Osiya 2:3 - Baibo Busansulushi Bwa Libuku Ili

³ Na babule kucita boobo, ndaakubafuula akubashiyabo matakosha mbobakalinga pakushalwa. Ndaakubalengesha kuba anga nduyanga, ee, ndaakubasandula kuba anga ncishi citacite maanshi. Lyalo ndaakubacaya kunyotwa.

Osiya 2:3 ပူးပေါင်းရင်းမြစ်များ

Kulonga 17:3

Sombi bantu bakanyumfwa nyotwa abuumbi, akutolelela kutongookela Mose. Bakamwaambila ayi, “Sa wakatukusha mucishi ca Ijipiti, akutuleta kokuno ayi utucaaye, bana besu alimwi ashifubwa shesu kunyotwa?”

Isaya 33:9

Myuunda ya cishi yacaala ilishiitebo alimwi mumatongo. Misaansa ya Lebanoni yamana kuyuma Cinyika ca mboleshi ca Shalino cababo anga nduyanga. MuBashani apaKalundu ka Kamelo matewu atoolukumukaako kushisamu.

Isaya 47:3

Bantu batookubona koolibo nduno. Lyalo nsoni shitookucata cakuyanda kukupisha panshi. Ncakwiila ntooboosha cishole alimwi taaku weshi ankaashe.”

Isaya 64:10

Mandabalaanu anene ali anga nduyanga, ncakwiila ndabala ya Siyoni yaba luyanga. Ndabala ya Jelusalemu ilibo mumatongo.

Jelemiya 12:10

Bamatanjilili baanji bakanyonyoola muunda wangu wa minyansa. Bakalyatoola mumuunda wangu ubotu akuulengesha kuba luundu lutacite ncito.

Jelemiya 13:22

Na mwaliipusha mumyoyo yanu ayi, “Ceebonshi shintu sha mushobo uyu shatucitikila?” Shintu ishi shamucitikila ceebo cakufula kwa shibiibi shanu. Ncecalengesha ayi shifunga shanu shikwamunwe akukumanishikwa cakukakatishikwa.

Jelemiya 13:26

Ndaakunyamununa shifunga shanu akumufwekaasho kumeenso. Lyalo ndaakumushiyabo matakosha.

Jelemiya 14:3

Bacinenenene balatumaako basebenshi babo mukuteka maanshi, sombi mumikalo tabacaniimo maanshi, sobwe. Balaboolamobo anongo shabo shitacite maanshi. Lyalo balalifweka pameenso ceebo ca nsoni akutyongola.

Jelemiya 17:6

Ulaakubabo anga ncikupu muluyanga. Lakwe teshi akaboneewo cibotu nabi comwi. Ulaakwikala muluyanga luyumu nta, kwikala mucishi ico cicite bulongo bwa mwiinyo umo mutekaali muntu nabi womwi.

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Jelemiya 22:6

“Kuli ndime ŋanda ya bwaami ya muJuda njibotubo anga ngumusena wa Gilyadi. Ee, njibotubo anga ntulundu twa kuLebanoni, Nakubi boobo ndaakwiilengesha kuba anga nduyanga, ncakwiila anga ngamandabala umo mutekaali bantu.

Jelemiya 4:26

Mpeeke ndakalanga akubona ayi cishi cakalinga ca bulongo bubotu caba luyanga. Mandabala a mumo oonse akamana kunyonyoolwa ceebo ca bukali bwa Mwaami Lesa buyoosha.

Jelemiya 51:43

Mandabala a mumo alaakuba matongo. Ncakwiila cishi ico cilaakuba matongo, cishi ciyumu nta akuba luyanga. Taaku muntu weshi akanookalaamo alimwi teshi mukanokwiinda muntu nabi womwi.

Jelemiya 51:5

Nebo neMwaami Lesa Shinkusu shoonse nshikwe kusuulaawo bene Isilaeli abene Juda nakubi kwaamba ayi cishi cabo ciliswitebo milandu kunembo lyangu neUsalalite wa bene Isilaeli.

Esekelo 16:22

Ndiwakalinga kucita shintu ishi shilensha bunya abufuule bwako tookwe kwiibaluka nshiku shako sha kubwanike, ndiwakalinga kweendabo matakosha, kooalabanganabo mumalowa.’ ”

Esekelo 19:13

Bulya cilishangitwe muluyanga, mucishi ciyumu nta, citacite maanshi.

Osiya 13:15

Ono nabi bene Isilaeli bakanooswitilila pakati ka bamakwabo bamwi, ndaakutuma muuwo ulungula kuswa kuluyanga. Muuwo uyo ulaakuyumya tuntupu alimwi amikalo yabo. Muuwo uyo ulaakunyonyoola shintu shoonse shamakwebo mushipinda shabo shakusungilamo buboni.

Osiya 2:10

Ndushinisho ndaakubafuula pameenso abasunikwi babo alimwi taaku weshi akakonshe kubafuna kuswa mumaansaangu.

Ciyubululo 17:16

Meeca ali likumi ngowalinga wabona alimwi amunyama uyo balaakupata mwanakashi mufuule uyo. Balaakubwesa shoonse nshaacite akumufuula akacaalebo matakosha alimwi balaakulyako mubili wakwe akumutenta mumulilo.

Boomboloshi 15:18

Mpeeke Samusoni wakanyumfwa nyotwa, aboobo wakalilila Mwaami Lesa ayi, “Mwakampa nkusu nebo nemusebenshi wanu shakukoma, ono sa mutooyanda kundekelesha ayi mfwe kunyotwa akucatwa kubene Filisiti abo batapalwitwe?”