Osiya 2:22 - Baibo Busansulushi Bwa Libuku Ili

²² Cishi ca panshi cilaakukusha shili anga ngamaila, waini upya alimwi amafuta a olifi. Shintu shoonse ishi shilaakuboneka muJesiliilu.

Osiya 2:22 ပူးပေါင်းရင်းမြစ်များ

Isaya 62:4

Teshi ukanoociitwa ayi, “Cishaale” nabi kwiita cishi cako ayi, “Matongo.” Sombi ulaakunokwiitwa ayi, “Efisiba,” nkokwaamba ayi usunikwi wangu uli muli nguwe. Acalo cishi cako cilaakunokwiitwa ayi, “Beula,” nkokwaamba ayi weebetwe, ceebo Mwaami Lesa ulaakunookusuni alimwi ngweshi akakweebe.

Jelemiya 24:7

Kuswawaawo ndaakubapa moyo wakunshiba ayi ndi Mwaami Lesa. Balaakuba bantu bangu, anebo ndaakuba Lesa wabo, ceebo balaakupilukila kuli ndime amyoyo yabo yoonse.

Jelemiya 31:12

Balaakwisa akoolobesha cakusangalala peculu lya tulundu twa Siyoni. Balaakukondwa ceebo ca coolwe ncaakabapa Mwaami Lesa, nkokwaamba ayi shili anga ngamaila, waini, mafuta a olifi, bana ba mbelele alimwi aba ŋombe. Balaakubabo anga ngumuunda utililwa kabotu alimwi teshi bakabewo tubili mubuumba.

Osiya 1:11

Bene Juda abene Isilaeli balaakucatanishikwa pantu pomwi alimwi. Balaakulisalila mutanjilili womwi, lyalo balaakubwesa cishi cabo alimwi akutalika kuswitilila. Ncakwiila bushiku bwa Jesiliilu bulaakuba bunene abuumbi.

Osiya 1:4

Lyalo Mwaami Lesa wakaŋambila ayi, “Mwaana uyo mutumbe ayi Jesiliilu mukwiinga coonoonobo ndaakupa mulandu bamulunyungu lwakwe Jeyu. Ndaakucita boobo ceebo bantu baanji mbwaakacaya kuJesiliilu. Munshila iyo ndaakumanisha bulelo bwa Isilaeli.

Osiya 14:7

Kutabililwa balaakunookucana kuli ndime alimwi. Balaakunookula anga nshili anga ngamaila Balaakunoosapuka maluba anga ngumunyansa. Balaakunoopukite anga nguwaini wa kuLebanoni.

Jowelo 2:19

Mwaami Lesa ulaakubakumbula ayi, “Ono bulya ndaakumupa shili anga ngamaila, waini amafuta a olifi. Lyalo mwebo mulaakukuta. Ncakwiila mishobo imwi teshi ikamusebaanyeewo.

Sekaliya 8:8

Ndaakubaboosha kwaamba ayi bakanookala muJelusalemu alimwi. Balaakuba bantu bangu anebo ndaakuba Lesa wabo ubalela cakushomeka alimwi cabululami.”