shakubotesha, cakufwala ca kumutwi alimwi alaamba. Shakufwala ishi sha bupailishi balyeelete kutungila Aloni alimwi abana bakwe basankwa ayi bakansebensele mulimo wa bupailishi.

Kulonga 28:6

“Alimwi bakatunge cakufwala ca bupailishi ciitwa ayi efodi ca booya bwa mbelele buboneka anga ndiculu, bufubelafubela, busalalabo pyu, busalu bwa golodi alimwi ansaalu ibotu iteshimite. Cakufwala ico coonse cilyeelete kutungwa ashimwi shintu shakubotesha.

Malilo 2:9

Minjililo yakwe yakamana kupila panshi, mpingilo wakashityoloola akushinyonyoola. Mwaami wa njiyo abamatanjilili ba njiyo bakatolwa busha pakati ka mishobo imwi. Milawo yakwe Lesa yakacileka kwiishikwa. Abalo balaluki bakacileka kubona shili anga nshiloto shiswa kuMwaami Lesa.

Esekelo 19:14

Mulilo wakayambuka kuswa kumusampi unene umwi wa ncico akutenta shisepo sha cisamu ca munyansa ico. Taaku musampi uyumu wakacaalako uyo wakalinga kweelete kuba nkoli ya muleli. Ulu ndwiimbo lwa buumba. Lulyeelete kwiimbwa muciindi ca kuungumana.”

Esekelo 20:32

Mwebo nobeene mulisuni kuba mbuli mishobo imwi, ee, mbuli bantu ba mushishi shimwi abo balambila shisamu amabwe. Sombi miyeeyo yanu iyo teshi ikacitikewo, sobwe.’

Esekelo 21:21

Ceebo mwaami wa bene Babiloni ulaakwiimikana papansaanina mikwakwa apo akuuma cisolo kwaamba ayi eshibe mukwakwa ngweshi atole. Ulaakusebensesha mifwi kuuma cisolo ico, ulaakwiipusha shibumbwabumbwa akulangalanga kulini lya mulambu wakabengwa kuli nshisho.

Esekelo 21:31

Ndaakumupoomweta bukali bwangu buyoosha akumukalalila cabukali. Ndaakumwaaba kubantu beshilunkutwe abo beshi kabotu bwakunyonyoola.

Danyelo 11:31

Bashilumamba bakwe bamwi beshi bakanoocite shilwanisho balaakuya mukulengesha Ŋanda yakwe Lesa kutanoosalalite. Balaakukasha akubenga milambu ya bushiku abushiku. Mpeeke balaakwiimika Cintu cilya Ciloondesha.

Danyelo 12:11

“Kuswa paciindi ico kubenga milambu ya bushiku abushiku yaakukashikwa kushikila paciindi Cintu cilya Ciloondesha ndyeshi cikeemikwe, palaakwiinda nshiku shili 1,290

Danyelo 9:27

Muleli uyo ulaakuba acipangano ciyumu abantu baanji kwamyaaka ili 7. Musa wa ciindi ico waakwiinda, ulaakukasha kubenga milambu akupa shipo. Mpeeke ulaakubika Cintu cilya Ciloondesha pakansunswa ka ciluli ca Ŋanda yakwe Lesa alimwi cilaakunooli waawo kushikila uyo wakacibikaawo akanyonyoolwe kweelana akubamba kwakwe Lesa.”

Osiya 13:10

Mwakasenga mwaami alimwi abacinenenene. Ono mwaami wanu kwaamba ayi amupulushe uli kuli? Bacinenenene banu mumandabala anu oonse bali kuli?

Osiya 13:11

Mubukali bwangu ndakamupa mwaami alimwi mubukali bwangu buyoosha ndakamukushaawo.

Osiya 2:11

Ndaakumanisha kusekelela kwabo koonse. Nkokwaamba ayi, kusekelela kwa pamwaaka, kusekelela kwa Myeenshi ipya, nshiku shakookesha sha Cibelu, ee, kusekelela kwabo koonse.

Bene Lefi 8:7

Lyalo wakafwalika Aloni mwinjila alimwi amungaanjo akuwaanga alaamba mubukome. Wakamufwalika aefodi, akwiicatanya alaamba wa njiyo uyo wakatungwa kabotu.

Sekaliya 10:2

Mushibumbwabumbwa taamu lushinisho. Beshikusonda balaba ashili anga nshiloto shabubeshi alimwi balasansulula shiloto shiteshi shalushinisho. Ncakwiila baloombulusha citacite mpindu. Paceebo ceeco bantu baleengailabo anga nimbelele shitacite mweembeshi.

Sekaliya 13:2

Bushiku ubo ndaakushiminganya meena a shibumbwabumbwa mucishi alimwi teshi shikayeeyekwewo tubili. Kuswawaawo ndaakukusha balaluki amushimu wakulambila shibumbwabumbwa mucishi.

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Joni 19:15

Balo bakoolobesha ayi, “Aacaikwe, aacaikwe, aapopwe pamucilingano!” Pilato wakabeepusha ayi, “Sa mulisuni ayi mpope mwaami wanu pamucilingano?” Bamatanjilili ba bapailishi bakakumbula ayi, “Taaku aumwi mwaami ngotucite, eenkabo muleli munene wa kuLoma.”

Bene Ebulu 10:26

Mukwiinga na twatolelela kunoobisha kashanga, sombi katwishi kale lushinisho, taaku mulambu umwi weenga wapekwa kuli Lesa ceebo ca shibiibi shesu.

Boomboloshi 17:5

Ono Mika uyo wakalinga kucite cipaililo cakwe mwiine. Wakatunga acakufwala ca bupailishi ciitwa ayi efodi akupanga shibumbwabumbwa shimwi. Lyalo wakabika mwanaakwe umwi ayi ngumupailishi.

Boomboloshi 18:14

Mpomunyaawo basankwa bosanwe abo bakalinga mukusensa cishi ca Laishi bakaambila babyaabo ayi, “Sa mulishi kwaamba ayi muŋanda imwi pamaanda aya muli efodi, shibumbwabumbwa shimwi acibumbwabumbwa cakubesa cakananikwa silifa? Ono muleshiba cakucita.”

Boomboloshi 8:27

Lyalo Gidyoni wakapanga efodi kusebensesha golodi uyo akwiibika mundabala yakwe ya Ofula. Mpeeke bene Isilaeli boonse bakacileka kulambila Lesa akutalika kulambila efodi iyo. Efodi iyo yakaba koose kuli Gidyoni abamuŋanda yakwe.

1 Samwelo 14:3

Mupailishi wakalinga kufwete cakufwala ca bupailishi ciitwa ayi Efodi nguAija mwanaakwe Aitubu mukwabo Ikabodi. Aitubu wakalinga mwanaakwe Fineyasi alimwi mwishikulu wakwe Eli mupailishi wa Mwaami Lesa kuShilo. Taaku wakalinga kwishi ayi Jonasani waya.

1 Samwelo 15:23

Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”

1 Samwelo 2:18

Sombi Samwelo abwanike bwakwe, wakatolelela kusebensela Mwaami Lesa. Wakalinga kufwala cakufwala ca bupailishi ciitwa ayi efodi.

1 Samwelo 21:9

Mupailishi wakakumbula ayi, “Taaku mupeeni uliiko kulekabo wakwe Golyati mwine Filisiti ulya ngowakacaya muCinyika ca Ela. Ulipombeletwe mucisani, kwisule lya cakufwala ca bupailishi ciitwa ayi efodi. Na ulauyanda ubwese.” Defedi wakaamba ayi, “Amumpe weenka uyo taaku aumwi wiinda wooyo.”

1 Samwelo 22:18

Mpeeke mwaami wakaambila Dowegi ayi, “Nyamuka webo ucaye bapailishi aba.” Mpomunyaawo Dowegi mwine Edomu uyo wakabacayoola boonse. Bushiku ubo wakacaya basankwa bali 85 boonse kabafwala kale shakufwala sha bupailishi, shakapangwa kunsalu ibotu iteshimite, shiitwa ayi efodi.

1 Samwelo 23:6

Ono Abiyata mwanaakwe Aimeleki ndyaakaloboka akuya mukwikala aDefedi muKeila, wakabwesa acakufwala ca bupailishi ciitwa ayi efodi akuyaaco.

1 Samwelo 23:9

Defedi ndyaakeshiba ayi Saulo utooyeeya kumulwana, wakaambila Abiyata mupailishi ayi, “Leta efodi.”

1 Samwelo 30:7

Defedi wakaambila Abiyata mupailishi mwanaakwe Aimeleki ayi, “Ndetele efodi.” Lyalo Abiyata wakeeleta kuli nguwe.