Osiya 2:8 - Baibo Busansulushi Bwa Libuku Ili

⁸ “Tabakwe kwishiba kwaamba ayi ndime ndakabapa shili anga ngamaila, waini amafuta a olifi. Ncakwiila ndime ndakabapa silifa agolodi isho nshaakalinga kusebensesha kulambila Baali.

Osiya 2:8 ပူးပေါင်းရင်းမြစ်များ

1 Makani 29:16

NoBaami baLesa, baLesa besu, twabunganya bubile ubu buunji kwaamba ayi tuyake Ŋanda yanu mukulemeka liina lyanu lisalalite. Nakubi boobo bubile boonse ubu bwakaswa kuli ndimwe alimwi boonse mbwanu.

Jobo 19:8

Lesa washinkila nshila yangu, aboobo ntokwaalilwa kwiinda. Washisa nshila yangu mumunshinshe.

Isaya 1:3

Amubone ŋombe ilishi mwineyo ayalo mbongolo ilishi wiisanina. Sombi bantu bangu bene Isilaeli tabenshiiwo, ncakwiila bantu bangu tabanyumfwi.”

Isaya 46:6

Amubone bantu balakusha golodi mumpotomona shabo, balabika silifa pashipimo akuupima. Lyalo balalipila bacibwene kufula sha golodi ayi abapangileko lesa. Mpeeke balatalika kufukamina lesa uyo akumulambila.

Jelemiya 7:18

Baana batootepa nkuni. Bamashali babo batookunka mulilo. Abalo banakashi batookanda fulaulo akupanga shinkwa wa mise wakupa lesa umwi mwanakashi wiitwa ayi Mwaami mwanakashi wa Kwiculu. Batoopa shipo sha shakunwa balesa bamwi kwaamba ayi bankalashe.

Esekelo 23:41

Mpeeke bakalinga kwikala pacuuna cibotu, kunembo kakuli tebulu apo mpobakalinga kubika tununkila kabotu amafuta isho shakapekwa kuli ndime.

Danyelo 3:1

Bumwi bushiku Nebukadinesa wakabumbisha cibumbwabumbwa ca golodi cakalinga kucite mamita ali 27 kuya mwiculu alimwi amamita ali 3 mubufwaafwi mubunene. Cibumbwabumbwa ico cakabikwa muliwesa lya Dula mucishi ca Babiloni.

Danyelo 5:23

Ncakwiila mwebo mwakalisumpula akulwana Mwaami Lesa wa kwiculu. Mwakatuma bantu kumuletela nkomeshi shakaswa muŊanda yakwe. Lyalo mwebo, bacinenenene, bamakaanu alimwi abakasuwa banu mwakanwitaamo waini akulumbaisha balesa ba silifa, ba golodi, ba bulonse, ba nshimbi, ba shisamu alimwi aba mabwe abo batakonshi kubona, kunyumfwa nabi kwishiba cintu nabi comwi. Sombi tamukwe kulemeka Lesa uyo ucite buumi bwanu mumaansaakwe pantu pomwi anshemucita.

Osiya 10:1

Bene Isilaeli bakalingabo anga ncisamu ca minyansa citookula kabotu alimwi cicatite minyansa iinji abuumbi. Bweenka buboni bwabo mbobwalinga kuya ciindaawo kufula, mbweeke ubo ashipaililo mboshakalinga kuya bufula. Bweenka cishi mbocakalinga kuya ciindaawo kusumpuka, mbweeke ubo abalo mbobakalinga kwiindaawo kubotesha mabwe abo asalalite ayo ngobakalinga kulambila.

Osiya 13:1

Kalekale na bene Efuleemu baamba, bamumikowa imwi ya bene Isilaeli bakalinga kuloonda. Ncakwiila bene Efuleemu bakalinga kulemekwa pakati ka bene Isilaeli, sombi bakabisha kwiinda mukulambila Baali. Aboobo balaakumana kufwa.

Osiya 13:2

Ono batolelela kubisha kwiinda mukulipangila shibumbwabumbwa sha silifa. Shibumbwabumbwa isho shakabumbwa cabusongo alimwi shoonse shakabumbwa abacishi shakupangapanga. Bantu abo balaambwa ayi, “Balabenga bantu ayi njimilambu akunoofyonta shibumbwabumbwa sha bacende baana.”

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’

Osiya 4:11

Mwaami Lesa waamba ayi, “Waini upya alimwi aukulukulu utoomana bantu bangu maano akunyumfwisha shintu.

Osiya 8:4

“Bantu bangu bakalinga kusala bamaami palwaabobo beene. Ncakwiila bakalinga kupa shuuna beendeleshi babo kwakutabasuminisha nebo. Kwiinda musilifa agolodi wabo balapangamo shibumbwabumbwa shabo isho sheshi shibaletelebo kunyonyooka.

Abakuku 1:16

Balalambila atoombe twabo akubenga milambu kuli ntuto mukwiinga kwiinda mutoombe babila alimwi balalya kabotu.

Luka 15:13

Kapatana kwiinda nshiku shiinji, mwanikebantu uyo wakoolisha buboni bwakwe akunyamuka lweendo kuya kucishi ca kulaale. Uko nkwaakaya, wakanyonyoola buboni bwakwe boonse mubwikaalo bubiibi.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

Dutolonomi 8:18

Amwiibaluke kwaamba ayi nguMwaami Lesa, Lesa wanu uyo umupa nkusu shakuba abuboni ubo. Ulacita boobo ceebo kushikila asunu ucishomeka kweelana acipangano ncaakashomesha cakulumbila kubamashali banu bakulukulu.

Boomboloshi 9:27

Bantu abo bakalinga kunooya kumyuunda yabo mukuleta minyansa akupanga waini. Bakalinga kutola kuŋanda yakulambililamo lesa wabo uko nkobakalinga kusekelela. Ndibakalinga kulya akunwa bakalinga kucobola Abimeleki.